პრინცი უილიამი გუშინ ფოლკლენდის კუნძულებზე ჩავიდა, სადაც თვე-ნახევრის განმავლობაში სამაშველო ვერტმფრენის პილოტად იმსახურებს.
24 საათი 04.02.12
პრინცი უილიამი გუშინ ფოლკლენდის კუნძულებზე ჩავიდა, სადაც თვე-ნახევრის განმავლობაში სამაშველო ვერტმფრენის პილოტად იმსახურებს.
ცოტა ხნის წინ დიდმა ბრიტანეთმა გამოაცხადა, რომ სამხედრო შემადგენლობას ზრდიდა იმ კუნძულებზე, რომელზე პრეტენზიასაც არგენტინა აცხადებს. პრინც უილიამის კუნძულზე ჩასვლამ ბუენოს-აირესის ნეგატიური რეაქცია გამოიწვია. არგენტინის ხელისუფლების განცხადებით, ეს პროვოკაცია და კონფლიქტის მილიტარიზაციის მცდელობაა. არგენტინას მაშინვე თანადგომა გამოუცხადა მეზობელმა ვენესუელამ, რომელმაც ლონდონის "პროვოკაცია" დაგმო. ორ ქვეყანას შორის ფოლკლენდის კუნძულებთან დაკავშირებით დიპლომატიური კოფლიქტი 2010 წელს განახლდა, როდესაც ლონდონმა აქ ნავთობის მოპოვება დაიწყო. ამის საპასუხოდ არგენტინამ რამდენიმე ლათინოამერიკული ქვეყნის ალიანსი ჩამოაყალიბა, რომლებიც ფოლკლენდიდან წამოსულ გემებს საკუთარ პორტებში არ უშვებენ. ამ კოალიციაში შედიან: არგენტინა, ბრაზილია, პარაგვაი, ურუგვაი. ალიანსთან შეერთების სურვილი ვენესუელამაც გამოთქვა.