გლობალური რესტრუქტურიზაციის ფარგლებში, კომპანია "ნოკია-სიმენსის" ქსელმა გერმანიაში, დაახლოებით, 2900 სამუშაო ადგილის შემცირება გადაწყვიტა, - ამის შესახებ "ასოშეიტედ პრესი" იუწყება.
24 საათი 04.02.12

გლობალური რესტრუქტურიზაციის ფარგლებში, კომპანია "ნოკია-სიმენსის" ქსელმა გერმანიაში, დაახლოებით, 2900 სამუშაო ადგილის შემცირება გადაწყვიტა, - ამის შესახებ "ასოშეიტედ პრესი" იუწყება.
გამოდის, რომ კომპანია, საერთო ჯამში, გერმანიაში არსებული საშტატო ერთეულიდან ყოველ მეხუთე თანამშრომელს შეამცირებს.
ამ გადაწყვეტილებას კომპანია "ნოკია-სიმენსის" ქსელის პროფკავშირული ორგანიზაცია არ ეთანხმება და სამუშაო ადგილების შენარჩუნებას ცდილობს. "როიტერის" ინფორმაციით, მაღალი ტექნოლოგიების კომპანიები, გერმანიის გარდა, ფინეთშიც აპირებენ 1200 სამუშაო ადგილის შემცირებას. ეს ღონისძიებები მიმართულია კომპანიის ხარჯების წელიწადში 1 მილიარდ ევრომდე შემცირებისკენ.
კომპანია "ნოკია-სიმენსი" 2007 წელს დაფუძნდა და ბოლო რამდენიმე წელია, მაღალი ტექნოლოგიების წარმოების სექტორში მსოფლიოში მეორე ადგილზეა.