სპეციალური შეთავაზება „საქართველოს ბანკისგან“

„საქართველოს ბანკი“ მომხმარებელს კიდევ ერთ ახალ ინიციატივას სთავაზობს - 15 ივლისიდან 30 ოქტომბრის ჩათვლით, მომხმარებელი, რომელიც „საქართველოს ბანკში“ მცირე და საშუალო მეწარმეებისათვის მიკროსესხით ანუ ბიზნეს სესხით ისარგებლებს, მაქსიმუმ პირველი სამი თვის განმავლობაში სესხზე საპროცენტო შენატანისგან გათავისუფლდება.

ნინო ნარჩემაშვილი

24 საათი 12.08.10

„საქართველოს ბანკში“Eაღნიშნავენ, რომ ეს ინიციატივა შესაძლებლობას მისცემს მსესხებელს მეტი თავისუფლებით განაგოს მისი ფინანსური სახსრები მოცემული პერიოდისთვის და დაზოგილი თანხა მიკროსესხით დაფინანსებულ საქმიანობას მოახმაროს.

მიკროსესხით სარგებლობა შეუძლია საქართველოში მცხოვრებ ყველა იურიდიულ და ფიზიკურ პირს, ვისაც საქმიანობისთვის საბრუნავი და ძირითადი საშუალებების შეძენა, უძრავი ქონების შეძენა ან სარემონტო სამუშაოების შესრულება სურს. იმ მომხმარებელს კი, ვინც უკვე ფლობს ბიზნესს, შესაძლებლობა აქვს მიკროსესხით საკუთარი სამომხმარებლო მიზნები დააფინანსოს, ასევე გაისტუმროს სხვა საფინანსო სახის ვალდებულებები, დააფინანსოს ბიზნესის მიმიდინარე ხარჯები ან მიმართოს ნებისმიერი აღნიშნული მიზნობრიობის კომბინაციას.

„საქართველოს ბანკის“ მიკროდაკრედიტების დეპარტამენტის დირექტორი ვაჟა მენაბდე აღნიშნავს, რომ „აქცია შესაძლებლობას მისცემს მსესხებელს სამი თვის განმავლობაში პროცენტის სახით დაზოგილი თანხა მიკრო სესხით დაფინანსებულ საქმიანობას მოახმაროს. სესხით შესაძლებელია უძრავი ქონების შეძენა, საბრუნავი საშუალებების შეძენა, ვალდებულებების გასტუმრება, მოკლევადიანი ფინანსური დეფიციტის შევსება და სხვა. აღსანიშნავია, რომ სესხის პროცენტის გადახდა ყველაზე რთული პირველ თვეებშია - ვიდრე სესხი მოგების მოტანას დაიწყებს. Aამ შემთხვევაში კი ბანკი მომხმარებლის მიერ აღებულ სესხს პირველი სამი თვის განმავლობაში პროცენტს არ არიცხავთ, რაც მნიშვნელოვანი და საკმაოდ სერიოზული შეღავათი გახლავთ“.

აღსანიშნავია ისიც, რომ მიკროსესხის თანხა 500 აშშ დოლარიდან 150,000 აშშ დოლარამდე განისაზღვრება. სესხით სარგებლობა კი შესაძლებელია როგორც ლარში, ასევე ევროში.

სტატიის მისამართი: http://24saati.ge/index.php/category/business/banks/2010-08-12/8993.html