• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

მო­ქა­ლა­ქე კე­ი­ნის თავ­ბ­რუს­ხ­ვე­ვა

ბრი­ტა­ნე­თის კი­ნო­ინ­ს­ტი­ტუტ­მა ყვე­ლა დრო­ის სა­უ­კე­თე­სო ფილ­მე­ბი და­ა­სა­ხე­ლა

24 საათი 06.08.12

ბრი­ტა­ნე­თის კი­ნო­ინ­ს­ტი­ტუტ­მა ყვე­ლა დრო­ის სა­უ­კე­თე­სო ფილ­მე­ბი და­ა­სა­ხე­ლა

ბრი­ტა­ნე­თის კი­ნო­ინ­ს­ტი­ტუ­ტი (BFI) ათ წე­ლი­წად­ში ერ­თხელ ყვე­ლა დრო­ის სა­უ­კე­თე­სო 50 ფილმს ასა­ხე­ლებს. ასე გრძელ­დე­ბა 1952 წლი­დან, რო­დე­საც მსოფ­ლი­ოს წამ­ყ­ვან­მა კი­ნოკ­რი­ტი­კო­სებ­მა ყვე­ლა დრო­ის სა­უ­კე­თე­სო ფილ­მად ვი­ტო­რიო დე სი­კას "ვე­ლო­სი­პე­დე­ბის გამ­ტა­ცებ­ლე­ბი" და­ა­სა­ხე­ლეს. მას შემ­დეგ ოთხი ათე­უ­ლი წლის გან­მავ­ლო­ბა­ში კვარ­ცხ­ლ­ბეკ­ზე ორ­სონ უელ­სის "მო­ქა­ლა­ქე კე­ი­ნი" იყო მოქ­ცე­უ­ლი, რომ­ლის ზე­ო­ბის ხა­ნაც უკ­ვე დას­რუ­ლე­ბუ­ლია, რად­გან 846-მა კრი­ტი­კოს­მა 50-ეულის სა­თა­ვე­ში ალ­ფ­რედ ჰიჩ­კო­კის "თავ­ბ­რუს­ხ­ვე­ვა" გა­ნა­თავ­სა.

მსგავ­სი გა­დაწყ­ვე­ტი­ლე­ბა ყვე­ლას­თ­ვის სი­ახ­ლე აღ­მოჩ­ნ­და, რად­გან ოთხ­გ­ზის გა­მარ­ჯ­ვე­ბუ­ლი "კე­ი­ნის" თუნ­დაც მხო­ლოდ ერ­თი სა­ფე­ხუ­რით ჩა­მოქ­ვე­ი­თე­ბას არა­ვინ ელო­და. ალ­ბათ არ ელოდ­ნენ იმა­საც, რომ უელ­სის შე­დევრს ჰიჩ­კო­კის სწო­რედ ეს ფილ­მი აჯო­ბებ­და, რად­გან ამ რე­ჟი­სო­რის ხსე­ნე­ბის­თა­ნა­ვე ყვე­ლას მა­შინ­ვე აბა­ზა­ნა­ში დატ­რი­ა­ლე­ბუ­ლი სის­ხ­ლის­ღ­ვ­რა ახ­სენ­დე­ბა და არც თუ ტყუ­ი­ლად...

ზო­გა­დად სია საკ­მა­ოდ მოძ­ვე­ლე­ბუ­ლად და ზედ­მე­ტად შავ-თეთ­რად გა­მო­ი­ყუ­რე­ბა. მის­თ­ვის ცა­ლი თვა­ლის გა­დავ­ლე­ბაც საკ­მა­რი­სია, იმის მი­სახ­ვედ­რად, რომ იმ 846 კრი­ტი­კო­სი­დან ნა­ხე­ვარს ფე­რა­დი ფილ­მე­ბი არც უნა­ხავს, სამ­გან­ზო­მი­ლე­ბი­ა­ნის შე­სა­ხებ კი ალ­ბათ არც სმე­ნია და არც უნ­და გა­ი­გოს. ცხა­დია, თა­ნა­მედ­რო­ვე ფილ­მე­ბის 80% სრულ აბ­და­უბ­დას წარ­მო­ად­გენს და ჯობს, მათ­მა რე­ჟი­სო­რებ­მა სხვა საქ­მე გა­მო­ნა­ხონ, მაგ­რამ უკა­ნას­კ­ნე­ლი 20 წლის გან­მავ­ლო­ბა­ში შექ­მ­ნი­ლი კი­ნო­სა­გან­ძუ­რის ასე ერ­თ­ბა­შად უარ­ყო­ფა ნამ­დ­ვი­ლად არ შე­იძ­ლე­ბა. ამ გა­მო­კითხ­ვის ავ­ტო­რებს ალ­ბათ იმის შეხ­სე­ნე­ბა სჭირ­დე­ბათ, რომ 1952 წლის შემ­დეგ მთე­ლი 60 წე­ლია გა­სუ­ლი და თუ მა­შინ ყვე­ლა დრო­ის ფილ­მე­ბი 50 ერ­თე­უ­ლი­ან სი­ა­ში ეტე­ო­და, დღეს ეს შე­უძ­ლე­ბე­ლია და ჯობს სი­ის მო­ცუ­ლო­ბა გა­ზარ­დონ.

სი­ას და­ვუბ­რუნ­დეთ: მე­სა­მე ად­გილ­ზე იასუ­ჯი­რო ოძუს მი­ერ 1957 წელს გა­და­ღე­ბუ­ლი მარ­თ­ლაც შე­სა­ნიშ­ნა­ვი, ძა­ლი­ან სევ­დი­ა­ნი და ემო­ცი­უ­რად დატ­ვირ­თუ­ლი "ტო­კი­ოს ის­ტო­რია" გა­ვი­და. მე­ოთხე­ზეა ფრან­გი ჟან რე­ნუ­ა­რის "თა­მა­შის წე­სე­ბი", ხო­ლო მომ­დევ­ნო ად­გი­ლი გერ­მა­ნე­ლი ფრიდ­რიჰ მურ­ნა­უს 1927 წლის ფილ­მ­მა, უხ­მო კი­ნოს ერთ-ერთ შე­დევ­რად აღი­ა­რე­ბულ­მა "აის­მა" და­ი­კა­ვა (ეს ფილ­მი ჩვენს კი­ნო­სა­ი­ტებ­ზე დევს და გირ­ჩევთ, ნა­ხოთ).

მე­ექ­ვ­სე ად­გი­ლი ჟან­რის უდა­ვო შე­დევრს, სტენ­ლი კუბ­რი­კის "2001: კოს­მო­სუ­რი ოდე­ი­სე­ას" ერ­გო, რო­მელ­საც კვალ­დაკ­ვალ მოს­დევს ამე­რი­კუ­ლი კი­ნოს პატ­რი­არ­ქი, ოთხ­გ­ზის "ოს­კა­რო­სა­ნი" ჯონ ფორ­დი და მი­სი ვეს­ტერ­ნის ჟან­რის კლა­სი­კად აღი­ა­რე­უ­ლი ‘მა­ძი­ებ­ლე­ბი". მომ­დევ­ნო ად­გილ­ზე საბ­ჭო­თა და მსოფ­ლიო კი­ნე­მა­ტოგ­რა­ფის შე­დევ­რად მიჩ­ნე­უ­ლი, ერთ-ერ­თი პირ­ვე­ლი ექ­ს­პე­რი­მენ­ტუ­ლი დო­კუ­მენ­ტუ­რი ფილ­მი "ადა­მი­ა­ნი კი­ნო­კა­მე­რით" (1929) გა­ვი­და. მას კარლ დრე­ი­ე­რის 1928 წლის "ჟა­ნა დ’არ­კის ვნე­ბა­ნი" მოს­დევს, ხო­ლო პირ­ველ ათე­ულს ფე­დე­რი­კო ფე­ლი­ნის "8 1/2" ას­რუ­ლებს.

აქ­ვე მოკ­ლედ გეტყ­ვით, რომ სი­ა­ში ასე­ვე მოხ­ვ­და სერ­გეი ეიზენ­შ­ტე­ი­ნის "ჯავ­შ­ნო­სა­ნი "პო­ტი­ომ­კი­ნი", ჟან-ლუკ გო­და­რის "უკა­ნას­კ­ნელ ამო­სუნ­თ­ქ­ვა­ზე" და "სუ­ლე­ლი პი­ე­რო", ფრენ­სის ფორდ კო­პო­ლას "აპო­კა­ლიფ­სი დღეს" და "ნათ­ლი­ას" პირ­ვე­ლი ორი ნა­წი­ლი, აკი­რა კუ­რო­სა­ვას "შვი­დი სა­მუ­რაი" და "რა­შო­მო­ნი", ინ­გ­მარ ბერ­გ­მა­ნის "პერ­სო­ნა", ან­დ­რეი ტარ­კოვ­ს­კის "სარ­კე", "ან­დ­რეი რუბ­ლო­ვი" და "სტალ­კე­რი", ვი­ტო­რიო დე სი­კას "ვე­ლო­სი­პე­დე­ბის გამ­ტა­ცებ­ლე­ბი", ალ­ფ­რედ ჰიჩ­კო­კის "ფსი­ქო", მარ­ტინ სკორ­სე­ზეს "ტაქ­სის მძღო­ლი", ფრიც ლან­გის "მეტ­რო­პო­ლი­სი", ფრან­სუა ტრუ­ფოს "400 დარ­ტყ­მა", დე­ვიდ ლინ­ჩის "მალ­ჰო­ლანდ დრა­ი­ვი", ჩარ­ლი ჩაპ­ლი­ნის "დი­დი ქა­ლა­ქის ჩი­რაღ­დ­ნე­ბი" და სხვა.

აღ­სა­ნიშ­ნა­ვია, რომ ამ სი­ის პა­რა­ლე­ლუ­რად 358 რე­ჟი­სო­რის სა­უ­კე­თე­სო ათე­უ­ლიც გა­მო­აქ­ვეყ­ნეს, რომ­ლის შედ­გე­ნა­შიც მო­ნა­წი­ლე­ობ­დ­ნენ ვუ­დი ალე­ნი, ნუ­რი ბილ­გე ჯე­ი­ლა­ნი, კვენ­ტინ ტა­რან­ტი­ნო, ძმე­ბი დარ­დე­ნე­ბი, მარ­ტინ სკორ­სე­ზე, მა­იკ ლი, მა­იკლ მა­ნი, აკი კა­უ­რის­მა­კი, ფრენ­სის ფორდ კო­პო­ლა და სხვე­ბი. მა­თი სა­უ­კე­თე­სო ათე­უ­ლი ასე გა­მო­ი­ყუ­რე­ბა: იასუ­ჯი­რო ოძუს "ტო­კი­ოს ოს­ტო­რია", სტენ­ლი კუბ­რი­კის "2001: კოს­მო­სუ­რი ოდი­სეა", ორ­სონ უელ­სის "მო­ქა­ლა­ქე კე­ი­ნი", ფე­დე­რი­კო ფე­ლი­ნის "8 1/2", მარ­ტინ სკორ­სე­ზეს "ტაქ­სის მძღო­ლი", ფრენ­სის ფორდ კო­პო­ლას "აპო­კა­ლიფ­სი დღეს" და "ნათ­ლია", ალ­ფ­რედ ჰიჩ­კო­კის "თავ­ბ­რუს­ხ­ვე­ვა" (ამ ორ­მა უკა­ნას­კ­ნელ­მა ფილ­მ­მა ხმა­თა თა­ნა­ბა­რი რა­ო­დე­ნო­ბა და­აგ­რო­ვა), ან­დ­რეი ტარ­კოვ­ს­კის "სარ­კე" და ვი­ტო­რიო დე სი­კას "ვე­ლო­სი­პე­დე­ბის გამ­ტა­ცებ­ლე­ბი".

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times