ლიბერალური პარტია «თავისუფლება და სოლიდარობის» წარმომადგენელმა - სლოვაკეთის პარლამენტის 17-მა დეპუტატმა ხელშეუხებლობის იმუნიტეტის წინააღმდეგ ბრძოლა არა მარტო სიტყვით, არამედ სხეულითაც გადაწყვიტა.
24 საათი 03.02.12

ლიბერალური პარტია «თავისუფლება და სოლიდარობის» წარმომადგენელმა - სლოვაკეთის პარლამენტის 17-მა დეპუტატმა ხელშეუხებლობის იმუნიტეტის წინააღმდეგ ბრძოლა არა მარტო სიტყვით, არამედ სხეულითაც გადაწყვიტა.
სლოვაკეთის პარლამენტარების ნაწილი ხელშეუხებლობის იმუნიტეტის მოხსნას ითხოვს.
უცხოური მედიის ცნობით, სლოვაკეთის პარლამენტის ლიბერალური პარტია "თავისუფლება და სოლიდარობის" წევრმა, ჩვიდმეტმა პარლამენტარმა იმუნიტეტისა და ხელშეუხებლობის მოხსნის მოთხოვნით აქცია გამართა, რომლის დროსაც მათ ტანზე გაიხადეს და ფოტო შიშვლებმა გადაიღეს.
შიშველ პარლამენტარებს პლაკატი აქვთ აფარებული, წარწერით "პარლამენტარებმა უარი თქვან საკუთარ იმუნიტეტზე".
ნუდისტურ ფოტოსესიაში თოთხმეტმა მამაკაცმა და სამმა ქალმა პარლამენტარმა მიიღო მონაწილეობა. პროვოკაციული ფოტო დეპუტატებმა პარტიის ბლოგზე და სოციალურ ქსელ "ფეისბუქზეც" განათავსეს.
პარტია "თავისუფლება და სოლიდარობის" წევრები სლოვაკეთის პარლამენტის დეპუტატთა ერთ მესამედს იკავებენ და ისინი აქტიურად გამოდიან ინიციატივით, პარლამენტარებს ხელშეუხებლობის იმუნიტეტი მოეხსნათ, ვინაიდან სხვადასხვა პრივილეგიების გამო, რაც მათ კანონის წინაშე ვალდებულებებისგან ათავისუფლებთ, მოსახლეობაში ნდობა აქვთ დაკარგული.