• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

ეგონ ში­ლეს სახ­ლე­ბი ფე­რა­დი თეთ­რე­უ­ლით

ავ­ს­ტ­რი­ე­ლი ფერ­მ­წე­რი­სა და გრა­ფი­კო­სის, ექ­ს­პ­რე­სი­ო­ნიზ­მის ერთ-ერ­თი სა­უ­კე­თე­სო წარ­მო­მად­გენ­ლის - ეგონ ში­ლეს 1914 წლის ქა­ლა­ქის პე­ი­ზა­ჟი, სა­ხელ­წო­დე­ბით "სახ­ლე­ბი ფე­რა­დი თეთ­რე­უ­ლით (ქა­ლა­ქის გა­რე­უ­ბა­ნი II)" აუქ­ცი­ონ­ზე გა­ი­ყი­დე­ბა.

24 საათი 07.05.11

ავ­ს­ტ­რი­ე­ლი ფერ­მ­წე­რი­სა და გრა­ფი­კო­სის, ექ­ს­პ­რე­სი­ო­ნიზ­მის ერთ-ერ­თი სა­უ­კე­თე­სო წარ­მო­მად­გენ­ლის - ეგონ ში­ლეს 1914 წლის ქა­ლა­ქის პე­ი­ზა­ჟი, სა­ხელ­წო­დე­ბით "სახ­ლე­ბი ფე­რა­დი თეთ­რე­უ­ლით (ქა­ლა­ქის გა­რე­უ­ბა­ნი II)" აუქ­ცი­ონ­ზე გა­ი­ყი­დე­ბა.

ამის შე­სა­ხებ ინ­ფორ­მა­ცია Bloomberg-მა Sotheby’s აუქ­ცი­ო­ნის პრეს­სამ­სა­ხუ­რის შეტყო­ბი­ნე­ბა­ზე დაყ­რ­დ­ნო­ბით გა­ავ­რ­ცე­ლა. ტი­ლოს მფლო­ბე­ლია რუ­დოლფ ლე­ო­პოლ­დის ავ­ს­ტ­რი­უ­ლი მუ­ზე­უ­მი, რო­მელ­მაც ნა­მუ­შევ­რის"სახ­ლე­ბი ფე­რა­დი თეთ­რე­უ­ლით" გა­ყიდ­ვა ში­ლეს მე­ო­რე ნა­ხატ­თან და­კავ­ში­რე­ბით წარ­მოქ­მ­ნი­ლი და­ვის მო­საგ­ვა­რებ­ლად გა­დაწყ­ვი­ტა.

პე­ი­ზა­ჟი აღ­ნიშ­ნუ­ლი ავ­ტო­რის­თ­ვის რე­კორ­დულ თან­ხად - 50 მი­ლი­ონ დო­ლა­რად არის შე­ფა­სე­ბუ­ლი. ნა­ხა­ტის ღი­რე­ბუ­ლე­ბის ქვე­და ზღვა­რია 36,2 მი­ლი­ონ დო­ლა­რი. ამას­თან, რო­გორც Sotheby’s პრეს­სამ­სა­ხუ­რის შეტყო­ბი­ნე­ბა­შია აღ­ნიშ­ნუ­ლი, ერთ-ერ­თ­მა მყიდ­ველ­მა აუქ­ცი­ონს მო­ცე­მუ­ლი თან­ხა უკ­ვე გა­რან­ტი­რე­ბუ­ლად შეს­თა­ვა­ზა. სა­ინ­ფორ­მა­ციო სა­ა­გენ­ტო აღ­ნიშ­ნავს, რომ ეგონ ში­ლეს ასე­თი დო­ნის ნა­მუ­შევ­რე­ბი აუქ­ცი­ო­ნებ­ზე იშ­ვი­ა­თად ხვდე­ბა.

თან­ხის ნა­წი­ლი­დან, რო­მელ­საც აღ­ნიშ­ნუ­ლი ტი­ლოს მე­პატ­რო­ნე მი­სი გა­ყიდ­ვის შემ­დეგ მი­ი­ღებს, 20 მი­ლი­ო­ნი დო­ლა­რი ში­ლეს "ვა­ლის პორ­ტ­რე­ტის" კა­ნო­ნი­ე­რი მფლო­ბე­ლის მემ­კ­ვიდ­რე­ებს გა­და­ე­ცე­მა. 1938 წელს ნა­ცის­ტებ­მა პორ­ტ­რე­ტი არ­ტ­დი­ლერ ლეი ბონ­დი-ჯა­რე­ის ჩა­მო­არ­თ­ვეს. მუ­ზე­უ­მი დი­ლე­რის შთა­მო­მავ­ლებს ზე­მოთ აღ­ნიშ­ნულ თან­ხას გა­და­უხ­დის, რა­თა ტი­ლოს მუ­ზე­უმ­ში და­ტო­ვე­ბის უფ­ლე­ბა მი­ი­ღოს.

"ვა­ლის პორ­ტ­რე­ტის" გარ­შე­მო ატე­ხი­ლი კა­მა­თი 1998 წლი­დან და­იწყო და მოვ­ლე­ნად იქ­ცა, რამ­დე­ნა­დაც მე­ო­რე მსოფ­ლიო ომის დროს ჩა­მორ­თ­მე­უ­ლი ხე­ლოვ­ნე­ბის ნი­მუ­შე­ბის კა­ნო­ნი­ე­რი მფლო­ბე­ლე­ბის­თ­ვის დაბ­რუ­ნე­ბის მოთხოვ­ნის საქ­მე­თა გან­ხილ­ვას და­უ­დო სა­ფუძ­ვე­ლი. ამ პე­რი­ო­დი­დან მო­ყო­ლე­ბუ­ლი, სწო­რედ ეგონ ში­ლეს ნა­ხატ­თან და­კავ­ში­რე­ბუ­ლი სარ­ჩე­ლის წყა­ლო­ბით, მსოფ­ლი­ოს 44 ქვე­ყა­ნა­ში ამ პრო­ცე­დუ­რის და­მა­რე­გუ­ლი­რე­ბე­ლი კა­ნო­ნი მი­ი­ღეს.

რუ­დოლფ ლე­ო­პოლ­დის მუ­ზე­უ­მი ვე­ნა­შია გან­თავ­სე­ბუ­ლი და ში­ლეს ნა­მუ­შევ­რე­ბის მსოფ­ლი­ო­ში ცნო­ბილ კო­ლექ­ცი­ას ფლობს, სა­დაც ავ­ს­ტ­რი­ე­ლი ექ­ს­პ­რე­სი­ო­ნის­ტის 220-ზე მე­ტი ნა­მუ­შე­ვა­რია და­ცუ­ლი.

ეგონ ში­ლე 1890-1918 წლებ­ში ცხოვ­რობ­და. იზ­რ­დე­ბო­და ბი­ძის ოჯახ­ში. 1906 წელს შე­ვი­და ვე­ნის ხე­ლოვ­ნე­ბი­სა და სხვა­დას­ხ­ვა ხე­ლო­ბა­თა შემ­ს­წავ­ლელ სკო­ლა­ში, მოგ­ვი­ა­ნე­ბით კი სახ­ვი­თი ხე­ლოვ­ნე­ბის აკა­დე­მი­ა­ში ჩა­ა­ბა­რა. 1907 წლი­დან გა­იც­ნო დღე­ი­სათ­ვის მსოფ­ლი­ო­ში აღი­ა­რე­ბუ­ლი მხატ­ვა­რი, ავ­ს­ტ­რი­ულ ფერ­წე­რა­ში მო­დერ­ნის ფუ­ძემ­დე­ბე­ლი გუს­ტავ კლიმ­ტი, რო­მელ­მაც შე­ი­ფა­რა და რო­მე­ლიც მი­სი საყ­რ­დე­ნი აღ­მოჩ­ნ­და.

ეგონ ში­ლეს ნა­მუ­შევ­რე­ბის პირ­ვე­ლი გა­მო­ფე­ნა 1908 წელს, ვე­ნას­თან ახ­ლოს, ქა­ლაქ კლოს­ტერ­ნო­ი­ბურ­გ­ში გა­ი­მარ­თა. 1909 წელს კლიმ­ტ­მა ში­ლე ვე­ნის სამ­ხატ­ვ­რო გა­ლე­რე­ა­ში ორ­გა­ნი­ზე­ბულ გა­მო­ფე­ნა­ში მო­ნა­წი­ლე­ო­ბის მი­სა­ღე­ბად მი­იწ­ვია, სა­დაც მი­სი ნა­ხა­ტე­ბი ისე­თი ავ­ტო­რე­ბის ტო­ლო­ე­ბის გვერ­დით გა­მო­ი­ფი­ნა, რო­გო­რე­ბიც იყ­ვ­ნენ: ვან გო­გი, ედ­ვარდ მუნ­კი და სხვე­ბი. 1911 წელს ში­ლეს მე­გო­ბა­რი და მო­დე­ლი გუს­ტავ კლიმ­ტის ერთ-ერ­თი მო­დე­ლი და საყ­ვა­რე­ლი ვა­ლე­რი ნო­ი­ზე­ლი გახ­და. წყვი­ლი ვე­ნის ბო­ჰე­მურ ყო­ფას გა­ექ­ცა. ისი­ნი სხვა­დას­ხ­ვა ქა­ლაქ­ში ცხოვ­რობ­დ­ნენ. 1912 წელს, ნო­ი­ლენ­გ­ბახ­ში ყოფ­ნი­სას, ში­ლე არას­რულ­წ­ლო­ვა­ნე­ბის გახ­რ­წ­ნის ბრალ­დე­ბით და­ა­პა­ტიმ­რეს. ჩხრე­კის შე­დე­გად მხატ­ვარს აღ­მო­უ­ჩი­ნეს რამ­დე­ნი­მე ათე­უ­ლი ნა­მუ­შე­ვა­რი, რომ­ლე­ბიც პორ­ნოგ­რა­ფი­ად აღი­ა­რეს. ხე­ლო­ვან­მა გარ­კ­ვე­უ­ლი პე­რი­ო­დი ცი­ხე­ში გა­ა­ტა­რა.

1912-1916 წლებ­ში ში­ლეს ნა­ხა­ტე­ბი ფარ­თოდ და წარ­მა­ტე­ბით იფი­ნე­ბო­და ვე­ნა­ში, ბუ­და­პეშ­ტ­ში, მი­უნ­ხენ­ში, პრა­ღა­ში, ჰამ­ბურ­გ­ში, შტუდ­გარ­დ­ში, ცი­უ­რიხ­ში, დრეზ­დენ­ში, ბერ­ლინ­ში, კი­ოლ­ნ­ში, ბრი­უ­სელ­ში, პა­რიზ­ში. 1917 წელს მხატ­ვა­რი დაბ­რუნ­და ვე­ნა­ში. კლიმ­ტის გარ­დაც­ვა­ლე­ბის შემ­დეგ, ში­ლე ავ­ს­ტ­რი­ის წამ­ყ­ვა­ნი მხატ­ვა­რი გახ­და. ხე­ლო­ვა­ნი ფეხ­მ­ძი­მე ცო­ლის სიკ­ვ­დი­ლი­დან სა­მი დღის შემ­დეგ ეპი­დე­მი­ით გარ­და­იც­ვა­ლა.

ეგონ ში­ლეს მემ­კ­ვიდ­რე­ო­ბა­ში და­ახ­ლო­ე­ბით 300 ნა­ხა­ტი და რამ­დე­ნი­მე ათა­სი ჩა­ნა­ხა­ტი შე­დის. მი­სი გარ­დაც­ვა­ლე­ბის შემ­დეგ მხატ­ვ­რის ექ­ს­პო­ზი­ცი­ე­ბი იმარ­თე­ბო­და და დღემ­დე იმარ­თე­ბა მსოფ­ლი­ოს უმ­ს­ხ­ვი­ლეს მუ­ზე­უ­მებ­ში. მას­ზე და­ი­წე­რა რო­მა­ნე­ბი, გა­და­ი­ღეს ფილ­მი, სა­ხელ­წო­დე­ბით "ეგონ ში­ლე - ცხოვ­რე­ბა, რო­გორც ექ­ს­ცე­სი" (1981).

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times