დავით ბაქრაძე ბელგიის პარლამენტის ქვედა პალატის თავმჯდომარეს შეხვდა

ევროკავშირისა და საქართველოს სამომავლო ურთიერთობებზე საქართველოს პარლამენტის თავმჯდომარემ დავით ბაქრაძემ და ბელგიის პარლამენტის ქვედა პალატის თავმჯდომარემ პატრიკ დევალიმ გუშინ გამართულ შეხვედრაზე ისაუბრეს.

24 საათი 27.01.10

როგორც ბრიუსელში გამართული შეხვედრის შემდეგ დავით ბაქრაძემ განაცხადა, 2010 წლის მეორე ნახევარში ბელგია გახდება ევროკავშირის თავმჯდომარე ქვეყანა, ამდენად, განსაკუთრებით მნიშვნელოვანია, რომ ბელგიელი კოლეგები თავიდანვე იყვნენ ინფორმირებულნი საქართველოს ოკუპირებულ ტერიტორიებზე მიმდინარე პროცესების შესახებ.

სააგენტო “ინტერპრესნიუსის” ცნობით, მხარეებმა იმსჯელეს, თუ რა დახმარება შეიძლება აღმოუჩინოს ბელგიურმა მხარემ საქართველოს ევროკავშირთან თავისუფალი ვაჭრობის შეთანხმების გაფორმებაში. შეხვედრაზე აღინიშნა, რომ სავიზო რეჟიმის გამარტივებისთვის მიღწეული შეთანხმების განხორციელებისთვის საჭიროა ნაბიჯების გადადგმა.

გუშინდელი შეხვედრისას ცნობილი გახდა, რომ ბელგიის პარლამენტის ქვედა პალატის თავმჯდომარე 2010 წლის მეორე ნახევარშო საქართველოს ეწვევა.

ცნობისათვის - საქართველოს პარლამენტის თავმჯდომარე ბელგიის სამეფოში ხუთდღიანი ვიზიტით იმყოფება. დავით ბაქრაძე შეხვდება ევროპარლამენტის პრეზიდენტ ჯერსი ბუზეკის. შეხვედრის შემდეგ კი საერთაშორისო მედიისთვის ერთობლივ ბრიფინგს გამართავენ.

სტატიის მისამართი: http://24saati.ge/index.php/category/news/politics/2010-01-27/3020.html