ლეიბორისტები” თომას ჰამარბერგს მიმართავენ

"ლეიბორისტული პარტია" ეკა ბესელიას არასრულწლოვანი შვილისა და ძმის დაპატიმრებასთან დაკავშირებით ევროკომისარ თომას ჰამარბერგს მიმართავს.

24 საათი 16.01.10

როგორც “ინტერპრესნიუსი” “ლეიბორისტების” ერთ-ერთ ლიდერ კახა ძაგანიას მიერ გაკეთებულ განცხადებაზე დაყრდნობით იუწყება, რატი მილორავას, სერგო ბესელიასა და მათთან ერთად მყოფ ვალერი კირვალიძისა და როინ ცაგარელის დაპატიმრება ხელისუფლების მხრიდან პოლიტიკური ზეწოლის მორიგი გამოვლინება იყო.

"ეკა ბესელიას ოჯახის წევრები უკანონო პატიმრობაში იმყოფებიან. რეალურად, ისინი, სააკაშვილის პოლიტიკურ მძევლები არიან. ჩვენ მივიჩნევთ, რომ მათი დაკავებისას და ბრალის წაყენებისას ადამიანის უფლებები მნიშვნელოვნად დაირღვა. სწორედ ამიტომ მივმართავთ ადამიანის უფლებათა კომისარს და შესაბამისი მოქმედებისკენ მოვუწოდებთ," - განაცხადა კახა ძაგანიამ. რატი მილორავა, სერგო ბესელია, ვალერი კირვალიძე და როინ ცაგარელი სამართალდამცავებმა 19 აგვისტოს ქობულეთში, ერთ-ერთ კაფეში დააკავეს. მათ ხულიგნობა და პოლიციისთვის წინააღმდგეობის გაწევა ედებათ ბრალად.

სტატიის მისამართი: http://24saati.ge/index.php/category/news/politics/2010-01-16/2772.html