სოფო ნიჟარაძე "ევროვიზიაზე" საქართველოს სიმღერით, - "Shine" წარადგენს

2010 წლის "ევროვიზიის" კონსკურსზე მომღერალი სოფო ნიჟარაძე, საქართველოს სიმღერით - "Shine" (ნათება) წარადგენს.

24 საათი 01.03.10

აღიშნული სიმღერა ქართველმა მაყურებელმა და ჟიურიმ ეროვნული ფინალის შედეგად გამოავლინა. შიდა შესარჩევი კონცერტი “თბილისი ივენთ ჰოლში" გაიმართა. სოფო ნიჟარაძემ ექვსი საკონკურსო სიმღერა შეასრულა, რის შემდეგაც ხმის მიცემის პროცედურა დაიწყო. გამარჯვებულ სიმღერას სოფო ნიჟარაძე ევროფესტივალის მეორე ნახევარფინალურ საღამოზე, ნორვეგიაში, ტელენორის არენაზე 27 მაისს შეასრულებს.

შეგახსენებთ, რომ საქართველომ "ევროვიზიის" სიმღერის კონკურსში პირველად მონაწილეობა 2007 წელს მიიღო, სადაც სოფო ხალვაშმა მე-12 ადგილი დაიკავა. 2008 წელს კი ჩვენი ქვეყანა ევროფესტივალზე დიანა ღურწკაიამ წარადგინა.

გასულ წელს კი, საქართველოს შიდა შესარჩევი კონკურსის გამარჯვებული ჯგუფი - "სტეფანე და 3G" გახდა, თუმცა, მოგვიანებით, ქართულმა მხარემ კონკურსში მონაწილეობაზე უარი განაცხადა.

2010 წლის "ევროვიზიის" სიმღერის ფესტივალს ოსლო უმასპინძლებს.

სტატიის მისამართი: http://24saati.ge/index.php/category/culture/2010-03-01/4012.html