მსოფლიოში ცნობილი კიდევ ერთი პრემიუმ ბრენდი თეგეტა მოტორსში"

მსოფლიოში ცნობილმა საბურავების მწარმოებელმა კომპანია "მიშლენმა" საქართველოში საბურავების დისტრიბუციის უფლება ექსკლუზიურად თეგეტა მოტორსს" მიანიჭა.

24 საათი 27.04.12

შესაბამის ხელშეკრულებას ხელი "თეგეტა მოტორსის" გენერალურმა დირექტორმა გიორგი მშვილდაძემ და "მიშლენ" უკრაინისა და ამიერკავკასიის ქვეყნებში "მიშლენის" წარმომადგენლობების გენერალურმა დირექტორმა დომინიკ ბლუმ გუშინ მოაწერეს. ხელმოწერის ცერემონიალის შემდეგ კი "თეგეტა მოტორსის" გენერალურ დირექტორს "მიშლენის" სერტიფიკატი გადაეცა.

"ჩვენთვის ძალიან მნიშვნელოვანია ისეთ კომპანიასთან თანამშრომლობა, როგორიც "მიშლენია". დღემდე "თეგეტა მოტორსი" "მიშლენის" ოფიციალური დილერი იყო საქართველოში, დღეიდან კი ჩვენ თანამშრომლობის ახალ ეტაპზე გადავდივართ, გვენიჭება უფრო მაღალი სტატუსი - "თეგეტა მოტორსი" ხდება "მიშლენის" ექსკლუზიური დისტრიბუტორი საქართველოში... უკანასკნელ პერიოდში საქართველოს ეკონომიკურმა პროგრესმა, წარმატებულმა რეფორმებმა ინფრასტრუქტურისა და, ზოგადად, ცხოვრების დონის სწრაფმა გაუმჯობესებამ მომხმარებლის მხრიდან ხარისხიან პროდუქციაზე მოთხოვნის ზრდა განაპირობა. საქართველოში განახლდა ავტოპარკი, რამაც უახლესი მოდელების ავტომანქანებზე მოთხოვნა გაზარდა, ვინაიდან თანამედროვე ავტომობილები მაღალ სიჩქარეს ავითარებენ. მათ უსაფრთხოების პარამეტრების დასაკმაყოფილებლად განსაკუთრებით ესაჭიროებათ მაღალი ხარისხის საბურავები. ქვეყანაში თანდათანობით გაჩნდა მოთხოვნა ისეთ პრემიუმ ბრენდზე, როგორიც "მიშლენია". ამ ბრენდის საბურავებს მაქსიმალური კომფორტი, უსაფრთხოება და მაღალი გარბენი ახასიათებს, რაც მას სხვა პრემიუმ კლასის ბრენდების საბურავებისგან გამოარჩევს. ჩვენ ორიენტირებულნი ვართ მომხმარებლების ინტერესებზე, შესაბამისად, მუდმივად ვცდილობთ, მსოფლიო ბაზარზე არსებული პრემიუმ ბრენდები ქართველებისთვისაც ხელმისაწვდომი იყოს. დღევანდელი შეკრება სწორედ ამის დასტურია," - აცხადებს "თეგეტა მოტორსის" გენერალური დირექტორი გიორგი მშვილდაძე.

კომპანია "მიშლენი" საფრანგეთში 1888 წელს დაარსდა. იგი საბურავების მწარმოებელ ერთ-ერთ უმსხვილეს კომპანიას წარმოადგენს მსოფლიოში. დაარსებიდან დღემდე კომპანიის მთავარი მიზანია, მომხმარებელს მოწინავე ტექნოლოგიებისა და ინოვაციების გამოყენებით დამზადებული პროდუქტი შესთავაზოს.

"ცოტა ადამიანმა თუ იცის, რამდენად დიდი მნიშვნელობა აქვს საბურავების ხარისხს იმისთვის, რომ მანქანა ყველანაირ საგზაო პირობებში კომფორტულად მართოს. საბურავების საწარმოებლად ახალ ტექნოლოგიებია საჭირო. ჩვენ ამ მიმართულებით მუშაობის დიდი გამოცდილება გვაქვს. დღეს საქართველოში ვიმყოფებით იმიტომ, რომ საბურავების ექსპლუატაციის მაღალ ხარისხში დაგარწმუნოთ. საუკეთესო ხარისხის საბურავებს საუკეთესო მომსახურება სჭირდება. ეს არის მიზეზი, რის გამოც დღეს "თეგეტა მოტორსთან" ხელშეკრულებას ვაფორმებთ. კარგი საბურავი ავტომობილის თვალს კარგად უნდა მოერგოს, რომ სწორი ბალანსირება მოხდეს. ჩვენ მიგვაჩნია, რომ ამისათვის "თეგეტა მოტორსს" შესაბამისი გამოცდილება გააჩნია, აქ მაღალკვალიფიციური კადრები მუშაობენ და თანამედროვე ტექნოლოგიები ხელმისაწვდომია... "მიშლენის" ამბიციაა, რომ საქართველოს საბურავების ბაზარზე წილი გავზარდოთ და წამყვანი პოზიცია დავიკავოთ," - გვითხრა "მიშლენ" უკრაინისა და ამიერკავკასიის ქვეყნებში "მიშლენის" წარმომადგენლობების გენერალურმა დირექტორმა დომინიკ ბლუმ.

მსოფლიო სარეკლამო ბიზნესში ფართოდ ცნობილია მიშლენის" მასკოტი ბიბენდუმი, რომელიც კომპანიის სარეკლამო კამპანიების განუყრელი სახეა. თეგეტა მოტორსი" მომხმარებელს, მიშლენის" სარეკლამო კამპანიის ფარგლებში, სხვადასხვა საინტერესო ღონისძიებებს სწორედ ბიბენდუმთან ერთად შესთავაზებს.

რაც შეეხება ფასებს, როგორც "თეგეტა მოტორსის" პროდუქტების მენეჯერმა ჩვენთან საუბრისას განაცხადა, საქართველოში პრემიუმ ბრენდის "მიშლენის" საბურავების ფასი ხელმისაწვდომი იქნება. "საბურავები ევროპულია, თუმცა ფასი ქართულ ბაზართან არის ადაპტირებული. მსუბული ავტომობილის საბურავების ღირებულება 100-დან 800 ლარის ფარგლებში იქნება. ფასი დამოკიდებულია ავტომობილზე, საბურავის ზომაზე და ა.შ."

უახლოეს მომავალში თეგეტა მოტორსი" მიშლენის" სპეციალიზებული მაღაზიების Tire plus-ის ქსელის გახსნას გეგმავს, სადაც წარმოდგენილი იქნება პროდუქციის ფართო ასორტიმენტი, მომხმარებელს კი საშუალება ექნება, მაღალი დონის მომსახურება მიიღოს.

მსოფ­ლი­ო­ში ცნო­ბი­ლი კი­დევ ერ­თი პრე­მი­უმ ბრენ­დი თე­გე­ტა მო­ტორ­ს­ში"

მსოფლიოში ცნობილი კიდევ ერთი პრემიუმ ბრენდი თეგეტა მოტორსში"