• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

ბანკ “ქარ­თუს” თან­ხა და­უბ­რუნ­და

მთავარი პროკურატურის ოფიციალური ინფორმაციით, ბანკ "ქართუს" შსს-ს მიერ ჩატარებული სპეცოპერაციის შედეგად ამოღებული 2 მილიონი დოლარი და 1 მილიონი ევრო დაუბრუნდა.

24 საათი 13.01.12

მთავარი პროკურატურის ოფიციალური ინფორმაციით, ბანკ "ქართუს" შსს-ს მიერ ჩატარებული სპეცოპერაციის შედეგად ამოღებული 2 მილიონი დოლარი და 1 მილიონი ევრო დაუბრუნდა.

“ნაღდი ფულის სახით ამოღებული თანხა, კანონმდებლობის შესაბამისად, ბანკ "ქართუს" ანგარიშზე უნაღდო ანგარიშსწორების სახით გადაირიცხა, რაც მათი გამოყენებით უკანონო შემოსავლის ლეგალიზების საფრთხეს გამორიცხავს,"- განმარტავენ მთავარ პროკურატურაში.

ბანკ "ქარ­თუს" პრე­ზი­დენ­ტი ნო­დარ ჯა­ვა­ხიშ­ვი­ლი სა­მარ­თალ­დამ­ცა­ვე­ბის მი­ერ "ქარ­თუ­დან" ამო­ღე­ბუ­ლი თან­ხის დაბ­რუ­ნე­ბას ადას­ტუ­რებს. მი­სი­ვე გან­მარ­ტე­ბით, თან­ხის გა­და­რიცხ­ვის ოპე­რა­ცია 10 იან­ვარს გან­ხორ­ცი­ელ­და. “არა­ნა­ი­რი დარ­ღ­ვე­ვა სა­ხე­ზე არ არის და გა­უ­გე­ბა­რია, კვლავ რა­ტომ გრძელ­დე­ბა გა­მო­ძი­ე­ბა,” - აცხა­დებს “ქარ­თუს” პრე­ზი­დენ­ტი. მი­სი­ვე თქმით, სპე­ცო­პე­რა­ცი­ის შე­დე­გად ამო­ღე­ბუ­ლი სა­ინ­კა­სა­ციო მან­ქა­ნა, კა­ნო­ნის მოთხოვ­ნის მი­უ­ხე­და­ვად, ბანკს ამ დრომ­დე არ დაბ­რუ­ნე­ბია.

სპე­ცო­პე­რა­ცია “სა­ქარ­თ­ვე­ლოს ბან­კის” სა­თაო ოფის­თან, გა­სუ­ლი წლის 18 ოქ­ტომ­ბერს ჩა­ტარ­და. შსს-მ მა­სინ­ვე გა­ავ­რ­ცე­ლა ინ­ფორ­მა­ცია, რომ­ლის თა­ნახ­მა­დაც, თბი­ლი­სის მთა­ვა­რი სამ­მარ­თ­ვე­ლოს ძვე­ლი თბი­ლი­სის სამ­მარ­თ­ვე­ლოს თა­ნამ­შ­რომ­ლებ­მა და­ა­კა­ვეს რამ­დე­ნი­მე პი­რი, რომ­ლებ­საც თან ჰქონ­დათ დი­დი ოდე­ნო­ბით ნაღ­დი ფუ­ლი. სის­ხ­ლის სა­მარ­თ­ლის საქ­მე სა­ქარ­თ­ვე­ლოს სსკ-ის 194-ე მუხ­ლის მე­სა­მე ნა­წი­ლით - გან­სა­კუთ­რე­ბით დი­დი ოდე­ნო­ბით ფუ­ლის გა­თეთ­რე­ბის მუხ­ლით აღიძ­რა.

ბი­ძი­ნა ივა­ნიშ­ვი­ლის პრეს­სამ­დოვ­ნოს მი­ერ შსს-ს სა­პა­სუ­ხოდ გავ­რ­ცე­ლე­ბუ­ლი ინ­ფორ­მა­ცი­ის მი­ხედ­ვით, “სა­ქარ­თ­ვე­ლოს ბან­კის” ოფი­სი­დან გა­მო­სულ ბანკ “ქარ­თუს” ინ­კა­სა­ცი­ის მან­ქა­ნა ძა­ლო­ვა­ნი უწყე­ბის წარ­მო­მად­გ­ნე­ლებ­მა და პო­ლი­ცი­ის თა­ნამ­შ­რომ­ლებ­მა გა­ა­ჩე­რეს და იარა­ღის ძა­ლის გა­მო­ყე­ნე­ბით ბან­კის 6 თა­ნამ­შ­რო­მე­ლი და­ა­კა­ვეს. და­კა­ვე­ბუ­ლე­ბი რამ­დე­ნი­მე სა­ათ­სი­ვე გა­ა­თა­ვი­სუფ­ლეს. გა­მო­ძი­ე­ბა კი დღემ­დე გრძელ­დე­ბა. "ქარ­თუს " საქ­მი­ა­ნო­ბის შეს­წავ­ლა­ში ეროვ­ნუ­ლი ბან­კი მა­შინ­ვე ჩა­ერ­თო.

"ეროვ­ნულ­მა ბან­კ­მა," რო­გორც სა­ბან­კო სექ­ტო­რის რე­გუ­ლა­ტორ­მა და ქვე­ყა­ნა­ში ფი­ნან­სუ­რი სტა­ბი­ლუ­რო­ბის გა­რან­ტ­მა, მი­ი­ღო გა­დაწყ­ვე­ტი­ლე­ბა, ად­გილ­ზე დე­ტა­ლუ­რი შეს­წავ­ლის გზით შე­ა­ფა­სოს "ბანკ ქარ­თუ­ში" შექ­მ­ნი­ლი ვი­თა­რე­ბა; პა­სუ­ხი მი­ი­ღოს ყვე­ლა წარ­მოქ­მ­ნილ შე­კითხ­ვა­ზე და მი­ღე­ბუ­ლი შე­დე­გე­ბის სა­ფუძ­ველ­ზე გან­საზღ­ვ­როს ბან­კის სა­მო­მავ­ლო ზე­დამ­ხედ­ვე­ლო­ბის სტრა­ტე­გია," - ნათ­ქ­ვა­მია სებ-ის მი­ერ გავ­რ­ცე­ლე­ბულ გან­ცხა­დე­ბა­ში. ეროვ­ნუ­ლი ბან­კის გან­ცხა­დე­ბა­ში აღ­ნიშ­ნუ­ლია ისიც, რომ სებ-ის ერთ-ერ­თი ამო­ცა­ნა ქვე­ყა­ნა­ში ჯან­სა­ღი ფი­ნან­სუ­რი გა­რე­მოს უზ­რუნ­ველ­ყო­ფაა და ამ ამო­ცა­ნის შე­სას­რუ­ლებ­ლად, ეროვ­ნუ­ლი ბან­კი კო­მერ­ცი­უ­ლი ბან­კე­ბის ეფექ­ტურ ზე­დამ­ხედ­ვე­ლო­ბას ახორ­ცი­ე­ლებს.

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times