• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

პორტ-სა­ი­დის "სა­ფეხ­ბურ­თო" ტრა­გე­დი­ის პო­ლი­ტი­კუ­რი ნი­უ­ან­სე­ბი

პირველ თებერვალს ქალაქ პორტ-საიდში სტადიონზე მომხდარი ხოცვა-ჟლეტის შემდეგ ეგვიპტეში ახალი საპროტესტო ტალღა წარმოიშვა და ხელისუფლებას მასთან გამკლავება უჭირს, ყოველ შემთხვევაში, ძალის გამოყენების გარეშე.

24 საათი 04.02.12

პირველ თებერვალს ქალაქ პორტ-საიდში სტადიონზე მომხდარი ხოცვა-ჟლეტის შემდეგ ეგვიპტეში ახალი საპროტესტო ტალღა წარმოიშვა და ხელისუფლებას მასთან გამკლავება უჭირს, ყოველ შემთხვევაში, ძალის გამოყენების გარეშე.

სტადიონზე ადგილობრივი კლუბის "ალ-მასრისა" და კაიროდან ჩასული საფეხბურთო გუნდის "ალ-ახლის" მატჩის შემდეგ მომხდარ მოვლენებზე დღეს აღარ შევჩერდებით, რადგან ამის შესახებ დაწვრილებით ვწერდით გუშინდელ სტატიაში. ამ არეულობას გაგრძელება მოჰყვა დედაქალაქში და სუეცში, რაც უკვე პოლიტიკური დაპირისპირების ელფერს იძენს.

ხუთ­შა­ბა­თი­დან­ვე კა­ი­რო­ში კლუბ "ალ-ახ­ლის" სტა­დი­ონ­ზე გულ­შე­მატ­კივ­რე­ბი (და­ღუ­პულ­თა და და­შა­ვე­ბულ­თა უმ­რავ­ლე­სო­ბა სწო­რედ ამ გუნ­დის აქ­ტი­უ­რი "ფა­ნე­ბი" არი­ან) შე­იკ­რიბ­ნენ და რამ­დე­ნი­მე კო­ლო­ნით ქა­ლა­ქის ცენ­ტ­რ­ში, "რე­ვო­ლუ­ცი­ურ" თახ­რი­რის მო­ედ­ნის­კენ და­იძ­რ­ნენ, სა­დაც მათ კარ­ვე­ბის ქა­ლა­ქიც დას­ცეს. ერ­თი მოზ­რ­დი­ლი კო­ლო­ნა ეგ­ვიპ­ტის ში­ნა­გან საქ­მე­თა სა­მი­ნის­ტ­როს შე­ნო­ბის­კენ გა­ე­მარ­თა. ისი­ნი ტრა­გე­დი­ა­ში ბრალს სა­მარ­თალ­დამ­ცა­ვებს და, უფ­რო მე­ტიც, ქვეყ­ნის სამ­ხედ­რო ხე­ლი­სუფ­ლე­ბას სდე­ბენ. გულ­შე­მატ­კივ­რებს მი­აჩ­ნი­ათ, რომ პო­ლი­ცი­ამ პრო­ვინ­ცი­უ­ლი კლუ­ბის გულ­შე­მატ­კი­ვარ­თა თავ­დას­ხ­მა მათ­ზე, სულ ცო­ტა, არ აღ­კ­ვე­თა. დე­მონ­ს­ტ­რან­ტე­ბი სა­მი­ნის­ტ­როს­თან პო­ლი­ცი­ამ არ მი­უშ­ვა და მათ წი­ნა­აღ­მ­დეგ ცრემ­ლ­სა­დე­ნი გა­ზი და ხელ­კე­ტე­ბი გა­მო­ი­ყე­ნა, "ულ­ტ­რას"-ებ­მა კი (ასე უწო­დე­ბენ კლუბ "ალ-ახ­ლის" აქ­ტი­ურ გულ­შე­მატ­კივ­რებს) მათ ქვე­ბი და­უ­ში­ნეს. შე­ტა­კე­ბი­სას მი­ნი­მუმ 400 კა­ცი და­შავ­და.

მსგავ­სი შე­ტა­კე­ბა მოხ­და ქა­ლაქ სუ­ეც­შიც. ხალ­ხი პო­ლი­ცი­ის ად­გი­ლობ­რი­ვი სამ­მარ­თ­ვე­ლოს შე­ნო­ბას­თან მას შემ­დეგ მი­იჭ­რა, რაც ცნო­ბი­ლი გახ­და, რომ პორტ-სა­იდ­ში და­ი­ღუ­პა სტუ­მარ­თა გუნ­დის მა­თი თა­ნა­ქა­ლა­ქე­ლი გულ­შე­მატ­კი­ვა­რიც. ბრბოს მო­გე­რი­ე­ბი­სას პო­ლი­ცი­ამ გა­მო­ი­ყე­ნა ცრემ­ლ­სა­დე­ნი გა­ზი (ამის შე­სა­ხებ უკ­ვე წერ­და "24 სა­ა­თი"). თუმ­ცა, რო­გორც გუ­შინ გა­ირ­კ­ვა, პო­ლი­ცი­ას საპ­რო­ტეს­ტო აქ­ცი­ის მო­ნა­წი­ლე­ებ­თან გამ­კ­ლა­ვე­ბა გა­უ­ჭირ­და და მათ წი­ნა­აღ­მ­დეგ იარა­ღიც გა­მო­ი­ყე­ნა. ორი ადა­მი­ა­ნი და­ი­ღუ­პა, არი­ან დაჭ­რი­ლე­ბიც. სულ, კა­ი­რო­შიც და სუ­ეც­შიც და­შა­ვე­ბულ­თა რა­ო­დე­ნო­ბა მხო­ლოდ ხუთ­შა­ბათს და პა­რას­კევს უკ­ვე ას­ც­და 600 კაცს.

პირ­ველ თე­ბერ­ვალს კი პორტ-სა­ი­დის სტა­დი­ონ­ზე და­ხო­ცი­ლე­ბიც და დაჭ­რი­ლე­ბიც ძა­ლი­ან ბევ­რი იყო. ბო­ლო მო­ნა­ცე­მე­ბით და­ღუ­პუ­ლია 74 და დაჭ­რი­ლია 1000 კაც­ზე მე­ტი. მსხვერ­პ­ლი შე­იძ­ლე­ბა გა­ი­ზარ­დოს. თვით­მ­ხილ­ვე­ლე­ბი ყვე­ბი­ან, რომ იმ დღეს სტა­დი­ონ­ზე გა­ა­ვე­ბუ­ლი ბრბო შამ­ფუ­რებ­ზე აგებ­და სტუ­მარ­თა გუნ­დის გულ­შე­მატ­კივ­რებს და მათ ტრი­ბუ­ნე­ბი­დან პირ­და­პირ ძირს ყრიდ­ნენ. აქე­დან გა­მომ­დი­ნა­რე, ნელ-ნე­ლა გამ­ძაფ­რ­და ეჭ­ვი იმის თა­ო­ბა­ზე, რომ სტა­დი­ონ­ზე ცი­ვი იარა­ღით "აღ­ჭურ­ვი­ლი" ამ­დე­ნი ადა­მი­ა­ნი შემ­თხ­ვე­ვით არ მოხ­ვ­და და საქ­მე მხო­ლოდ იმ ერთ შე­უ­რაცხ­მ­ყო­ფელ პლა­კატ­ში არ იყო, რო­მე­ლიც შეს­ვე­ნე­ბის დროს სტუ­მარ­თა გუნ­დის "ფა­ნებ­მა" გა­მო­ფი­ნეს. რო­გორც გა­ირ­კ­ვა, მას­ზე ეწე­რა, რომ "პორტ-სა­იდ­ში ნამ­დ­ვი­ლი მა­მა­კა­ცე­ბი არ არი­ან."

ეგ­ვიპ­ტის ად­გი­ლობ­რივ და უკ­ვე სა­ერ­თა­შო­რი­სო მე­დი­ა­შიც გაჩ­ნ­და მო­საზ­რე­ბე­ბი პო­ლი­ტი­კუ­რი ინ­ტე­რე­სე­ბი­სა და გარ­კ­ვე­უ­ლი ძა­ლე­ბის მი­ერ ამ ტრა­გე­დი­ის პრო­ვო­ცი­რე­ბის თა­ო­ბა­ზე. ამა­ზე მი­ნიშ­ნე­ბა ჩვენს გუ­შინ­დელ სტა­ტი­ა­შიც იყო "ბი-ბი-სის" მი­მომ­ხილ­ველ­ზე დაყ­რ­დ­ნო­ბით, თუმ­ცა ნელ-ნე­ლა ეს უფ­რო გა­მო­იკ­ვე­თა. ეჭვს ისიც აძ­ლი­ე­რებს, რომ თვი­თონ პო­ლი­ტი­კუ­რი ძა­ლე­ბი არა­ო­რაზ­რო­ვან გან­ცხა­დე­ბებს აკე­თე­ბენ და "სა­ფეხ­ბურ­თო" არე­უ­ლო­ბებ­ში პო­ლი­ტი­კურ დამ­ნა­შა­ვე­ებს ეძე­ბენ.

საქ­მე ის არის, რომ დე­და­ქა­ლა­ქის კლუბ "ალ-ახ­ლის" ორ­გა­ნი­ზე­ბულ­მა და აგ­რე­სი­ულ­მა ფა­ნა­ტებ­მა, ე. წ. "ულ­ტ­რას"-ებ­მა სე­რი­ო­ზუ­ლი რო­ლი ითა­მა­შეს ერ­თი წლის წინ რე­ვო­ლუ­ცი­ურ გა­მოს­ვ­ლებ­შიც და შემ­დე­გაც, რო­დე­საც ხალ­ხი უმაღ­ლე­სი სამ­ხედ­რო საბ­ჭოს მი­ერ ძა­ლა­უფ­ლე­ბის სა­მო­ქა­ლა­ქო მთავ­რო­ბი­სათ­ვის გა­და­ცე­მას მო­ითხოვ­და. ბო­ლო ერ­თი წლის გან­მავ­ლო­ბა­ში ხში­რი იყო პო­ლი­ცი­ი­სა და "ულ­ტ­რას"-ის წვრილ­მა­ნი შე­ტა­კე­ბე­ბის შემ­თხ­ვე­ვე­ბიც. გულ­შე­მატ­კივ­რე­ბი თით­ქ­მის დარ­წ­მუ­ნე­ბუ­ლე­ბი არი­ან, რომ პრო­ვინ­ცი­უ­ლი კლუ­ბის ფა­ნა­ტე­ბის მხრი­დან მათ­ზე ან­გა­რიშ­ს­წო­რე­ბა სამ­ხედ­რო ხე­ლი­სუფ­ლე­ბის ინ­ტე­რე­სებ­ში შე­დი­ო­და, რა­თა პო­ლი­ტი­კუ­რად აქ­ტი­უ­რი დე­და­ქა­ლა­ქე­ლე­ბის­თ­ვის "ჭკუა ეს­წავ­ლე­ბი­ნათ". პა­ნა­რა­ბუ­ლი მოძ­რა­ო­ბა "ძმე­ბი მუ­სულ­მა­ნე­ბის" წარ­მო­მად­გენ­ლე­ბი კი ტრა­გე­დი­ა­ში ბრალს მუ­ბა­რა­ქის ყო­ფილ მომ­ხ­რე­ებს სდე­ბენ. ამ ორ­გა­ნი­ზა­ცი­ის პო­ლი­ტი­კურ­მა ფრთამ ეგ­ვიპ­ტე­ში - თა­ვი­სუფ­ლე­ბი­სა და სა­მარ­თ­ლი­ა­ნო­ბის პარ­ტი­ამ პარ­ლა­მენ­ტის არ­ჩევ­ნებ­ში ახ­ლა­ხან მან­და­ტე­ბის თით­ქ­მის ნა­ხე­ვა­რი მო­ი­პო­ვა. ისი­ნი ვა­რა­უ­დო­ბენ, რომ ყო­ფილ ხე­ლი­სუფ­ლე­ბას პორტ-სა­იდ­ში ბევ­რი მხარ­დამ­ჭე­რი ჰყავ­და და "ალ-ახ­ლის" გულ­შე­მატ­კივ­რე­ბი რე­ვო­ლუ­ცი­ა­ში მო­ნა­წი­ლე­ო­ბის­თ­ვის "სა­შინ­ლად და­სა­ჯეს."

საქ­მე­ში ჩა­უ­ხე­და­ვი ადა­მი­ა­ნე­ბის­თ­ვის რა­ი­მეს ცალ­სა­ხად მტკი­ცე­ბა შე­უძ­ლე­ბე­ლია. თუმ­ცა ცხა­დად იკ­ვე­თე­ბა, რომ თუ ტრა­გე­დია პო­ლი­ტი­კუ­რი ძა­ლე­ბის პრო­ვო­ცი­რე­ბუ­ლი არ არის, ხე­ლი­სუფ­ლე­ბაც და სა­პარ­ლა­მენ­ტო პარ­ტი­ე­ბიც მის სა­თა­ვი­სოდ გა­მო­ყე­ნე­ბას ახ­ლა ნამ­დ­ვი­ლად ცდი­ლობს.

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times