• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

დრა­კო­ნი შე­მო­დის

2012 წე­ლი მო­დის, მაგ­რამ თქვენ ნუ შე­გე­შინ­დე­ბათ, პი­რი­ქით, დარ­წ­მუ­ნე­ბუ­ლი იყა­ვით, რომ ეს ყვე­ლა­ზე ზღაპ­რუ­ლი წე­ლი იქ­ნე­ბა, რად­გან, რო­გორც იცით, 2012 დრა­კო­ნის წე­ლია - დრა­კო­ნი კი აღ­მო­სავ­ლურ ჰო­როს­კოპ­ში ერ­თა­დერ­თი ზღაპ­რუ­ლი ცხო­ვე­ლია.

24 საათი 31.12.11

2012 წე­ლი მო­დის, მაგ­რამ თქვენ ნუ შე­გე­შინ­დე­ბათ, პი­რი­ქით, დარ­წ­მუ­ნე­ბუ­ლი იყა­ვით, რომ ეს ყვე­ლა­ზე ზღაპ­რუ­ლი წე­ლი იქ­ნე­ბა, რად­გან, რო­გორც იცით, 2012 დრა­კო­ნის წე­ლია - დრა­კო­ნი კი აღ­მო­სავ­ლურ ჰო­როს­კოპ­ში ერ­თა­დერ­თი ზღაპ­რუ­ლი ცხო­ვე­ლია.

თუ ახა­ლი წლის შეხ­ვედ­რას გან­სა­კუთ­რე­ბუ­ლად არ აპი­რებთ, გთა­ვა­ზობთ ალ­ტერ­ნე­ტი­ვას - დრა­კო­ნის წელს დრა­კო­ნებ­თან ერ­თად შეხ­ვ­დით. ქვე­მოთ კი მათ შე­სა­ხებ გა­და­ღე­ბულ რამ­დე­ნი­მე ანი­მა­ცი­ურ და მხატ­ვ­რულ ფილმს შე­გახ­სე­ნებთ.

თუ კი­ნო­სე­ან­სის მოწყო­ბას ბავ­შ­ვებ­თან ერ­თად აპი­რებთ, სა­უ­კე­თე­სო არ­ჩე­ვა­ნი ანი­მა­ცი­უ­რი "რო­გორ გავ­წ­ვ­რ­თ­ნათ დრა­კო­ნია" - DreamWorks Animation-ის არაჩ­ვე­უ­ლებ­რი­ვი ნა­მუ­შე­ვა­რი, 2010 წელს გა­მო­სუ­ლი სა­ოც­რე­ბა, რომ­ლის­თ­ვი­საც კონ­კუ­რენ­ცი­ის გა­წე­ვა ამა­ვე წელს გა­მო­სულ მხო­ლოდ ერთ ფილმს შე­ეძ­ლო და ასეც მოხ­და - რომ არა "სა­თა­მა­შო­ე­ბის ის­ტო­რია 3", ამე­რი­კის კი­ნო­ა­კა­დე­მი­ის ჯილ­დოს უთუ­ოდ ეს ანი­მა­ცი­უ­რი ფილ­მი და­ი­სა­კუთ­რებ­და. "რო­გორ გავ­წ­ვ­რ­თ­ნათ დრა­კო­ნი" ერ­თ­ნა­ი­რად სა­ინ­ტე­რე­სოა რო­გორც პა­ტა­რა, ისე მოზ­რ­დი­ლი აუდი­ტო­რის­თ­ვის, რაც ამ ფილ­მ­ში მოთხ­რო­ბი­ლი ის­ტო­რი­ის გარ­და მი­სი ვი­ზუ­ა­ლუ­რი მხა­რის დამ­სა­ხუ­რე­ბა­ცაა და ექ­შე­ნიც საკ­მოდ ბევ­რი აქვს. ფილ­მის სი­უ­ჟე­ტი ვი­კინ­გე­ბის სოფ­ლის მაცხოვ­რებ­ლე­ბის ირ­გ­ვ­ლივ ვი­თარ­დე­ბა. სოფ­ლის მო­სახ­ლე­ო­ბას მრა­ვა­ლი წე­ლია სხვა­დას­ხ­ვა ზო­მის, ფორ­მი­სა და ფე­რის მქო­ნე დრა­კო­ნე­ბი ატე­რო­რე­ბენ, ში­ნა­ურ ცხო­ვე­ლებს პა­რა­ვენ და ზოგ­ჯერ, თუ ძა­ლი­ან გაბ­რაზ­დე­ბი­ან, სახ­ლებ­საც უწ­ვა­ვენ. ერ­თი სიტყ­ვით, ცუ­დად იქ­ცე­ვი­ან. შე­სა­ბა­მის წი­ნა­აღ­მ­დე­გო­ბას უწე­ვენ მა­მა­ცი ვი­კინ­გე­ბიც, თუმ­ცა, მცდე­ლო­ბის მი­უ­ხე­და­ვად, ვე­რა­ფერს აკ­ლე­ბენ ყვე­ლა­ზე სა­შიშ დრა­კო­ნად მიჩ­ნე­ულ ღა­მის ფუ­რი­ას. ის არა­ვის უნა­ხავს, რად­გან მხო­ლოდ ღა­მე დაფ­რი­ნავს და სიბ­ნე­ლე­ში მარ­ტო მი­სი მრის­ხა­ნე თვა­ლე­ბის შემ­ჩ­ნე­ვაა შე­საძ­ლე­ბე­ლი. ყვე­ლა­ფე­რი იც­ვ­ლე­ბა, რო­დე­საც ღა­მის ფუ­რი­ას ვი­კინ­გე­ბის ბე­ლა­დის ვა­ჟი უმე­გობ­რ­დე­ბა და ფილ­მის სა­უ­კე­თე­სო სცე­ნე­ბიც სწო­რედ აქე­დან იწყე­ბა - შა­ვი დრა­კო­ნი სი­ნამ­დ­ვი­ლე­ში იმ­დე­ნად თვი­ნი­ე­რი და საყ­ვა­რე­ლია, ზოგ­ჯერ კა­ტის კნუ­ტი­ვი­თაც იქ­ცე­ვა და, რაც მთა­ვა­რია, სწო­რედ ის გა­და­არ­ჩენს ადა­მი­ა­ნებს, რო­დე­საც ვი­კინ­გე­ბი ყვე­ლა­ზე დიდ დრა­კონ­ზე გა­ი­ლაშ­ქ­რე­ბენ.

ასე­თი­ვე ორ­მა­გი სა­ხე აქვს "შრე­კის" დრა­კონ­საც, რო­მე­ლიც თა­ვი­დან ყვე­ლას სას­ტი­კი მტა­ცე­ბე­ლი ჰგო­ნია, ხა­ხი­დან ცეცხლს აფ­რ­ქ­ვევს და სა­დაც გა­ივ­ლის, ყველ­გან ნან­გ­რე­ვებს ტო­ვებს, მაგ­რამ, აღ­მოჩ­ნ­დე­ბა, რომ სი­ნამ­დ­ვი­ლე­ში ის ქალ­ბა­ტო­ნია და თა­ნაც ვი­რის მო­მა­ვა­ლი მე­უღ­ლე და შვი­ლე­ბის დე­და. მოკ­ლედ "შრე­კის" დრა­კო­ნი ამ­ქ­ვეყ­ნად ალ­ბათ ყვე­ლა­ზე უც­ნა­უ­რი არ­სე­ბაა, მაგ­რამ უფ­რო უც­ნა­უ­რე­ბი მი­სი შვი­ლე­ბი არი­ან - ალ­ბათ გახ­სოვთ, მე­ო­რე "შრეკ­ში" მფრი­ნავ ჩოჩ­რებს რომ გა­ა­ჩენს.

სე­რი­ო­ზუ­ლი ექ­შე­ნე­ბის მოყ­ვა­რუ­ლებს შე­გიძ­ლი­ათ "ცეცხ­ლის ძა­ლა­უფ­ლე­ბა" (მთა­ვარ რო­ლებ­ში კრის­ტი­ან ბე­ი­ლი და მე­ტიუ მა­კო­ნა­ჰი) ნა­ხოთ - აქ ნამ­დ­ვილ ცეცხ­ლის­მ­ფ­რ­ქ­ვე­ველ და სას­ტიკ დრა­კო­ნებს შეხ­ვ­დე­ბით. ფილ­მ­ში მოქ­მე­დე­ბა თა­ნა­მედ­რო­ვე ლონ­დონ­ში იწყე­ბა, სა­დაც მეტ­რო­პო­ლი­ტე­ნის გვი­რა­ბის თხრი­სას შემ­თხ­ვე­ვით სა­უ­კუ­ნე­ე­ბის წინ მი­ძი­ნე­ბულ დრა­კონ­საც ამოთხ­რი­ან. მა­ლე დრა­კო­ნე­ბი მთელ დე­და­მი­წა­ზე გა­ბა­ტონ­დე­ბი­ან, რა­საც, ცხა­დია, მათ­თან მებ­რ­ძო­ლი ადა­მი­ა­ნე­ბის გა­მო­ჩე­ნაც მოს­დევს. ნუ შე­გა­ში­ნებთ ფილ­მის არც თუ სა­ინ­ტე­რე­სო სა­ხელ­წო­დე­ბა - ის საკ­მა­ოდ სა­ნა­ხა­ობ­რი­ვი და დი­ნა­მი­კუ­რი გახ­ლავთ.

ცხა­დია, დრა­კო­ნე­ბის გა­რე­შე ვერც ფენ­ტე­ზის ჟან­რის ფილ­მე­ბი ივარ­გებს და ასე­ცაა - დრა­კონს ჰა­რი პო­ტე­რის შე­სა­ხებ გა­და­ღე­ბულ ფილ­მებ­შიც შეხ­ვ­დე­ბით და "ბეჭ­დე­ბის მბრძა­ნე­ბელ­შიც". ამ უკა­ნას­კ­ნელ­ში კი მარ­თ­ლაც სა­ში­შე­ბი არი­ან - სას­ტი­კი ნაზ­გუ­ლე­ბი ზოგ­ჯერ სწო­რედ მა­თი დახ­მა­რე­ბით გა­და­ად­გილ­დე­ბი­ან. სრუ­ლი­ად სა­წი­ნა­აღ­მ­დე­გო გან­წყო­ბას ტო­ვებს ანი­მე "სუ­ლე­ბით გა­ტა­ცე­ბულ­თა" თეთ­რი დრა­კო­ნი, რო­მე­ლიც სი­ნამ­დ­ვი­ლე­ში მო­ჯა­დო­ე­ბუ­ლი ჰა­კუა, ტი­ჰი­როს ერ­თ­გუ­ლი მე­გო­ბა­რი, რო­მე­ლიც მუ­დამ მის გვერ­დი­თაა.

და ბო­ლოს, თუ აღ­მო­სავ­ლუ­რი ორ­თაბ­რ­ძო­ლე­ბის თაყ­ვა­ნის­მ­ცე­მე­ლი ბრძან­დე­ბით, მა­შინ ბრუს ლის ორი მა­გა­რი ფილ­მის ნახ­ვას გირ­ჩევთ: "დრა­კო­ნის შე­მოს­ვ­ლას" და "დრა­კო­ნის გზას". მარ­თა­ლია, ამ ფილ­მებ­ში ნამ­დ­ვილ დრა­კონს ვერ შეხ­ვ­დე­ბით, მაგ­რამ სა­ნა­ხა­ო­ბით ნამ­დ­ვი­ლად ისი­ა­მოვ­ნებთ, რად­გან ორი­ვე ფილ­მი არა მხო­ლოდ ბრუს ლის, არა­მედ, ორ­თაბ­რ­ძო­ლა­თა ხე­ლოვ­ნე­ბის შე­სა­ხებ გა­და­ღე­ბულ ფილ­მებს შო­რი­საც კლა­სი­კურ ნა­მუ­შევ­რად მი­იჩ­ნე­ვა - დრა­კო­ნი კი თა­ვად ეს ლე­გენ­და­რუ­ლი მსა­ხი­ო­ბი გახ­ლავთ...

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times