• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

შეც­დო­მით ჩა­ტა­რე­ბუ­ლი სპე­ცო­პე­რა­ცი­ის წარ­მა­ტე­ბუ­ლი და­სას­რუ­ლი

CBS Boston-ის ინფორმაციით, სპეცოპერაციის ჩატარებისას, მასაჩუსეტსის შტატის ქალაქ ფიტჩბურგში FBI-ის აგენტებმა ხერხით ბინის კარი გახერხეს და უდანაშაულო დედა-შვილს შეუვარდნენ.

24 საათი 04.02.12

CBS Boston-ის ინფორმაციით, სპეცოპერაციის ჩატარებისას, მასაჩუსეტსის შტატის ქალაქ ფიტჩბურგში FBI-ის აგენტებმა ხერხით ბინის კარი გახერხეს და უდანაშაულო დედა-შვილს შეუვარდნენ.

რო­გორც გა­ირ­კ­ვა, ნარ­კო­ტი­კე­ბი­თა და იარა­ღით მო­ვაჭ­რე­ე­ბის წი­ნა­აღ­მ­დეგ, FBI ოპე­რა­ცი­ას ატა­რებ­და. დი­ლის შვიდ სა­ათ­ზე აგენ­ტებს მი­სა­მარ­თი აერი­ათ და 2F-ის ნაც­ვ­ლად, 2R ბი­ნის კა­რე­ბი გა­ხერ­ხეს. ბი­ნა­ში ჯუ­დი სან­ჩე­სი და მი­სი სა­მი წლის გო­გო­ნა იმ­ყო­ფე­ბოდ­ნენ.

რო­გორც სან­ჩე­სი ჰყვე­ბა, რო­ცა კა­რის ხერ­ხ­ვის ხმა გა­ი­გო და კარ­ში შე­მო­სუ­ლი ხერ­ხი და­ი­ნა­ხა, ვერც კი მიხ­ვ­და, რა ხდე­ბო­და. FBI-ის აგენ­ტ­მა გა­და­ხერ­ხი­ლი კა­რის ნა­წი­ლი წიხ­ლით შე­ამ­ტ­ვ­რია და სან­ჩესს იატაკ­ზე და­წო­ლა უბ­რ­ძა­ნა. ქა­ლი 35 წუ­თის გან­მავ­ლო­ბა­ში იატაკ­ზე იწ­ვა. აგენ­ტე­ბი, რო­გორც იქ­ნა მიხ­ვ­დ­ნენ, რომ მი­სა­მარ­თი შე­ე­შა­ლათ, რის შემ­დე­გაც, 2F ბი­ნა­ში შე­ვიდ­ნენ და ეჭ­ვ­მი­ტა­ნი­ლე­ბის და­კა­ვე­ბის სპე­ცო­პე­რა­ცია წარ­მა­ტე­ბით ჩა­ა­ტა­რეს.

იმა­ვე დღეს, მოგ­ვი­ა­ნე­ბით, სან­ჩეს­თან FBI-ს წარ­მო­მად­გე­ნე­ლი მი­ვი­და და მომ­ხ­და­რის გა­მო ბო­დი­ში მო­უ­ხა­და.

Associated Press-ის ინ­ფორ­მა­ცი­ით, FBI ჯუ­დი სან­ჩესს მი­ყე­ნე­ბულ მა­ტე­რი­ა­ლურ ზი­ან­საც აუნაზღა­უ­რებს - დამ­ტ­ვ­რე­ულ კარს გა­მო­უც­ვ­ლის. FBI-ის წარ­მო­მად­გენ­ლის გან­ცხა­დე­ბით, სი­ნი სან­ჩე­სის ბი­ნა­ში ზუს­ტად 15 წუ­თი იმ­ყო­ფე­ბოდ­ნენ და რო­ცა მიხ­ვ­დ­ნენ, რომ შეც­დო­მა და­უშ­ვეს, იქავ­რო­ბა და­უ­ყოვ­ნებ­ლივ და­ტო­ვეს.

Associated Press-ის ინ­ფორ­მა­ცი­ით, FBI-იმ და მა­სა­ჩუ­სეტ­სის პო­ლი­ცი­ამ ერ­თობ­ლი­ვად ჩა­ტა­რე­ბუ­ლი სპე­ცო­პე­რა­ცია Red Wolf - "წი­თე­ლი მგლის" ფარ­გ­ლებ­ში 16 ეჭ­ვ­მი­ტა­ნი­ლი და­ა­კა­ვეს. FBI-ის სა­იტ­ზე ამ სპე­ცო­პე­რა­ცი­ის თა­ო­ბა­ზე ნათ­ქ­ვა­მია, რომ ორ­წ­ლი­ა­ნი გა­მო­ძი­ე­ბის შემ­დეგ, ორ­გა­ნი­ზე­ბულ-და­ნა­შა­უ­ლებ­რი­ვი დაჯ­გუ­ფე­ბის წევ­რე­ბი და­ა­კა­ვეს და მათ ბრალ­დე­ბე­ბი წა­უ­ყე­ნეს. 16-ვე ბრალ­დე­ბუ­ლია "კო­კა­ი­ნის" და "ჰე­რო­ი­ნის" მსხვი­ლი პარ­ტი­ე­ბის კონ­ტ­რა­ბან­და­ში, იარა­ღით ვაჭ­რო­ბა­სა და სხვა მძი­მე და­ნა­შა­უ­ლებ­ში. რო­გორც FBI-ის წარ­მო­მად­გე­ნელ­მა გა­ნაცხა­და, და­კა­ვე­ბუ­ლე­ბი კრი­მი­ნა­ლუ­რი დაჯ­გუ­ფე­ბის წევ­რე­ბი იყ­ვ­ნენ და გარ­და ნარ­კო­ტი­კე­ბი­თა და იარა­ღით ვაჭ­რო­ბი­სა, მათ მკვლე­ლო­ბე­ბიც ბრალ­დე­ბათ.

"ერ­თი მუ­ჭა კრი­მი­ნა­ლე­ბი სა­ზო­გა­დო­ე­ბის სი­ცოცხ­ლეს საფ­რ­თხეს უქ­მ­ნი­ან. თუმ­ცა, სა­მარ­თალ­დამ­ც­ვე­ლი ორ­გა­ნო­ე­ბი ფხიზ­ლად მუ­შა­ო­ბენ და ყვე­ლა­ფერს აკე­თე­ბენ, რომ ადა­მი­ა­ნებ­მა მშვი­დად და უსაფ­რ­თხოდ იცხოვ­რონ. მა­სა­ჩუ­სეტ­სის სა­ხელ­მ­წი­ფო პო­ლი­ცია და ფე­დე­რა­ლუ­რი სა­ა­გენ­ტო­ე­ბი კვლავ გა­ვაგ­რ­ძე­ლებთ თა­ნამ­შ­რომ­ლო­ბას და კრი­მი­ნა­ლუ­რი დაჯ­გუ­ფე­ბე­ბის არ­სე­ბო­ბას ჩვენს ქა­ლაქ­ში არ შე­ვე­გუ­ე­ბით," - გა­ნაცხა­და მა­სა­ჩუ­სეტ­სის პო­ლი­ცი­ის უფ­როს­მა, რო­მე­ლიც 2 წლის გან­მავ­ლო­ბა­ში მიმ­დი­ნა­რე სა­გა­მო­ძი­ე­ბო ჯგუფს ხელ­მ­ძღ­ვა­ნე­ლობ­და.

და­კა­ვე­ბულ­თათ­ვის წა­ყე­ნე­ბუ­ლი მძი­მე ბრალ­დე­ბე­ბი 40-წლი­ან პა­ტიმ­რო­ბა­სა და მი­ლი­ო­ნი­ან ჯა­რი­მებს ით­ვა­ლის­წი­ნებს.

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times