• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

ყვე­ლა ვარ­ს­კ­ვ­ლა­ვის ჯა­ხი

"სო­ნი" PlayStation All-Stars Battle Royale-ს E3-ზე და­ა­ა­ნონ­სებს

24 საათი 28.04.12

"სო­ნი" PlayStation All-Stars Battle Royale-ს E3-ზე და­ა­ა­ნონ­სებს

ივ­ნი­სის და­საწყის­ში მა­თი ყუ­რადღე­ბა, ვის­თ­ვი­საც რე­ა­ლურ ცხოვ­რე­ბა­ზე უფ­რო სა­ინ­ტე­რე­სო ვირ­ტუ­ა­ლუ­რი სამ­ყა­როა, ლოს ან­ჯე­ლე­სის­კენ გა­და­ი­ნაც­ვ­ლებს, სა­დაც ვი­დე­ო­თა­მა­შე­ბის ყვე­ლა­ზე დი­დი გა­მო­ფე­ნა Electronic Entertainment Expo ანუ E3 აიღებს სტარტს. E3 ვი­დე­ო­თა­მა­შე­ბის ინ­დუს­ტ­რი­ა­ში და­ახ­ლო­ე­ბით იმა­ვე მნიშ­ვ­ნე­ლო­ბის მა­ტა­რე­ბე­ლია, რო­გო­რიც კა­ნის ან ბერ­ლი­ნის კი­ნო­ფეს­ტი­ვა­ლე­ბი კი­ნე­მა­ტოგ­რაფ­ში, ამ­რი­გად, ყვე­ლა კომ­პა­ნია, რო­მე­ლიც რა­ღა­ცით მა­ინ­ცაა და­კავ­ში­რე­ბუ­ლი ვი­დე­ო­თა­მა­შებ­თან, ცდი­ლობს, სა­კუ­თა­რი შე­მოქ­მე­დე­ბი­თი თუ ტექ­ნო­ლო­გი­უ­რი ნო­ვა­ცი­ე­ბი სწო­რედ აქ წარ­მო­ად­გი­ნოს. სწო­რედ ასე აპი­რებს "სო­ნიც", რო­მე­ლიც სხვა სი­ახ­ლე­ებ­თან ერ­თად მომ­ხ­მა­რებ­ლის­თ­ვის თა­მაშ PlayStation All-Stars Battle Royale-ს და­ა­ა­ნონ­სებს და დე­მო­ვერ­სი­ა­საც წარ­მო­ად­გენს.

ამ თა­მა­შის შე­მუ­შა­ვე­ბის შე­სა­ხებ ჭო­რე­ბი დი­დი ხნის წინ გავ­რ­ცელ­და, თუმ­ცა "სო­ნი" არა და არ აპი­რებ­და ოფი­ცი­ა­ლუ­რი ინ­ფორ­მა­ცი­ის გავ­რ­ცე­ლე­ბას, რაც, ცხა­დია, სრუ­ლი კონ­ფი­დენ­ცი­ა­ლო­ბის გა­რან­ტი უნ­და ყო­ფი­ლი­ყო. თუმ­ცა E3-ის მო­ახ­ლო­ე­ბას­თან ერ­თად სა­ი­დუმ­ლოს შე­ნახ­ვა აზრს კარ­გავს, ასე რომ, გე­ი­მე­რებს შე­უძ­ლი­ათ მშვი­დად იძი­ნონ - და­პი­რე­ბულ თა­მაშს ისი­ნი აუცი­ლებ­ლად მი­ი­ღე­ბენ.

ახ­ლა კი თა­ვად თა­მა­შის შე­სა­ხებ, რო­მე­ლიც სა­ხელ­წო­დე­ბი­დან გა­მომ­დი­ნა­რე უკ­ვე წარ­მო­ად­გენს ინ­ტ­რი­გას. PlayStation All-Stars Battle Royale ფა­ი­ტინ­გია, თუმ­ცა ამ ჟან­რის ცნო­ბი­ლი თა­მა­შე­ბის­გან იმით გან­ს­ხ­ვავ­დე­ბა, რომ მი­სი მოქ­მე­დი გმი­რე­ბი "სო­ნის" მი­ერ ექ­ს­კ­ლუ­ზი­უ­რად PlayStation-ის­თ­ვის შექ­მ­ნი­ლი პერ­სო­ნა­ჟე­ბი იქ­ნე­ბი­ან, ხო­ლო თუ გა­ვით­ვა­ლის­წი­ნებთ, რომ ამ ექ­ს­კ­ლუ­ზი­ვებ­ში ერ­თ­მ­ნიშ­ვ­ნე­ლოვ­ნად სა­უ­კე­თე­სო თა­მა­შე­ბი და მა­თი უმაგ­რე­სი გმი­რე­ბი იგუ­ლის­ხ­მე­ბა, იოლად შეგ­ვიძ­ლია ვი­ვა­რა­უ­დოთ, რომ წინ ნამ­დ­ვი­ლად მა­დი­სამ­ღ­ძ­ვ­რე­ლი და სის­ხ­ლის ამ­დუ­ღე­ბე­ლი სა­ნა­ხა­ო­ბა გვე­ლის. ტექ­ნი­კუ­რი და სა­თა­მა­შო პრო­ცე­სის მა­ხა­სი­ა­თებ­ლე­ბის მხრივ ჯერ­ჯე­რო­ბით ცნო­ბი­ლი მხო­ლოდ ის გახ­ლავთ, რომ თა­მა­ში სო­ლო რე­ჟიმ­შიც იქ­ნე­ბა შე­საძ­ლე­ბე­ლი და ოთხე­ულ­შიც. არ გა­მო­ი­რიცხე­ბა ონ­ლა­ინ რე­ჟი­მის და­მა­ტე­ბაც, რა­საც ნე­ბის­მი­ე­რი თავ­მოყ­ვა­რე გე­ი­მე­რი მო­ითხოვს.

თა­მა­შის ავ­ტო­რი "სო­ნის" მი­ერ ათი წლის წინ გა­მოშ­ვე­ბუ­ლი თა­მა­შის, Kinetica-ს ავ­ტო­რე­ბის მი­ერ მოგ­ვი­ა­ნე­ბით და­არ­სე­ბუ­ლი კომ­პა­ნია Superbot-ია. აღ­სა­ნიშ­ნა­ვია, რომ "სო­ნის" შე­დევ­რი God of War სწო­რედ Kinetica-სთვის შექ­მ­ნი­ლი ძრა­ვა­ზეა გა­კე­თე­ბუ­ლი და, სა­ვა­რა­უ­დოდ, PlayStation All-Stars Battle Royale-სთვი­საც ეს ძრა­ვაა გა­მო­ყე­ნე­ბუ­ლი. ეს კი გე­ი­მერ­თათ­ვის ნამ­დ­ვი­ლი კომ­ფორ­ტია, რად­გან God of War-ი ამ მხრივ სრუ­ლი­ად უნაკ­ლო გახ­ლავთ.

ინ­ტერ­ნეტ­ში ჯერ­ჯე­რო­ბით არ ჩანს All-Stars-ის სრუ­ლი შე­მად­გენ­ლო­ბის ჩა­მო­ნათ­ვა­ლი, თუმ­ცა რამ­დე­ნი­მე მათ­გა­ნის ვი­ნა­ო­ბა და­დას­ტუ­რე­ბუ­ლია. პირ­ველ რიგ­ში, გა­უწყებთ, რომ მოჩხუ­ბარ­თა შო­რის აუცი­ლებ­ლად იქ­ნე­ბა კრა­ტო­სი, God of War-ის პრო­ტა­გო­ნის­ტი, რომ­ლის შე­ფა­სე­ბაც ან­ტიგ­მი­რად უფ­რო და­საშ­ვე­ბია, რად­გან მიზ­ნის მი­საღ­წე­ვად ის არა­ფერს ერი­დე­ბა, მის­თ­ვის არ არ­სე­ბობს მო­რა­ლი, სი­კე­თის ან შემ­წყ­ნა­რებ­ლო­ბის ცნე­ბა და ასე შემ­დეგ. ამ­რი­გად, თუ ახალ თა­მაშ­ში ამ პერ­სო­ნაჟს აირ­ჩევთ, მა­შინ მზად უნ­და იყოთ, რომ ბრძო­ლა ყვე­ლა­ზე სას­ტი­კი მე­თო­დით მო­გი­წევთ, თუმ­ცა მი­ზანს აუცი­ლებ­ლად მი­აღ­წევთ. ამ­გ­ვა­რად შეგ­ვიძ­ლია და­ვა­ხა­სი­ა­თოთ პოლ­კოვ­ნი­კი რა­დე­კიც თა­მა­ში­დან KIllzone 2, რო­მე­ლიც ბრმად ემ­სა­ხუ­რე­ბა იმ­პე­რა­ტორ სკო­ლარ ვი­ზა­რის და ფიქ­რ­სა და გან­ს­ჯას მოქ­მე­დე­ბას ამ­ჯო­ბი­ნებს.

All-Stars-ის გუნ­დ­ში ნა­ხავთ "სო­ნის" კლა­სი­კუ­რი თა­მა­შის, "სლაი კუ­პე­რის" გმირ სლა­ი­საც. ცნო­ბი­ლია მი­სი ერთ-ერ­თი სკი­ლიც - სლა­ის შე­ეძ­ლე­ბა უჩი­ნა­რი გახ­დეს და სხვა გმი­რებს სათ­ვა­ლე მოჰ­პა­როს, რა­საც შემ­დ­გომ­ში სა­თა­ვი­სოდ გა­მო­ი­ყე­ნებს. ტე­რი­ტო­რი­ის და­ნაღ­მ­ვის ოს­ტა­ტი იქ­ნე­ბა "სო­ნის" ერთ-ერ­თი უძ­ვე­ლე­სი, 1995 წლი­დან ცნო­ბი­ლი Twisted Metal-ის ან­ტა­გო­ნის­ტი Sweet Tooth - თავ­ზე ცეცხ­ლ­წა­კი­დე­ბუ­ლი კლო­უ­ნი, რო­მე­ლიც კრა­ტოს­თან და რა­დეკ­თან ერ­თად შე­სა­ნიშ­ნავ ევილ ტრი­ოს შექ­მ­ნის. სლაი კუ­პე­რის გვერ­დით ძა­ლი­ან სა­სი­ა­მოვ­ნო იქ­ნე­ბა კი­დევ ერ­თი და­ახ­ლო­ე­ბით მსგავ­სი ტი­პის პერ­სო­ნა­ჟის, რე­ჩე­ტის და­ნახ­ვა "რე­ჩე­ტი და კლან­კის" სე­რი­ი­დან. ამ­ბო­ბენ იმა­საც, რომ ფა­ი­ტინ­გ­ში შე­საძ­ლოა საქ­ბო­იც ვი­ხი­ლოთ Little Big Planet-იდან, თუმ­ცა ცო­ტა ძნე­ლი წარ­მო­სად­გე­ნია, ამ პა­ტა­რა კა­ცუ­ნამ ვის რა უნ­და და­უ­შა­ვოს. სა­მა­გი­ე­როდ, ბრწყინ­ვა­ლე იქ­ნე­ბა ნა­თან დრე­ი­კი - Uncharted-ის სიმ­პა­ტი­უ­რი პრო­ტა­გო­ნის­ტი ხა­ლა­სი იუმო­რი­თა და ქუ­ჩის ჩხუ­ბის შე­სა­ნიშ­ნა­ვი ცოდ­ნით.

აქ­ვე შე­გახ­სე­ნებთ, რომ PlayStation All-Stars Battle Royale ამ ტი­პის ერ­თა­დერ­თი თა­მა­ში არ იქ­ნე­ბა. გე­ი­მერ­თათ­ვის კარ­გა­დაა ცნო­ბი­ლი "ნინ­ტე­დოს" Super Smash Bros., რო­მელ­შიც ამ კომ­პა­ნი­ის თა­მა­შე­ბის გმი­რებს შეხ­ვ­დე­ბით, მათ შო­რის მა­რი­ოს, დონ­კი კონგს, ზელ­დას, სო­ნიკს, სა­მუს არანს და სხვებს.

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times