საქართველოს სახალხო დამცველი 28 იანვარს, რუსთაველის გამზირზე აქციის მონაწილეთა დაკავების დროს ჟურნალისტებისთვის მუშაობაში ხელის შეშლის ფაქტებს სწავლობს.
24 საათი 04.02.12
საქართველოს სახალხო დამცველი 28 იანვარს, რუსთაველის გამზირზე აქციის მონაწილეთა დაკავების დროს ჟურნალისტებისთვის მუშაობაში ხელის შეშლის ფაქტებს სწავლობს.
სახალხო დამცველ გიორგი ტუღუშის განმარტებით, იგი სწავლობს პოლიციის მხრიდან ჟურნალისტების მუშაობაში ხელის შეშლის მასალებს.
28 იანვარს ახალგაზრდულმა ორგანიზაციებმა საპროტესტო აქცია სანდრო გირგვლიანის მკვლელობის დღესთან დაკავშირებით გამართეს. აქციის წევრებმა გზის გადაკეტვა სცადეს, რის შემდეგაც პოლიციამ აქციის შვიდი მონაწილე დააკავა.
ჟურნალისტებთან დაკავშირებული ინციდენტიც სწორედ ამ დროს მოხდა - აქციის ერთ-ერთი მონაწილის დაკავებას ტელეკომპანია "კავკასიის" ოპერატორი იღებდა, პოლიციის ფორმაში ჩაცმულმა პირმა ოპერატორს კამერაზე ხელი ააფარა და წართმევა სცადა. ეს "პალიტრა ტვ"-მ დააფიქსირა, რა დროსაც პოლიციელმა კამერას ხელი ჩაარტყა და წართმევა სცადა.
შს სამინისტროს ადმინისტრაციის უფროსმა შოთა ხიზანიშვილმა 28 იანვარს განაცხადა, რომ ჟურნალისტებისთვის მუშაობაში ხელის შეშლის დამადასტურებელ ფაქტებს კანონით გათვალისწინებული რეაგირება მოჰყვება. მან აღნიშნა, რომ საქმეს შეისწავლიან.