რუსეთის მოთხოვნა უადგილოა

საქართველოს სახელმწიფო მინისტრი რეინტეგრაციის საკითხში თემურ იაკობაშვილი რუსეთის მოთხოვნას - საქართველომ აფხაზეთთან და ე. წ. სამხრეთ ოსეთთან თავდაუხმელობის ხელშეკრულება გააფორმოს - უადგილოს უწოდებს.

24 საათი 02.02.10

"ეს იმის ტოლფასი იქნება, რუსეთმა რომ სათათრეთთან გააფორმოს ამგვარი შეთანხმება", - განაცხადა იაკობაშვილმა თბილისსა და მოსკოვს შორის გამართული ვიდეოხიდის დროს შესაბამის კითხვაზე პასუხის გაცემისას.

"ინტერპრესნიუსის" ცნობით, იაკობაშვილმა გამოთქვა იმედი, რომ რუსეთი "ხელს კი არ შეუშლის, არამედ მხარს დაუჭერს" საქართველოს ახალ სტრატეგიას აფხაზეთსა და ე. წ. სამხრეთ ოსეთთან მიმართებაში, თუმცა ამავე დროს მინისტრმა აღნიშნა, რომ "რუსეთი სარკოზისა და მედვედევის შეთანხმებას არ ასრულებს და აფხაზეთისა და ე. წ. სამხრეთ ოსეთის ოკუპაციას უწოდებს".

სტატიის მისამართი: http://24saati.ge/index.php/category/news/2010-02-02/3160.html