2009 წლის ცათამბჯენი

ჩიკაგოს 81-სართულიანი ცათამბჯენი, სახელწოდებით Aqua, რომელშიც სასტუმრო და საცხოვრებელი კომპლექსია განთავსებული, გერმანული ბანკის მონაცემების თანახმად 2009 წლის საუკეთესო ცათამბჯენად აღიარეს.

24 საათი 01.03.10

ამის შესახებ ინფორმაციას The Independent-ი ავრცელებს და იმასაც დასძენს, რომ მის არქიტექტორებს ჯილდო “დიზაინის სფეროში მიღწევებისთვის" და არქიტექტურული გადაწყვეტის სახოვნებისთვის გადაეცათ.

უჩვეულო დიზაინის მიუხედავად, 250 მეტრიანი სიმაღლის ცათამბჯენი ჩიკაგოს საერთო პანორამიდან ამოვარდნიული არ არისო, აღნიშნეს კონკურსის კომისიის წარმომადგენლებმა. ჟიურის წევრებს მიაჩნიათ, რომ არქეიტექტორებმა შეძლეს მოეძებნათ გადაწყვეტილება, რომლის თანახმადაც შენობა, რომელიც შორიდან საკმაოდ უსახურია, მიახლოებისას მის უჩვეულო “თხევად" მოხაზულობას ავლენს, რაც გამვლელებისთვის სასიამოვნო სიურპრიზი შეიძლება იყოს.

კონკურსის ორგანიზატორების აზრით, Aqua-ს პროექტმა სასტუმრო და საცხოვრებელი ცათამბჯენების მომდევნო თაობის კონსტრუირებაში ახალი სტანდარტები გამოკვეთა.

საკონკურსო კომისიამ მეორე ადგილი დუბაიში მდებარე 23 სართულიან კოშკს მისცა, ხოლო ბრინჯაო ტაილანდის 69 სართულია საცხოვრებელ კომპლექსს, სახელწოდებით The Met, გადაეცა.

აღსანიშნავია, რომ კონკურსის დამარსებელია Emporis GmbH, კომპანია, რომელიც მთელ მსოფლიოში მოძრავ ობიექტებზე მონაცემების შერჩევით არის დაკავებული. მისი შტაბ-ბინა ფრანკფურტში მდებაროებს. აქამდე Emporis GmbH-ი სპეციალიზირებული იყო მხოლოდ მაღალი ნაგებობებისა და ცათამბჯენების ინფორმაციაზე.

Emporis Awards-ის ჯილდო ცათამბჯენების მშენებლობის დარგში 2000 წლიდან ყოველწლიურად გაიცემა.

სტატიის მისამართი: http://24saati.ge/index.php/category/culture/2010-03-01/4009.html