სასამართლო ექსპერტიზის ეროვნული ბიუროს განახლებული შენობა გაიხსნა

ლევან სამხარაულის სახელობის სასამართლო ექსპერტიზის ეროვნული ბიუროს ახალი, აღჭურვილი და გარემონტებული ლაბორატორიის შენობა ბაგებში ( ი. ჭავჭავაძის გამზ. N84-ში) გაიხსნა.

24 საათი 16.03.10

ბიუროს შენობაში განთავსებულია ტოქსიკოლოგიის, კრიმინალისტიკის, სეროლოგიური, დნმ-ის, გენეტიკური და სხვადასხვა სახის კვლევითი ლაბორატორიები.

სასამართლო ექსპერტიზის განვითარების პროგრამა, რომელიც 2001 წელს დაიწყო, დღესაც აქტიურად გრძელდება.

აშშ-ის სახელმწიფო დეპარტამენტმა, ნარკოტიკებისა და კანონის აღსრულების საქმეთა საერთაშორისო ბიურომ იგი 1.5 მილიონი აშშ დოლარით დააფინანსა. ვინაიდან ლაბორატორიას სურს საერთაშორისო აკრედიტაციის მოპოვება, აშშ-ის მთავრობის მიერ უზრუნველყოფილი ტექნიკური დახმარება მოიცავს შემდეგს: ტოქსიკოლოგიის განყოფილება - ამჟამად უზრუნველყოფს საიმედო ტესტირებას ჩასუნთქვით ალკოჰოლის დონის დადგენაში შესაბამისი ინტოქსიმეტრის საშუალებით. ამ ხელსაწყოს მეშვეობით ხდება ალკოჰოლის დონის დადგენა ადამიანის ორგანიზმში მაქსიმალური სიზუსტით; შედარებითი მიკროსკოპი, რომელიც ცეცხლსასროლი იარაღის განყოფილებას გადაეცა ტყვიისა და ვაზნის ექსპერტიზისთვის.

დნმ-ის განყოფილების ექსპერტებმა გაიარეს ტრენინგი დნმ-ის დაბინძურების პრევენციაში, დნმ-ის ანალიზსა და ინტერპრეტაციაში; დნმ-ის ლაბორატორიამ მიიღო ახალი საცმები, ბიოლოგიური უსაფრთხოების კაბინეტი და დნმ-ტესტკომპლექტები. საკუთარი ინფორმაცია

სტატიის მისამართი: http://24saati.ge/index.php/category/news/justice/2010-03-16/4373.html