ბარტონს კანში ელიან!

"იმედი გვაქვს, რომ მისი გოთიკური იუმორი განსაკუთრებულს გახდის მომავალ ფესტივალს" - აღნიშნა კანის კინოფესტივალის პრეზიდენტმა ჟილ ჟაკობმა.

24 საათი 02.02.10

გოთიკური იუმორი კი ამერიკელ რეჟისორს ტიმ ბარტონს აღმოუჩინა. ოთხი დღის წინ გაირკვა, რომ კანში ბარნონს ფესტივალის ჟიურის თავმჯდომარის სტატუსით ელიან. ამერიკელი რეჟისორიც ადასტურებს შეთავაზებული წინადადების შინაარსს და ფიქრობს, რომ "ეს უბრალოდ ფანტასტიკური ამბავია!".

"ჩემთვის კინო ყოველთვის იყო და არის ოცნებებისა და სიზმრების სამყარო. რაც შეეხება კანის ფესტივალს, ის ახდენილი სიზმარია"- აღნიშნავს ტიმ ბარტონი, 51 წლის რეჟისორი.

კანის კინოფესტივალის ჟიურის დანარჩენი რვა წევრის ვინაობა აპრილში გახდება ცნობილი. თავად ფესტივალი 12-23 მაისს გაიმართება.

ბარტონს, ცნობილს იმით, რომ უყვარს მძიმე და "ნაცრისფერი" ფილმები, კარიერის მანძილზე უმუშავია თითქმის ყველა ჟანრში. გადაუღია ბიოგრაფიული, სამეცნიერო-ფანტასტიკური, ანიმაციური ფილმები. ზღაპრებიც და მუსკალური კომედიებიც.

ტიმ პარტონი მხოლოდ რეჟისურით არ გახლავთ დაკავებული. მას უყვარს და ქმნის ფერწერას და იღებს ფოტოებს. მისი ფერწერული ნამუშევრების კოლექცია ნიუ იორკის თანამედროვე ხელოვნების მუზეუმშიც კი გახლავთ დაცული.

ბარტონის ბოლო კინემატოგრაფიული ქმნილება კინოგაქირავებაში მარტში გამოვა. "24 საათის" მკითხველმა უკვე იცის, რომ ეს იქნება წიგნის "ალისა საოცრებათა ქვეყანაში" კინოადაპტაცია. აღსანიშნავია, რომ ამ ფილმში თამაშობს რეჟისორის საყვარელი მსახიობი ჯონი დეპი.

სტატიის მისამართი: http://24saati.ge/index.php/category/culture/2010-02-02/3169.html