ზურაბ ჟვანიას გარდაცვალებიდან 7 წლის თავზე, პარტია "თავისუფალი საქართველო" ზურაბ ჟვანიას გარდაცვალების მიზეზის გამოძიებას ითხოვს.
24 საათი 04.02.12
ზურაბ ჟვანიას გარდაცვალებიდან 7 წლის თავზე, პარტია "თავისუფალი საქართველო" ზურაბ ჟვანიას გარდაცვალების მიზეზის გამოძიებას ითხოვს.
როგორც პარტიაში აცხადებენ, "თავისუფალ საქართველოს," ისევე როგორც ქართული საზოგადოების აბსოლუტურ უმრავლესობას, პრემიერ- მინისტრის გარდაცვალების გარემოებებთან დაკავშირებით, საფუძვლიანი ეჭვები აქვს. მათი განცხადებით, ჯერ კიდევ არსებობს უამრავი პასუხგაუცემელი კითხვა და მოვლენა, რომელიც გამოკვლევას საჭიროებს.
"თავისუფალი საქართველო" კიდევ ერთხელ მოითხოვს ხელისუფლებისგან, ჯეროვნად იქნეს გამოძიებული ზურაბ ჟვანიას გარდაცვალების დეტალები და საზოგადოებაში დაგროვილ კითხვებს ამომწურავი პასუხები გაეცეს.
საქართველოს პრემიერ-მინისტრი ზურაბ ჟვანია 2005 წლის 3 თებერვალს გარდაიცვალა. გარდაცვალების ოფიციალურ მიზეზად უბედური შემთხვევა დასახელდა.