• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

“ბის­ტი ბო­ის” MCA-ის გლო­ვობს

ადამ იოუკი 47 წლის ასაკ­ში გარ­და­იც­ვა­ლა

24 საათი 09.05.12

ადამ იოუკი 47 წლის ასაკ­ში გარ­და­იც­ვა­ლა

MCA-ის სა­ხე­ლით ცნო­ბი­ლი ამე­რი­კე­ლი მუ­სი­კო­სი მძი­მე ავად­მ­ყო­ფო­ბას სა­მი წლის გან­მავ­ლო­ბა­ში ებ­რ­ძო­და, თუმ­ცა სიმ­სივ­ნის დაძ­ლე­ვა ვერ შეძ­ლო. ადამ იაუკის ავად­მ­ყო­ფო­ბის შე­სა­ხებ ინ­ფორ­მა­ცია პირ­ვე­ლად 2009 წელს გავ­რ­ცელ­და, რო­ცა Beastie Boys-ის ახალ ალ­ბომ Hot Sauce Committee-ზე მუ­შა­ო­ბა შე­ჩერ­და. მა­შინ ჯგუფ­მა მუ­სი­კა­ლუ­რი ფეს­ტი­ვალ “ლო­ლა­პა­ლუ­ზას” ფარ­გ­ლებ­ში და­გეგ­მი­ლი ტურ­ნეც ჩა­შა­ლა. თუმ­ცა, ცო­ტა ხან­ში იოუკ­მა თაყ­ვა­ნის­მ­ცემ­ლე­ბი და­ამ­შ­ვი­და და გა­ნაცხა­და, რომ მკურ­ნა­ლობ­და და იმე­დი ჰქონ­და, სიმ­სივ­ნეს სა­მუ­და­მოდ და­ა­მარ­ცხებ­და. MCA და­გეგ­მი­ლი კონ­ცერტს მე­ო­რედ მიმ­დი­ნა­რე წლის 15 აპ­რილს გა­მო­ე­თი­შა, რო­ცა ქა­ლაქ კლივ­ლენ­დ­ში გა­მარ­თულ როკ-ფეს­ტი­ვალ­ზე მის­ვ­ლა ვერ შეძ­ლო. მუ­სი­კო­სის წარ­მო­მად­გენ­ლებ­მა მი­სი გარ­დაც­ვა­ლე­ბა 4 მა­ი­სის სა­ღა­მოს ოფი­ცი­ა­ლუ­რად და­ა­დას­ტუ­რეს…

ჰიპ-ჰოპ ტრიო Beastie Boys ადამ იოუკ­მა, მე­გობ­რებ­თან ერ­თად, 1979 წელს და­ა­ფუძ­ნა, თუმ­ცა თა­ვი­დან ჯგუ­ფი პან­კ­მუ­სი­კას ას­რუ­ლებ­და. მოგ­ვი­ა­ნე­ბით ახალ­გაზ­რ­დულ­მა ჯგუფ­მა ჟან­რი შე­იც­ვა­ლა და მოღ­ვა­წე­ო­ბა ჰიპ-ჰო­პის მი­მარ­თუ­ლე­ბით გა­ნაგ­რ­ძო. ტრი­ოს სა­დე­ბი­უ­ტო ალ­ბომ­მა Licensed to Ill-მა, რო­მე­ლიც ჯგუფ­მა 1986 წელს გა­მო­უშ­ვა, შე­ერ­თე­ბულ შტა­ტებ­ში რე­პის ჟან­რ­ში ნო­მერ პირ­ვე­ლი ალ­ბო­მის სტა­ტუ­სი მო­ი­პო­ვა და რამ­დე­ნი­მე კვი­რის გან­მავ­ლო­ბა­ში ლი­დე­რო­ბას არა­ვის უთ­მობ­და. ეს წარ­მა­ტე­ბა ჯგუ­ფის დი­დი პო­პუ­ლა­რო­ბის და­საწყი­სი გახ­და - იმა­ვე წელს Beastie Boys-მა თა­ვი­სი პირ­ვე­ლი ალ­ბო­მი ცხრა­მი­ლი­ო­ნი­ა­ნი ტი­რა­ჟით გა­ყი­და. ჯგუფს თა­ვი­სი მოღ­ვა­წე­ო­ბის გან­მავ­ლო­ბა­ში რვა ალ­ბო­მი აქვს გა­მოშ­ვე­ბუ­ლი, მათ­გან ექვსს პლა­ტი­ნის წო­დე­ბა აქვს მი­ნი­ჭე­ბუ­ლი. Beastie Boys-ის ალ­ბო­მე­ბის ტი­რაჟ­მა ამე­რი­კის შე­ერ­თე­ბუ­ლი შტა­ტე­ბის ფარ­გ­ლებ­ში 22 მი­ლი­ონს, ხო­ლო მთელს მსოფ­ლი­ო­ში 40 მი­ლი­ონს გა­და­ა­ჭარ­ბა.

გარ­და მუ­სი­კა­ლურ ას­პა­რეზ­ზე მიღ­წე­უ­ლი დი­დი წარ­მა­ტე­ბი­სა, ადამ იოუკი რე­ჟი­სო­რის ამ­პ­ლუ­ა­შიც აქ­ტი­უ­რად მოღ­ვა­წე­ობ­და. ჰიპ-ჰო­პის სო­ლის­ტი სა­კუ­თა­რი ჯგუ­ფის მუ­სი­კა­ლურ კლი­პებს თა­ვად ამ­ზა­დებ­და. მის სა­რე­ჟი­სო­რო ნა­მუ­შევ­რებს შო­რი­საა Intergalactic და Ch-Check It Out, რომ­ლებ­საც მუ­სი­კო­სი ნა­თა­ნი­ალ ჰორ­ნ­ბ­ლო­უ­ე­რის ფსევ­დო­ნი­მით იღებ­და. მოგ­ვი­ა­ნე­ბით ადამ იოუკ­მა კი­ნო­კოპ­მა­ნია

Oscilloscope Pictures და­ა­ფუძ­ნა, რომ­ლის ფარ­გ­ლებ­შიც მუ­სი­კოს­მა უკ­ვე სა­კუ­თა­რი სა­ხე­ლით ისე­თი წარ­მა­ტე­ბუ­ლი ფილ­მე­ბი გა­და­ი­ღო, რო­გო­რე­ბი­ცაა Dark Days, Exit Through the Gift Shop (დო­კუ­მენ­ტუ­რი ფილ­მი ინ­კოგ­ნი­ტო გრა­ფი­ტისტ ბენ­ქ­სის შე­სა­ხებ) და The Messenger.

ადამ იოუკი ბრუკ­ლინ­ში, კა­თო­ლი­კურ ოჯახ­ში და­ი­ბა­და, თუმ­ცა მოგ­ვი­ა­ნე­ბით ბუ­დიზ­მი მი­ი­ღო და ახალ რე­ლი­გი­ა­ში დი­დი ენ­თუ­ზი­აზ­მით ჩა­ერ­თო. 1994 წელს, ხე­ლო­ვან­მა ძა­ლა­დო­ბის სა­წი­ნა­აღ­მ­დე­გო ორ­გა­ნი­ზა­ცია Milarepa Fund და­ა­არ­სა, მოძ­რა­ო­ბას სა­თა­ვე­ში ჩა­უდ­გა და აქ­ტი­უ­რად და­იწყო ბრძო­ლა ტი­ბე­ტის ჩი­ნე­თის მხრი­დან ოკუ­პა­ცი­ის­გან გა­სა­თა­ვი­სუფ­ლებ­ლად. მან­ვე გა­უ­კე­თა ორ­გა­ნი­ზე­ბა ტი­ბე­ტის თა­ვი­სუფ­ლე­ბი­სად­მი მიძღ­ვ­ნილ პირ­ველ კონ­ცერტს, რო­მე­ლიც 1996 წელს სან ფრან­ცის­კო­ში გა­ი­მარ­თა.

ირი­ნა და­ვი­თაშ­ვი­ლი

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times