კომერციული ბანკები კლიენტების შესახებ ინფორმაციას რამდენიმე წლით შეინახავენ

კომერციული ბანკები კლიენტების მიერ განხორციელებული ოპერაციების შესახებ ინფორმაციას რამდენიმე წლით შეინახავენ.

24 საათი 08.02.10

ამასთან დაკავშირებით ცვლილება "კომერციული ბანკების საქმიანობის შესახებ" კანონში შედის, რომელსაც პარლამენტი პირველი მოსმენით, სავარაუდოდ, 9 თებერვლის სესიაზე განიხილავს. კანონპროექტის თანახმად, ბანკი ვალდებული ხდება ელექტრონული ფორმით შეინახოს კლიენტებისა და მათ მიერ განხორციელებული ოპერაციების შესახებ ინფორმაცია არანაკლებ 15 წლით.

მოქმედი კანონმდებლობა ბანკს კლიენტების შესახებ ინფორმაციის შენახვას არ ავალდებულებს.

კანონპროექტი პარლამენტის საფინანსო-საბიუჯეტო კომიტეტში მომზადდა და მისი ინიციატორი დეპუტატი ვახტანგ ბალავაძეა.

ინტერპრესნიუსი

სტატიის მისამართი: http://24saati.ge/index.php/category/business/banks/2010-02-08/3336.html