American Express Blue Card - ახალი ბარათი საქართველოს ბანკისგან“

„საქართველოს ბანკი“ საქართველოში ექსკლუზიურად ახდენს American Express ბარათების გამოშვებას და სავაჭრო ობიექტების American Express -ის ქსელში ჩართვას.

ნინო ნარჩემაშვილი

24 საათი 21.07.10

დღეიდან კი, „საქართველოს ბანკმა“, ასევე ექკლუზიურად საქართველოში ახალი საკრედიტო ბარათის American Express Blue Card-ის გამოშვება დაიწყო. American Express Blue Card მის მფლობელს მაღალი ხარისხის ფინანსურ თავისუფლებას და არაერთ ბენეფიტს სთავაზობს - ბარათის მფლობელები მიიღებენ 1% CASHBACK-ს (დახარჯული თანხის პროცენტის დაბრუნება) ყველა შენაძენზე და 0,5% CASHBACK-ს ბანკომატით ჩატარებულ ტრანზაქციებზე. ასევე შესაძლებლობა ექნებათ მიიღონ უფრო მაღალი CASHBACK-ი რჩეულ სავაჭრო ობიექტებში. CASHBACK-ის საერთო მოცულობაზე ლიმიტი არ არსებობს. American Express Blue Card-ის მფლობელები ასევე სარგებლობენ სპეციალური შეთავაზებით რესტორნებში, სავაჭრო და დასვენების ობიექტებში, როგორც საქართველოში, ასევე უცხოეთში. სარგებლობენ საქართველოსთვის ერთადერთი, ბარათის არაავტორიზებული გამოყენების საწინააღმდეგო დაცვით მაღაზიაში და ინტერნეტით რაიმეს შეძენისას. ახალ საკრედიტო ბარათს აქვს განსხვავებული, ულტრათანამედროვე, ინოვაციური დიზაინი, რომელიც მას ბაზრზე არსებულ სხვა ბარათებს შორის გამოარჩევს.

„საქართველოს ბანკის“ გენერალური დირექტორის ირაკლი გილაურის განცხადებით, „American Express Blue Card-ი მომსახურების კიდევ უფრო მაღალ ხარისხს უზრუნველყოფს. მნიშვნელოვანია, რომ მსოფლიოში ერთ-ერთ ყველაზე აღიარებულ ბრენდთან თანამშრომლობით, „საქართველოს ბანკი“ მის მომხმარებელს

სთავაზობს საკრედიტო პროდუქტს, რომელიც ხელმისაწვდომს ხდის ექსკლუზიურ შეთავაზებებს ადგილობრივად და საზღვარგარეთ. American Express Blue Card-ის გამოშვების ექკლუზიური უფლება კიდევ უფრო გაზრდის „საქართველოს ბანკის“ კონკურენტულ უპირატესობას საკრედიტო ბარათების სეგმენტში.“.

American Express Global Network Services-ის ვიცე-პრეზიდენტი ბიზნესის განვითარების დარგში ალექს ფურბერი აღნიშნავს, რომ „საქართველოს ბანკთან“ პარტნიორობა ძალზე მნიშვნელოვანია. ქართულ ბაზარზე ახალი გამორჩეული ბარათის შემოტანა კი უპასუხებს „საქართველოს ბანკის“ სულ უფრო მზარდი მომხმარებლის მოთხოვნებს და მათ მობილური ცხოვრების წესის მართვაში დაეხმარება“.

აღსანიშნავია, რომ ახალი პროდუქტი მომხმარებელს მსოფლიო მასშტაბით American Express-ის ბრენდთან და პროდუქტებთან დაკავშირებულ არაერთ ძირითად სარგებელთან ერთად, სხვა ინოვაციურ ბენეფიტს და მომსახურებას სთავაზობს - CASHBACK-ი, უნიკალური დიზაინი, ფინანსური მოქნილობა,ნაღდი ფულის ხელმისაწვდომობა „საქართველოს ბანკის“ ნებისმიერ ბანკომატში და 800 ათასზე მეტ ბანკომატში მსოფლიოს მასშტაბით; მსოფლიო დონის მომსახურება 24 საათის განმავლობაში 365 დღე წელიწადში და სხვა.

სტატიის მისამართი: http://24saati.ge/index.php/category/business/banks/2010-07-21/8681.html