• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი (2)

სო­კო დარ­ბაზ­ში

ერთ-ერთ თე­ატ­რ­ში დამ­პა­ტი­ჟეს არ­ც­თუ ისე დი­დი ხნის წინ (თე­ატ­რის სა­ხელ­წო­დე­ბას ტაქ­ტის გა­მო არ ვა­სა­ხე­ლებ).

24 საათი 02.02.12

ერთ-ერთ თე­ატ­რ­ში დამ­პა­ტი­ჟეს არ­ც­თუ ისე დი­დი ხნის წინ (თე­ატ­რის სა­ხელ­წო­დე­ბას ტაქ­ტის გა­მო არ ვა­სა­ხე­ლებ).

ახალ­გაზ­რ­და და ჩემ­თ­ვის უც­ნობ რე­ჟი­სორს ახალ­გაზ­რ­და და ჩემ­თ­ვის კარ­გად ნაც­ნო­ბი დრა­მა­ტურ­გის პი­ე­სა და­ედ­გა. ცხა­დია, წა­ვე­დი. თე­ატ­რა­ლურ ცხოვ­რე­ბა­ში ყვე­ლა­ზე მე­ტად თა­ნა­მედ­რო­ვე პი­ე­სე­ბი მა­ინ­ტე­რე­სებს.

თე­ატ­რ­ში შეს­ვ­ლის­თა­ნა­ვე მე­ცა სუ­ნი, რო­მელ­საც, ჩვე­უ­ლებ­რივ, ერ­თა­დერ­თი ამ­ბა­ვი მო­აქვს: აქ ეს-ესა დას­რულ­და რე­მონ­ტი.

მე­ო­რე შთა­ბეჭ­დი­ლე­ბა: სა­მო­ხე­ლეო კად­რ­თა სი­უხ­ვე. დარ­ბა­ზი სრუ­ლად შე­ევ­სო რე­გი­ო­ნის ად­მი­ნის­ტ­რა­ცი­ას (და­მა­ვიწყ­და მეთ­ქ­ვა, სპექ­ტაკ­ლი ერთ-ერთ პა­ტა­რა ქა­ლაქ­ში და­იდ­გა), ეს კი, მო­გეხ­სე­ნე­ბათ, სა­ში­ში მა­ყუ­რე­ბე­ლია: თე­ატ­რ­ში გუ­ბერ­ნა­ტო­რის ხათ­რით, ბო­დი­ში - ბრძა­ნე­ბით, არის მო­სუ­ლი და, რო­გორც წე­სი, არა­ფერ­ზე რე­ა­გი­რებს: არც ეცი­ნე­ბა, არც ეტი­რე­ბა... ასე­თე­ბი პირ­ქუ­ში სა­ხე­ე­ბით შეს­ც­ქე­რი­ან სცე­ნას და დრო­დად­რო ხმა­მაღ­ლა პა­სუ­ხო­ბენ სა­ტე­ლე­ფო­ნო ზა­რებს: "თე­ატ­რ­ზე ვარ".

სპექ­ტაკ­ლი რა­ღაც­ნა­ი­რად მო­რი­დე­ბუ­ლად და­იწყო; შე­იძ­ლე­ბა ით­ქ­ვას, ვერც მივ­ხ­ვ­დი, რო­გორ. თუმ­ცა ზრდი­ლო­ბი­ან და შე­უმ­ჩ­ნე­ველ და­საწყისს ხმა­უ­რი­ა­ნი გაგ­რ­ძე­ლე­ბა მოჰ­ყ­ვა: ხმის გა­მაძ­ლი­ე­რებ­ლე­ბი ბო­ლო ხმა­ზე აწე­ულ­მა მუ­სი­კამ გა­ხეთ­ქა და მსა­ხი­ო­ბებ­მაც პირ­ველ ოც წუთ­ში შე­ას­რუ­ლეს ოცი ახა­ლი ცეკ­ვა. ეს ცნო­ბი­ლია: ქარ­თუ­ლი თე­ატ­რი არ არ­სე­ბობს ცეკ­ვის გა­რე­შე; რაც არ უნ­და მოხ­დეს, მა­ინც გი­ცეკ­ვე­ბენ - გინ­და, "ჰამ­ლეტს" თა­მა­შობ­დ­ნენ და გინ­და, "HAMLET-MACHINE-ს". მაგ­რამ ცეკ­ვას ვინ ჩი­ვის... მი­უ­ხე­და­ვად იმი­სა, რომ პი­ე­სის ტექსტს კარ­გად ვიც­ნობ­დი (ისე­ვე, რო­გორც პი­ე­სის ავ­ტორს), ვე­რა­ფე­რი გა­ვი­გე. უშუ­ა­ლოდ პი­ე­სის ტექ­ს­ტი სპექ­ტაკ­ლის დაწყე­ბი­დან, ასე, ორ­მოც წუთ­ში და­იწყო (მა­ნამ­დე მსა­ხი­ო­ბე­ბი რე­ჟი­სო­რის მი­ერ ჩა­წე­რილ-ჩათხ­რილ რეპ­ლი­კებს წა­მო­ის­როდ­ნენ, ძი­რი­თა­დად, გი­ნე­ბებს... რად­გან ეს ვი­ცით - ამე­ებ­ზე ტა­შია), მაგ­რამ პი­ე­სა არც მე­რე გამ­ხ­და­რა მე­ტად გა­სა­გე­ბი. ვინ ვის თა­მა­შობ­და, რა­ტომ და რო­გორ, გა­მო­უც­ნობ სა­ი­დუმ­ლო­ე­ბად დარ­ჩა ჩემ­თ­ვის. გაჩ­ნ­და რე­ჟი­სო­რის მი­ერ მო­გო­ნილ-ჩაკ­ვე­ტე­ბუ­ლი ახა­ლი სი­უ­ჟე­ტე­ბიც. თუმ­ცა ვერც ერ­თ­მა სი­უ­ჟეტ­მა ვერ გაგ­ვა­გე­ბი­ნა, რა ხდე­ბო­და სპექ­ტაკ­ლ­ში. მა­ყუ­რებ­ლის სა­მო­ხე­ლეო ნა­წი­ლი ამ­ჯე­რად სა­მარ­თ­ლი­ა­ნი ზიზღით გა­ნეწყო სცე­ნა­ზე მომ­ხ­და­რის მი­მართ. ჩვენ ვგავ­დით დარ­ბაზ­ში ამო­სულ მო­ჯა­დო­ე­ბულ მდუ­მა­რე სო­კო­ებს. გა­პარ­ვაც კი ვი­ფიქ­რე, მაგ­რამ პი­ე­სის ავ­ტო­რის მო­მე­რი­და, რო­მე­ლიც, ჩან­და, სა­შინ­ლად ბრა­ზობ­და (თუმ­ცა ცო­ტა ხან­ში ასეც ვქე­ნი). მარ­თა­ლია, ამ სპექ­ტაკ­ლ­ში მი­სი პი­ე­სი­დან მხო­ლოდ შო­რის­დე­ბუ­ლე­ბი­ღა იყო დარ­ჩე­ნი­ლი, მაგ­რამ მა­ყუ­რე­ბე­ლი, უპირ­ვე­ლეს ყოვ­ლი­სა, მა­ინც ავ­ტო­რით დარ­ჩა უკ­მა­ყო­ფი­ლო, რად­გან, დარ­ბაზ­ში, ვფიქ­რობ, მხო­ლოდ მე ვი­ყა­ვი, ვი­საც ეს პი­ე­სა თა­ვი­დან ბო­ლომ­დე ჰქონ­და წა­კითხუ­ლი (ეჭ­ვი მაქვს, რე­ჟი­სორ­საც კი არა) და, ვაგ­ლახ, მარ­ტო მე შე­მეძ­ლო, მეთ­ქ­ვა: ხალ­ხო, ეს არ წე­რია პი­ე­სა­ში, ეს ამი­სი და­წე­რი­ლი არაა!

მაგ­რამ და­მი­ჯე­რებ­და ვინ­მე?

ვინ შე­ა­და­რებ­და და­წე­რილს სცე­ნა­ზე ნა­ნახ­თან? იტყოდ­ნენ - კი­დევ კარ­გად დად­გა.

პი­ე­სის ავ­ტო­რებს ყვე­ლა­ზე ნაკ­ლე­ბად ენ­დო­ბი­ან ქარ­თულ თე­ატ­რებ­ში (მთე­ლი მსოფ­ლი­ოს­გან გან­ს­ხ­ვა­ვე­ბით). ავი­ღოთ თუნ­დაც ეს მა­გა­ლი­თი: რე­ჟი­სო­რი ერ­თხე­ლაც არ შეხ­ვედ­რია მის ქვე­ყა­ნა­ში მცხოვ­რებ, მის­სა­ვე ენა­ზე მწერ და მო­ლა­პა­რა­კე ავ­ტორს, არ და­ინ­ტე­რე­სე­ბუ­ლა - რა და­წე­რა და რა­ტომ...

სა­ი­დან ვი­ცი, რომ არ შეხ­ვედ­რია?

ვი­ცი. ის ავ­ტო­რი მე ვარ.

• ამობეჭდე
• გაუგზავნე მეგობარს
• კომენტარი (2)

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times