• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

ქარ­თუ­ლი კი­ნო "ბერ­ლი­ნა­ლე­ზე"

ეროვ­ნუ­ლი კი­ნო­ცენ­ტ­რი ევ­რო­პუ­ლი კი­ნოს ბაზ­რო­ბა­ზე   9 თე­ბერ­ვ­ლი­დან იმუ­შა­ვებს

24 საათი 02.02.12

ეროვ­ნუ­ლი კი­ნო­ცენ­ტ­რი ევ­რო­პუ­ლი კი­ნოს ბაზ­რო­ბა­ზე   9 თე­ბერ­ვ­ლი­დან იმუ­შა­ვებს

9 თე­ბერ­ვალს ბერ­ლინ­ში წლის პირ­ვე­ლი "ა" კლა­სის კი­ნო­ფეს­ტი­ვა­ლი აიღებს სტარტს და მსოფ­ლიო კი­ნო­ში მიმ­დი­ნა­რე მოვ­ლე­ნე­ბის შე­ჯა­მე­ბას და­იწყებს. "24 სა­ა­თი" უკ­ვე წერ­და "ბერ­ლი­ნა­ლეს" პროგ­რა­მა­ზე, ჟი­უ­რი­სა და სხვა დე­ტა­ლებ­ზე, ამ­ჯე­რად კი ფეს­ტი­ვალ­ში ქარ­თუ­ლი მხა­რის მო­ნა­წი­ლე­ო­ბის შე­სა­ხებ გა­უწყებთ. რო­გორც ბო­ლო წლებ­ში ხდე­ბა, ქარ­თუ­ლი ფილ­მე­ბი "ბერ­ლი­ნა­ლეს" სა­კონ­კურ­სო თუ სპე­ცი­ა­ლუ­რი ჩვე­ნე­ბის პროგ­რა­მა­ში არც ამ­ჯე­რად მოხ­ვ­და, თუმ­ცა მა­ინც არ­სე­ბობს გზა, მსოფ­ლი­ოს სა­კუ­თა­რი კი­ნე­მა­ტოგ­რა­ფი გა­აც­ნო - ეს ევ­რო­პუ­ლი კი­ნოს ბაზ­რო­ბა (EFM) გახ­ლავთ.

სა­ქარ­თ­ვე­ლოს ეროვ­ნუ­ლი კი­ნო­ცენ­ტ­რი EFM-ს შარ­შა­ნაც სტუმ­რობ­და და წელ­საც ქარ­თულ კი­ნოს ბერ­ლინ­ში სწო­რედ ეს ორ­გა­ნი­ზა­ცია წა­რად­გენს. კი­ნო­ცენ­ტ­რი მუ­შა­ო­ბას ფეს­ტი­ვა­ლის გახ­ს­ნის დღი­დან შე­უდ­გე­ბა, გა­იხ­ს­ნე­ბა სტენ­დი, სა­დაც და­ინ­ტე­რე­სე­ბუ­ლი პი­რე­ბის მას­პინ­ძ­ლე­ბი ეროვ­ნუ­ლი კი­ნო­ცენ­ტ­რის დი­რექ­ტო­რი თა­მარ ტა­ტიშ­ვი­ლი, ასე­ვე კი­ნო­ცენ­ტ­რის წარ­მო­მად­გენ­ლე­ბი სა­ლო­მე სე­ფაშ­ვი­ლი, და­ვით ვა­შა­ძე და მა­რი­ამ კან­დე­ლა­კი იქ­ნე­ბი­ან. ქარ­თუ­ლი სტენ­დი ბაზ­რო­ბის ფარ­გ­ლებ­ში 16 თე­ბერ­ვ­ლამ­დე იმუ­შა­ვებს და ამ დღე­ე­ბის გან­მავ­ლო­ბა­ში 50-ზე მე­ტი ინ­დუს­ტ­რი­უ­ლი შეხ­ვედ­რა გა­ი­მარ­თე­ბა.

2011 წელს, ეროვ­ნუ­ლი კი­ნო­ცენ­ტ­რის ინი­ცი­ა­ტი­ვით, ლი­ტე­რა­ტუ­რულ კონ­კურს "გა­ლა­ზე" სცე­ნა­რის ნო­მი­ნა­ცი­ის და­მა­ტე­ბა იმის ერ­თ­გ­ვა­რი ანონ­სი გახ­ლ­დათ, რომ კი­ნო­ცენ­ტ­რი ამ სფე­როს სე­რი­ო­ზულ მხარ­და­ჭე­რას უცხა­დებ­და. ასეც მოხ­და - სას­ცე­ნა­რო გან­ვი­თა­რე­ბის ფონ­დის შექ­მ­ნა 2012 წელს კი­ნო­ცენ­ტ­რის ერთ-ერთ მნიშ­ვ­ნე­ლო­ვან პრი­ო­რი­ტეტს წარ­მო­ად­გენს. სწო­რედ ამ მიზ­ნით იგეგ­მე­ბა თა­მარ ტა­ტიშ­ვი­ლის შეხ­ვედ­რე­ბი სცე­ნა­რის გან­ვი­თა­რე­ბის უცხო­უ­რი ფონ­დე­ბის ხელ­მ­ძღ­ვა­ნე­ლებ­თან, ასე­ვე ევ­რო­პუ­ლი ქვეყ­ნე­ბის კი­ნო­ფონ­დე­ბის წარ­მო­მად­გენ­ლებ­თან.

ასე­ვე 2011 წლის აქ­ტივ­ში ირიცხე­ბა სა­ქარ­თ­ვე­ლოს European Film Promotion-ის ორ­გა­ნი­ზა­ცი­ა­ში გა­წევ­რი­ა­ნე­ბა, ამი­ტომ EFM-ზე ქარ­თუ­ლი დე­ლე­გა­ცი­ის კი­დევ ერ­თი პრი­ო­რი­ტე­ტუ­ლი მი­მარ­თუ­ლე­ბა იქ­ნე­ბა მიმ­დი­ნა­რე წლის ერ­თობ­ლი­ვი აქ­ტი­ვო­ბე­ბი, მათ შო­რის, სა­ქარ­თ­ვე­ლოს მო­ნა­წი­ლე­ო­ბა პროგ­რა­მა­ში Shooting Stars (ევ­რო­პის სა­უ­კე­თე­სო ახალ­გაზ­რ­და მსა­ხი­ო­ბე­ბი), Variety's ten european directors to watch at the Karlovy Vary Iiternational Fils Festival (სა­გუ­ლის­ხ­მო ახალ­გაზ­რ­და ევ­რო­პე­ლი რე­ჟი­სო­რე­ბის ათე­უ­ლი) და ა.შ. ასე­ვე ჩვენს სტენ­დ­ზე წარ­მოდ­გე­ნი­ლი იქ­ნე­ბა ახა­ლი ქარ­თუ­ლი ფილ­მე­ბის კა­ტა­ლო­გი, ეროვ­ნუ­ლი კი­ნო­ცენ­ტ­რის სა­ინ­ფორ­მა­ციო ბრო­შუ­რე­ბი, ახა­ლი სრულ­მეტ­რა­ჟი­ა­ნი და მოკ­ლე­მეტ­რა­ჟი­ა­ნი ფილ­მე­ბის დის­კე­ბი, სა­ქარ­თ­ვე­ლო­ში გა­და­ღე­ბე­ბის წარ­მო­ე­ბის შე­სა­ხებ ინ­ფორ­მა­ცია (location guide, CD) და სხვა.

რაც შე­ე­ხე­ბა კონ­კ­რე­ტულ შეხ­ვედ­რებს: 13 თე­ბერ­ვალს ქარ­თულ პა­ვი­ლი­ონ­ში გა­ი­მარ­თე­ბა ოფი­ცი­ა­ლუ­რი მი­ღე­ბა (Happy Hour) უცხო­ე­ლი კი­ნე­მა­ტოგ­რა­ფის­ტე­ბის­თ­ვის, რო­მელ­საც და­ეს­წ­რე­ბა სა­ქარ­თ­ვე­ლოს სრუ­ლუფ­ლე­ბი­ა­ნი ელ­ჩი გერ­მა­ნი­ა­ში გაბ­რი­ე­ლა ფონ ჰაბ­ს­ბურ­გი, ხო­ლო 15 თე­ბერ­ვალს ელ­ჩი სა­ქარ­თ­ვე­ლოს სა­ელ­ჩო­ში ბერ­ლი­ნის კი­ნო­ფეს­ტი­ვალ­ზე ჩა­სულ ქარ­თ­ველ კი­ნე­მა­ტოგ­რა­ფის­ტებს უმას­პინ­ძ­ლებს. მსგავ­სი მი­ღე­ბა შარ­შან­დე­ლი "ბერ­ლი­ნა­ლეს" მიმ­დი­ნა­რე­ო­ბი­სა­საც გა­ი­მარ­თა და, რო­გორც ჩანს, ტრა­დი­ცი­ად ჩა­მო­ყა­ლიბ­და.

15 თე­ბერ­ვ­ლის პროგ­რა­მა­ში, აგ­რეთ­ვე, იკითხე­ბა სა­ლო­მე ჯა­შის გვა­რიც, რო­მე­ლიც "ბერ­ლი­ნა­ლეს" ფარ­გ­ლებ­ში გა­მარ­თულ პრო­ექტ 15 Young by Young-ში 12-წუ­თი­ა­ნი "ცურ­ვით" მო­ნა­წი­ლე­ობს. ეს პრო­ექ­ტი 15 ახალ­გაზ­რ­და რე­ჟი­სო­რის მი­ერ შექ­მ­ნი­ლი 15 დო­კუ­მენ­ტუ­რი ფილ­მის პრე­ზენ­ტა­ცი­ას ით­ვა­ლის­წი­ნებს, სა­ლო­მე ჯა­შის ნა­მუ­შე­ვა­რი კი, რო­მე­ლიც 2008 წლის ომის შემ­დეგ დევ­ნი­ლე­ბის­თ­ვის აშე­ნე­ბუ­ლი და­სახ­ლე­ბის მო­სახ­ლე­ო­ბის ცხოვ­რე­ბა­ზე მოგ­ვითხ­რობს, საბ­ჭო­თა კავ­ში­რის დაშ­ლი­დან 20 წლის­თა­ვის აღ­სა­ნიშ­ნა­ვად შე­იქ­მ­ნა.

მსგავ­სი კი­ნო­ბაზ­რო­ბე­ბი ძა­ლი­ან ხელ­საყ­რე­ლია ახა­ლი პრო­ექ­ტე­ბის წარ­სად­გე­ნად და ამ შანსს ქარ­თ­ვე­ლი კი­ნე­მა­ტოგ­რა­ფის­ტე­ბი ხში­რად იყე­ნე­ბენ. თბი­ლი­სის შარ­შან­დელ კი­ნო­ფეს­ტი­ვალ­ზე დო­კუ­მენ­ტუ­რი ფილ­მის­თ­ვის "ნე­ტა­ვი, იქ თე­ატ­რი არის?!" ნა­ნა ჯა­ნე­ლი­ძემ აღ­ნიშ­ნულ ბაზ­რო­ბა­ზე დას­წ­რე­ბის სა­შუ­ა­ლე­ბა ჯილ­დოს სა­ხით მი­ი­ღო. ამ­ჯე­რად რე­ჟი­სო­რი უცხო­ელ პრო­დი­უ­სე­რებს თა­ვის ახალ პრო­ექტს წა­რუდ­გენს. ასე­ვე გა­ი­მარ­თე­ბა სრულ­მეტ­რა­ჟი­ა­ნი მხატ­ვ­რუ­ლი ფილ­მის პრო­ექ­ტის - "ურ­სუს" პრე­ზენ­ტა­ცი­აც. ამ პრო­ექტს და­ინ­ტე­რე­სე­ბულ პი­რებს ფილ­მის პრო­დი­უ­სე­რი ოთარ შა­მა­თა­ვა და რე­ჟი­სო­რი ზა­ზა ბუ­ა­ძე გერ­მა­ნელ კოპ­რო­დი­უ­სერ­თან ერ­თად გა­აც­ნო­ბენ. "ურ­სუს" უკ­ვე მო­პო­ვე­ბუ­ლი აქვს და­ფი­ნან­სე­ბა უკ­რა­ი­ნის კი­ნოს გან­ვი­თა­რე­ბის ფონ­დი­დან და უკ­რა­ი­ნულ-გერ­მა­ნულ-ქარ­თულ კოპ­რო­დუქ­ცია გახ­ლავთ.

და­ახ­ლო­ე­ბით ერ­თი თვის წინ პრო­დი­უ­სერ ნა­თია გუ­ლი­აშ­ვი­ლი­სა და რე­ჟი­სორ ნი­ნო გო­გუ­ას დო­კუ­მენ­ტუ­რი ფილ­მის პრო­ექ­ტი "მა­დო­ნა" რო­ბერტ ბო­შის ფონ­დის 2012 წლის კოპ­რო­დუქ­ცი­ის კონ­კურ­სის ფი­ნალ­ში გა­ვი­და. "მა­დო­ნას" ბე­დი აპ­რილ­ში გა­დაწყ­დე­ბა, სწო­რედ მა­შინ გა­ვი­გებთ, 15 ნო­მი­ნან­ტი­დან რო­მე­ლი კოპ­რო­ექ­ტი გა­ი­მარ­ჯ­ვებს და 70 ათას ევ­რო­ი­ან და­ფი­ნან­სე­ბა­საც მი­ი­ღებს, მა­ნამ­დე კი ახალ­გაზ­რ­და კი­ნე­მა­ტოგ­რა­ფის­ტე­ბი სა­კუ­თარ პრო­ექტს EFM-ის სტუმ­რებს გა­აც­ნო­ბენ.

კი­ნო­ცენ­ტ­რის ხელ­მ­ძღ­ვა­ნე­ლო­ბის შეხ­ვედ­რა­თა ჩა­მო­ნათ­ვალ­შია აუდი­ენ­ცია სა­რა­ე­ვოს კი­ნო­ფეს­ტი­ვა­ლის ხელ­მ­ძღ­ვა­ნე­ლო­ბას­თან ფეს­ტი­ვა­ლის სა­კონ­კურ­სო პროგ­რა­მა­ში ქარ­თუ­ლი ფილ­მე­ბის ჩარ­თ­ვის მიზ­ნით; გა­ი­მარ­თე­ბა მო­ლა­პა­რა­კე­ბე­ბი მსოფ­ლი­ოს წამ­ყ­ვა­ნი კი­ნო­ფეს­ტი­ვა­ლე­ბის წარ­მო­მად­გენ­ლებ­თან, რომ­ლებ­საც ქარ­თუ­ლი მხა­რე ახალ ქარ­თულ ფილ­მებს შეს­თა­ვა­ზებს და სხვა სა­ხის თა­ნამ­შ­რომ­ლო­ბაც და­ი­გეგ­მე­ბა; კი­ნო­ცენ­ტ­რი ბერ­ლინ­შიც გა­აგ­რ­ძე­ლებს სა­გან­მა­ნათ­ლებ­ლო პლატ­ფორ­მებ­თან (EAVE, MAIA Workshop-ი) თა­ნამ­შ­რომ­ლო­ბის გაღ­რ­მა­ვე­ბის პრო­ცესს და სხვა.

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times