31 დეკემბერს თბილისსა და ბათუმში ავტოსატრანსპორტო მოძრაობა შეიზღუდება.
24 საათი 29.12.10
31 დეკემბერს თბილისსა და ბათუმში ავტოსატრანსპორტო მოძრაობა შეიზღუდება.
ამის შესახებ გუშინ საპატრულო პოლიციის უფროსმა გიორგი გრიგალაშვილმა განაცხადა.
მისი ინფორმაციით, თბილისში 31 დეკემბერს, 15 საათიდან, ავტოტრანსპორტისთვის მთლიანად გადაიკეტება რუსთაველის გამზირი, თავისუფლების მოედანი, პუშკინის ქუჩა ორბელიანის მოედნამდე. საახალწლო ღონისძიებებზე მისვლა კი შესაძლებელი იქნება მხოლოდ რუსთაველის გამზირიდან და პუშკინის ქუჩიდან.
ბათუმში გადაიკეტება ევროპის მოედანი და მიმდებარე ქუჩები. საახალწლო ღონისძიებებზე მისვლა შესაძლებელი იქნება დემეტრე თავდადებულის, მემედ აბაშიძისა და ირაკლი აბაშიძის ქუჩებიდან, ასევე ბარათაშვილის ქუჩის კვეთიდან.
გრიგალაშვილის განცხადებით, თბილისსა და ბათუმში საახალწლო ღონისძიებებზე აკრძალულია ასაფეთქებელი პეტარდების, ფეთქებადი ფეივერვერკების, შუშხუნების, აალებადი ნივთებისა და ბოთლების - მათ შორის პლასტმასის ბოთლების შეტანა.
"შესასვლელ ადგილებში მოხდება შემოწმება შესაბამისი ხელსაწყოებით და პირები, რომლებსაც აკრძალული ნივთები აღმოაჩნდებათ, ღონისძიებებზე არ დაიშვებნიან," - განაცხადა გრიგალაშვილმა.