• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

266 დღე შა­ირ­ში

პი­ტერ ჯეკ­სონ­მა “ჰო­ბი­ტის" გა­და­ღე­ბა და­ას­რუ­ლა და მონ­ტაჟს იწყებს

24 საათი 09.07.12

პი­ტერ ჯეკ­სონ­მა “ჰო­ბი­ტის" გა­და­ღე­ბა და­ას­რუ­ლა და მონ­ტაჟს იწყებს

"ჩვენ ეს გა­ვა­კე­თეთ! "ჰო­ბი­ტის" 266-დღი­ა­ნი გა­და­ღე­ბე­ბი დას­რულ­და. ფილ­მ­ში მო­ნა­წი­ლე ყვე­ლა მსა­ხი­ობს და გა­დამ­ღე­ბი ჯგუ­ფის წევ­რებს მად­ლო­ბას ვუხ­დი მხარ­და­ჭე­რის­თ­ვის. ახ­ლა კი სა­მონ­ტა­ჟო ოთა­ხი გვე­ლის და, რა თქმა უნ­და “კო­მიკ კო­ნიც!" - წერს სა­კუ­თარ “ფე­ის­ბუ­ქის" გვერ­დ­ზე რე­ჟი­სო­რი პი­ტერ ჯეკ­სო­ნი, რო­მელ­მაც ფილმ “ჰო­ბი­ტის" ბე­დით და­ინ­ტე­რე­სე­ბულ მი­ლი­ო­ნო­ბით ადა­მი­ანს ამ­გ­ვა­რად ახა­რა გა­და­ღე­ბე­ბის დას­რუ­ლე­ბის შე­სა­ხებ და ისიც შე­ახ­სე­ნა, რომ პრე­მი­ე­რამ­დე სულ უფ­რო ცო­ტა დრო რჩე­ბა. ეს მიმ­დი­ნა­რე წლის 14 დე­კემ­ბერს მოხ­დე­ბა და მო­დით, აქე­დან­ვე ვი­ოც­ნე­ბოთ, რომ ახა­ლი წლის დად­გო­მამ­დე ეს ფილ­მი ჩვენც გვექ­ნე­ბა დიდ ეკ­რან­ზე ნა­ნა­ხი.

2012 წე­ლი ბლოკ­ბას­ტე­რე­ბის მხრივ მეტ-ნაკ­ლე­ბად სა­ინ­ტე­რე­სო იყო, მაგ­რამ აქამ­დე გა­მო­სუ­ლი ყვე­ლა ფილ­მი არა­ფე­რია იმ მო­ლო­დინ­თან შე­და­რე­ბით რო­გო­რი­თაც მგზნე­ბა­რე ტოლ­კი­ნის­ტე­ბი ჯეკ­სო­ნის “ჰო­ბიტს" ელი­ან - სხვაგ­ვა­რად არც შე­იძ­ლე­ბა ყო­ფი­ლი­ყო, რად­გან იმა­ვე ჯეკ­სო­ნის მი­ერ 2001-2003 წლებ­ში გა­და­ღე­ბულ­მა “ბეჭ­დე­ბის მბრძა­ნებ­ლის" ტრი­ლო­გი­ამ ისე­თი­ვე მრა­ვალ­რიცხო­ვა­ნი ფან­კ­ლუ­ბე­ბი შექ­მ­ნა, რო­გო­რიც “ვარ­ს­კ­ვ­ლა­ვურ ომებს" ან ახ­ლა უკ­ვე “სა­მე­ფო კა­რის თა­მა­შებს" აქვს.

ინ­ტერ­ნეტ­ში დი­დი ხა­ნია “ჰო­ბი­ტის" (ფილ­მის სრუ­ლი სა­ხელ­წო­დე­ბაა The Hobbit: An Unexpected Journey) ტრა­ი­ლე­რი დევს, ორი­ო­დე დღის წინ კი სპე­ცი­ა­ლუ­რად გა­მო­ფე­ნა "კო­მიკ კო­ნის­თ­ვის" შექ­მ­ნი­ლი პოს­ტე­რიც გა­მოჩ­ნ­და, რო­მელ­ზეც მწვა­ნე მდე­ლოს გა­ყო­ლე­ბა­ზე ბი­ლიკ­ზე მო­მა­ვა­ლი გენ­დალ­ფია გა­მო­სა­ხუ­ლი. პირ­ვე­ლე­ბი სწო­რედ ივ­ლის­ში და­გეგ­მილ სან დი­ე­გოს “კო­მიკ კო­ნის" სტუმ­რე­ბი ნა­ხა­ვენ იმ სცე­ნებ­სა და კად­რებს, რომ­ლე­ბიც ტრა­ი­ლერ­ში არ შე­სუ­ლა - ცხა­დია, მხო­ლოდ მათ, რომ­ლებ­საც ჯეკ­სო­ნი გა­მო­ი­მე­ტებს და პრო­ექ­ტის რეკ­ლა­მის­თ­ვი­საც მომ­გე­ბი­ა­ნი იქ­ნე­ბა. ამ გა­მო­ფე­ნას ჯეკ­სო­ნი ხში­რად იყე­ნებს ტრი­ბუ­ნად: სწო­რედ 2009 წლის “კო­მიკ კონ­ზე" გა­ნაცხა­და პირ­ვე­ლად, რომ “ჰო­ბიტს" ორ ფილ­მად გა­და­ი­ღებ­დ­ნენ, ხო­ლო რე­ჟი­სო­რი გი­ლერ­მო დელ ტო­რო იქ­ნე­ბო­და. იქ­ვე გახ­და ცნო­ბი­ლი, რომ პი­ტერ ჯეკ­სო­ნი მხო­ლოდ პრო­დი­უ­სე­რის ამ­პ­ლუ­ას მო­ირ­გებ­და და სცე­ნა­რის ხა­რის­ხ­ზეც გა­ი­ნა­წი­ლებ­და პა­სუ­ხის­მ­გებ­ლო­ბას, მაგ­რამ გა­და­ღე­ბე­ბის დაწყე­ბა იმ­დე­ნად გა­ჭი­ა­ნურ­და, რომ დელ ტო­რომ ლო­დინს ვერ გა­უძ­ლო, სხვა პრო­ექ­ტებ­ზე გა­და­ერ­თო, რე­ჟი­სო­რის სკა­მი კი ჯეკ­სონს და­უთ­მო.

"ჰო­ბიტ­მა" დღემ­დე ბევ­რი ბა­რი­ე­რი გა­და­ლა­ხა. 2008 წლამ­დე ფილ­მის მწარ­მო­ე­ბელ კომ­პა­ნია "ნიუ ლა­ინ­სა" და ჯეკ­სონს შო­რის სა­ავ­ტო­რო უფ­ლე­ბებ­თან და­კავ­ში­რე­ბუ­ლი და­ვა მიმ­დი­ნა­რე­ობ­და, რა­მაც ამ უკა­ნას­კ­ნე­ლის პრო­დი­უ­სე­რის პო­ზი­ცი­ა­ზე გა­და­ბარ­გე­ბა გა­მო­იწ­ვია, ხო­ლო რე­ჟი­სო­რად დელ ტო­რო და­ნიშ­ნეს (რაც, სა­ბო­ლო­ოდ ისევ შე­იც­ვა­ლა). გა­ვი­და დრო და ფილ­მის მე­ო­რე მწარ­მო­ე­ბე­ლი კომ­პა­ნია MGM-ი ბან­კ­რო­ტო­ბის პი­რას აღ­მოჩ­ნ­და, რაც ნიშ­ნავ­და, რომ მსხვილ­ბი­უ­ჯე­ტი­ან პრო­ექტს ხელს ვერ მოჰ­კი­დებ­და. გა­და­ღე­ბე­ბი კი­დევ ერ­თხელ გა­და­დეს და დელ ტო­როც წა­ვი­და. სი­ტუ­ა­ცია მხო­ლოდ 2010 წლის ოქ­ტომ­ბერ­ში გა­მოს­წორ­და და გა­და­ღე­ბე­ბის დაწყე­ბის თა­რი­ღიც და­ა­სა­ხე­ლეს, თუმ­ცა ამ­ჯე­რად ახა­ლი ზე­ლან­დი­ის მსა­ხი­ობ­თა გილ­დი­ამ წა­მო­იწყო პრო­ტეს­ტის ტალ­ღა, რომ­ლის წარ­მო­მად­გენ­ლე­ბიც აცხა­დებ­დ­ნენ, რომ ახალ­ზე­ლან­დი­ელ მსა­ხი­ო­ბებს ძა­ლი­ან ცო­ტას უხ­დიდ­ნენ, რის გა­მოც ისი­ნი მა­სობ­რივ სცე­ნებ­ში მო­ნა­წი­ლე­ო­ბა­ზე უარს ამ­ბობ­დ­ნენ. თით­ქოს გა­დაწყ­და კი­დეც, რომ "ჰო­ბი­ტი" სხვა ქვე­ყა­ნა­ში გა­და­ე­ღოთ, მაგ­რამ სა­და­ვე­ე­ბი ხელ­ში ახა­ლი ზე­ლან­დი­ის პრე­მი­ერ-მი­ნის­ტ­რ­მა აიღო და მსა­ხი­ო­ბებ­საც ანაზღა­უ­რე­ბა გა­უ­ზარ­დეს. ერ­თი სიტყ­ვით, ფილ­მ­მა დღემ­დე და­ახ­ლო­ე­ბით ის გზა გა­მო­ი­ა­რა, რაც მორ­დო­რის­კენ მი­მა­ვალ­მა ფრო­დომ და სემ­მა და მათ კვალ­ში ჩამ­დ­გარ­მა გო­ლუმ­მა.

ახა­ლი ფილ­მის სამ­სა­ხი­ო­ბო შე­მად­გენ­ლო­ბა ნა­წი­ლობ­რივ გა­ნახ­ლე­ბუ­ლია, თუმ­ცა “ბეჭ­დე­ბის მბრძა­ნებ­ლის" პერ­სო­ნა­ჟებს იგი­ვე მსა­ხი­ო­ბე­ბი თა­მა­შო­ბენ. მა­გა­ლი­თად, კეი ბლან­შე­ტი კვლავ გა­ლად­რი­ე­ლია, იან მა­კე­ლე­ნი - გენ­დალ­ფი, ორ­ლან­დო ბლუ­მი ისევ ლე­გო­ლა­სის ის­რით დარ­ბის, კრის­ტო­ფერ ლი კი სა­რუ­მა­ნის მრის­ხა­ნე­ბას შეგ­ვახ­სე­ნებს. ცხა­დია, აქ­ვეა ენ­დი სარ­კი­სი - გო­ლუ­მის რო­ლის ბრწყინ­ვა­ლედ შემ­ს­რუ­ლე­ბე­ლი, იან ჰოლ­მი - მო­ხუ­ცი ბილ­ბო ბე­გინ­სი და ყვე­ლა­ზე სა­ინ­ტე­რე­სო პერ­სო­ნა­ჟი - ახალ­გაზ­რ­და ბილ­ბო, რომ­ლის როლ­საც ბრი­ტა­ნე­ლი მარ­ტინ ფრი­მე­ნი ას­რუ­ლებს.

“ჰო­ბი­ტი" მო­მა­ვალ წელ­საც გაგ­რ­ძელ­დე­ბა. დი­ლო­გი­ის მე­ო­რე ფილ­მი - “ჰო­ბი­ტი: იქით და უკან" მსოფ­ლიო ეკ­რან­ზებ­ზე 2013 წელს გა­მო­ვა, ამის შემ­დეგ კი პი­ტერ ჯეკ­სო­ნი მო­რიგ პრო­ექტს, “ტენ­ტე­ნის თავ­გა­და­სა­ვა­ლი: მზის ტყვე­ებს" მოჰ­კი­დებს ხელს.

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times