• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

ამერიკელებმა სომალიში "ალ კაიდას" ხელმძღვანელი მოკლეს

ამერიკელი სამხედრო მაღალჩინოსნების ინფორმაციით, სპეციალური ძალების მიერ ორშაბათს განხორციელებული იერიშის შედეგად, სავარაუდოდ, მოკლულია ძებნაში მყოფი “ალ კაიდას” ტერორისტი.

24 საათი 16.09.09

ამერიკელი სამხედრო მაღალჩინოსნების ინფორმაციით, სპეციალური ძალების მიერ ორშაბათს განხორციელებული იერიშის შედეგად, სავარაუდოდ, მოკლულია ძებნაში მყოფი “ალ კაიდას” ტერორისტი.

სპეცრაზმმა სამხრეთ სომალიში ვერტმფრენიდან გაუხსნა ცეცხლი ავტომობილს, უფრო სწორად, ისლამისტური მოძრაობა "შაბაბის" ავტოკოლონას. დაიღუპა რამდენიმე ადამიანი, მათ შორის, ამერიკელი სამხედროების აზრით, სალეჰ ალი სალეჰ ნაბჰანიც - ალ კაიდას ერთ-ერთი ხელმძღვანელი. ამერიკის სპეცსამსახურები ნაბჰანზე 2002 წლიდან ნადირობენ. მას კავშირი აქვს აღმოსავლეთ აფრიკაში მომხდარ რამდენიმე თავდასხმასთან, მათ შორის 1998 წელს კენიასა და ტანზანიაში ამერიკული საელჩოების დაბომბვასთან.

მას გამოძიების ფედერალური ბიურო 2002 წელს ისრაელის სასტუმროში თვითმკვლელის აფეთქებისა და მომბასაში, კენიაში ისრაელის თვითმფრინავზე განხორციელებული წარუმატებელი თავდასხმის გამო. ის თანამდებობის პირები, რომლებიც "სი-ენ-ენ”-ის ჟურნალისტს ესაუბრნენ, სრულ ინფორმაციას ფლობენ ამ შემთხვევაზე, მაგრამ მედიასთან საუბრის ოფიციალური ნებართვის უქონლობის გამო მათ არ ისურვეს ვინაობის გამხელა.
ვერტმფრენი ამერიკული საზღვაო ხომალდიდან აფრინდა. გემიდან თვალს ადევნებდნენ ოპერაციის მსვლელობას და საჭიროების შემთხვევაში მზად იყვნენ ამერიკელი ჯარისკაცების დასახმარებლად. შემდეგ ვერტმფრენები მიწაზე დაფრინდნენ, სულ ცოტა, ორი ცხედარი თან წაიღეს, ცხადია ანალიზისა და ნაბჰანის იდენტიფიკაციის მიზნით, ორი გვამი კი მიწაზე დატოვეს. აღნიშნული ფაქტი დაადასტურეს სომალის სამხრეთ-აღმოსავლეთ ქალაქ ბარავასთან მცხოვრებმა გლეხებმა, რომლებიც იერიშის უშუალო მოწმეები არიან.

შეერთებული შტატების დაზვერვას ჰქონდა ინფორმაცია, რომ "ალ კაიდას" ხელმძღვანელი იმ რაიონში იმყოფებოდა და მას რამდენიმე დღის განმავლობაში აკვირდებოდნენ. ზოგიერთი ინფორმაციით, ოპერაციის ჩატარების ბრძანება თვით პრეზიდენტმა ობამამ გასცა.
სომალის მთავრობის მინისტრმა ფარაჰან ალი მუჰამედმა დაადასტურა ცნობა ბარავაში მომხდარი თავდასხმის შესახებ. ზოგი ინფორმაციით, ნაბჰანის დაღუპვა მოძრაობა "შაბაბის" წარმომადგენლებმა და თვითმხილველებმაც დაადასტურეს.

"სი-ენ-ენ”-ის მიხედვით მოამზადა თამთა კახაძემ

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times