• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

სი­რი­ა­ში მუ­შა­ო­ბა წი­თელ ჯვარ­საც გა­უ­ჭირ­და

სა­ო­მარ­მა მოქ­მე­დე­ბებ­მა სი­რი­ა­ში უკი­დუ­რე­სად მწვა­ვე და და­უნ­დო­ბე­ლი ხა­სი­ა­თი შე­ი­ძი­ნა.

24 საათი 22.02.12

სა­ო­მარ­მა მოქ­მე­დე­ბებ­მა სი­რი­ა­ში უკი­დუ­რე­სად მწვა­ვე და და­უნ­დო­ბე­ლი ხა­სი­ა­თი შე­ი­ძი­ნა.

ჰომ­სი ისევ იბომ­ბე­ბა არ­ტი­ლე­რი­ი­სა და რა­კე­ტე­ბის გა­მო­ყე­ნე­ბით. მთელ რიგ რა­ი­ო­ნებ­თან ყვე­ლა­ნა­ი­რი კონ­ტაქ­ტი გაწყ­ვე­ტი­ლია. სა­კუ­თა­რი ფუნ­ქ­ცი­ე­ბის შეს­რუ­ლე­ბას ვე­ღარ ახერ­ხებს ქვე­ყა­ნა­ში მოქ­მე­დი ერ­თა­დერ­თი სა­ერ­თა­შო­რი­სო ჰუ­მა­ნი­ტა­რუ­ლი ორ­გა­ნი­ზა­ცია - წი­თე­ლი ჯვრი­სა და წი­თე­ლი ნა­ხე­ვარ­მ­თ­ვა­რის სა­ერ­თა­შო­რი­სო კო­მი­ტე­ტი. ტუ­ნის­ში 24 თე­ბერ­ვალს და­გეგ­მი­ლია სი­რი­ის მე­გო­ბა­რი სა­ხელ­მ­წი­ფო­ე­ბის პირ­ვე­ლი შეხ­ვედ­რის გა­მარ­თ­ვა, თუმ­ცა რუ­სე­თი და ალ­ბათ ჩი­ნე­თიც მის ბო­ი­კო­ტი­რე­ბას და მნიშ­ვ­ნე­ლო­ბის დაკ­ნი­ნე­ბას შე­ეც­დე­ბი­ან.

გუ­შინ წი­თე­ლი ჯვრის სა­ერ­თა­შო­რი­სო კო­მი­ტეტ­მა გა­ავ­რ­ცე­ლა ოფი­ცი­ა­ლუ­რი გან­ცხა­დე­ბა, რომ ის სი­რი­ა­ში, კონ­ფ­ლიქ­ტის მო­ნა­წი­ლე ყვე­ლა მხა­რეს­თან ცეცხ­ლის შეწყ­ვე­ტის შე­თან­ხ­მე­ბის მი­საღ­წე­ვად მო­ლა­პა­რა­კე­ბებს აწარ­მო­ებს. წი­თე­ლი ჯვრის ორ­გა­ნი­ზა­ცია ცდი­ლობს მი­აღ­წი­ოს თუნდ დრო­ე­ბით ზავს ყვე­ლა­ზე ცხელ წერ­ტი­ლებ­ში, რა­თა ალ­ყა­შე­მორ­ტყ­მულ რა­ი­ო­ნებ­ში ხალ­ხის­თ­ვის მე­დი­კა­მენ­ტე­ბი­სა და სხვა პირ­ვე­ლა­დი მოხ­მა­რე­ბის საგ­ნე­ბის მი­წო­დე­ბა მო­ხერ­ხ­დეს. თვით ის ფაქ­ტი, რომ წი­თე­ლი ჯვრის ორ­გა­ნი­ზა­ცი­ამ მსგავ­სი მო­ლა­პა­რა­კე­ბე­ბის წარ­მო­ე­ბის შე­სა­ხებ სა­ჯა­როდ გა­მო­აცხა­და, თა­ვის­თა­ვად მი­უ­თი­თებს სი­ტუ­ა­ცი­ის სირ­თუ­ლე­ზე და ამ ორ­გა­ნი­ზა­ცი­ის უკი­დუ­რეს შეშ­ფო­თე­ბა­ზე შექ­მ­ნი­ლი მდგო­მა­რე­ო­ბით. რო­გორც წე­სი, წი­თე­ლი ჯვა­რი ასეთ პრობ­ლე­მებს შე­ი­ა­რა­ღე­ბუ­ლი კონ­ფ­ლიქ­ტის მო­ნა­წი­ლე მხა­რე­ებ­თან გა­უხ­მა­უ­რებ­ლად აგ­ვა­რებს.

ორ­გა­ნი­ზა­ცი­ის პრეს­მ­დი­ვან­მა ბი­ჯან ფარ­ნუ­დიმ გა­ნაცხა­და, რომ კო­მი­ტე­ტი ამ რე­გი­ო­ნებ­ში ჰუ­მა­ნი­ტა­რუ­ლი დახ­მა­რე­ბის მი­სა­წო­დებ­ლად "რიგ შე­საძ­ლებ­ლო­ბებს გა­ნი­ხი­ლავს". მი­სი სიტყ­ვე­ბით, მო­ლა­პა­რა­კე­ბე­ბის მი­ზა­ნია, რომ "წი­თე­ლი ჯვრის სა­ერ­თა­შო­რი­სო კო­მი­ტეტს და არა­ბუ­ლი წი­თე­ლი ნა­ხე­ვარ­მ­თ­ვა­რის სი­რი­ის ორ­გა­ნი­ზა­ცი­ას და­უ­ყოვ­ნებ­ლივ მი­ე­ცეს იმ ადა­მი­ა­ნე­ბამ­დე მის­ვ­ლის სა­შუ­ა­ლე­ბა, რომ­ლე­ბიც გა­და­უ­დე­ბელ დახ­მა­რე­ბას სა­ჭი­რო­ე­ბენ". ფარ­ნუ­დიმ დას­ძი­ნა, რომ სი­რი­ის ხე­ლი­სუფ­ლე­ბას­თან და კონ­ფ­ლიქ­ტ­ში მო­ნა­წი­ლე სხვა მხა­რე­ებ­თან მიმ­დი­ნა­რე მო­ლა­პა­რა­კე­ბე­ბი ორ­მ­ხ­რივ ხა­სი­ათს ატა­რებს და მა­თი ში­ნა­არ­სი კონ­ფი­დენ­ცი­ა­ლუ­რია.

თუმ­ცა, ჯერ­ჯე­რო­ბით წი­თე­ლი ჯვრის ორ­გა­ნი­ზა­ცი­ის ძა­ლის­ხ­მე­ვაც, სა­ერ­თა­შო­რი­სო სა­ზო­გა­დო­ე­ბის მო­წო­დე­ბე­ბის მსგავ­სად, უშე­დე­გოა. ჰომ­სის და­ბომ­ბ­ვა გრძელ­დე­ბა და, თან, სამ­თავ­რო­ბო ძა­ლებ­მა გუ­შინ ახა­ლი შევ­სე­ბა მი­ი­ღეს. სი­რი­ის თა­ვი­სუ­ფა­ლი არ­მია მათ ქა­ლა­ქის მთელ რიგ რა­ი­ო­ნებ­ში არ უშ­ვებს. ცნო­ბილ ბა­ბა-ამრს და მის მიმ­დე­ბა­რე ზო­ნას უკ­ვე მსხვილ­კა­ლიბ­რი­ა­ნი ჰა­უ­ბი­ცე­ბით ბომ­ბა­ვენ, ხალ­ხი კი სახ­მე­ლე­თო ძა­ლე­ბის შე­ტე­ვის მო­ლო­დინ­შია. ჰომ­სის ეს გა­რე­უ­ბა­ნი ცხოვ­რობს ელექ­ტ­რო­ე­ნერ­გი­ი­სა და გათ­ბო­ბის გა­რე­შე, "აუტა­ნელ პი­რო­ბებ­ში და გარ­და­უ­ვა­ლი და­ღუპ­ვის მო­ლო­დინ­ში". გუ­შინ სი­რი­ის პრე­ზი­დენტ ბა­შარ ასა­დის წი­ნა­აღ­მ­დეგ მოწყო­ბილ დე­მონ­ს­ტ­რა­ცი­ას ცეცხ­ლი გა­უხ­ს­ნეს დე­და­ქა­ლაქ და­მას­კო­შიც. დე­მონ­ს­ტ­რა­ცი­ა­ში რამ­დე­ნი­მე ასე­უ­ლი ადა­მი­ა­ნი მო­ნა­წი­ლე­ობ­და. სა­ბედ­ნი­ე­როდ, მსხვერ­პ­ლი არ არის, არი­ან მხო­ლოდ დაჭ­რი­ლე­ბი.

სულ, და­პი­რის­პი­რე­ბის თერ­თ­მე­ტი თვის გან­მავ­ლო­ბა­ში სი­რი­ა­ში და­ღუ­პუ­ლია და­ახ­ლო­ე­ბით 7 ათა­სი მშვი­დო­ბი­ა­ნი მცხოვ­რე­ბი და 2 ათა­სი ჯა­რის­კა­ცი და პო­ლი­ცი­ე­ლი.

24 თე­ბერ­ვალს ტუ­ნის­მა უნ­და უმას­პინ­ძ­ლოს სი­რი­ის მე­გო­ბარ სა­ხელ­მ­წი­ფო­თა შეხ­ვედ­რას, რო­მელ­ზეც ამ ქვეყ­ნის დახ­მა­რე­ბის გზე­ბი უნ­და გა­ნი­ხი­ლონ. ტერ­მი­ნი "სი­რი­ის მე­გო­ბა­რი სა­ხელ­მ­წი­ფო­ე­ბი" ორი­ო­დე კვი­რის წინ გა­მო­ი­ყე­ნა ჰი­ლა­რი კლინ­ტონ­მა, მას შემ­დეგ, რაც რუ­სეთ­მა და ჩი­ნეთ­მა გა­ე­როს უშიშ­რო­ე­ბის საბ­ჭო­ში სი­რი­ის თა­ო­ბა­ზე რე­ზო­ლუ­ცი­ას ვე­ტო და­ა­დეს და სა­ერ­თა­შო­რი­სო სა­ზო­გა­დო­ე­ბა, ფაქ­ტობ­რი­ვად, უმოქ­მე­დოდ და­ტო­ვეს. 24 თე­ბერ­ვ­ლის შეხ­ვედ­რის ორ­გა­ნი­ზე­ბა არა­ბულ სა­ხელ­მ­წი­ფო­თა ლი­გამ ითა­ვა. მოწ­ვე­ვა გა­ეგ­ზავ­ნათ რუ­სეთ­საც და ჩი­ნეთ­საც, თუმ­ცა გუ­შინ რუ­სე­თის სა­გა­რეო საქ­მე­თა სა­მი­ნის­ტ­როს წარ­მო­მად­გე­ნელ­მა გა­ნაცხა­და, რომ ტუ­ნის­ში და­გეგ­მილ შეხ­ვედ­რა­ში მო­ნა­წი­ლე­ო­ბას მი­სი სა­ხელ­მ­წი­ფო არ აპი­რებს. რუ­სე­თის­თ­ვის "უც­ნო­ბია ამ ინი­ცი­ა­ტი­ვის რე­ა­ლუ­რი მი­მარ­თუ­ლე­ბა". ამას გარ­და, რუ­სე­თი უკ­მა­ყო­ფი­ლოა იმით, რომ ტუ­ნი­სის შეხ­ვედ­რა­ზე მიწ­ვე­უ­ლი არი­ან სი­რი­ის ოპო­ზი­ცი­უ­რი სპექ­ტ­რის წარ­მო­მად­გენ­ლე­ბი, მაგ­რამ არ და­უ­პა­ტი­ჟი­ათ მთავ­რო­ბა. სა­გა­რეო საქ­მე­თა სა­მი­ნის­ტ­როს წარ­მო­მად­გენ­ლის სიტყ­ვე­ბით, რუ­სე­თის­თ­ვის არც სხვა მიწ­ვე­ულ სა­ხელ­მ­წი­ფო­თა სია უც­ნო­ბე­ბი­ათ, არც დღის წეს­რი­გი. მათ წი­ნას­წარ ეჭ­ვი ეპა­რე­ბათ იმა­შიც, რომ შეხ­ვედ­რის ბო­ლოს მი­ღე­ბუ­ლი დო­კუ­მენ­ტი, რო­მელ­ზეც სა­ხელ­მ­წი­ფო­თა პა­ტა­რა ჯგუ­ფი მუ­შა­ობს, მათ­თ­ვის სა­სურ­ვე­ლი არ იქ­ნე­ბა. სხვა სიტყ­ვე­ბით რომ ვთქვათ, რუ­სეთს არ სურს მო­ნა­წი­ლე­ო­ბა მი­ი­ღოს შეხ­ვედ­რა­ში, სა­დაც უმ­ცი­რე­სო­ბა­ში აღ­მოჩ­ნ­დე­ბა და თან თა­ვი­სი პო­ზი­ცი­ის გა­ტა­ნის ბერ­კე­ტი არ ექ­ნე­ბა, უშიშ­რო­ე­ბის საბ­ჭოს ვე­ტოს მსგავ­სად.

ჩი­ნე­თის პო­ზი­ცია ამ კონ­კ­რე­ტულ სა­კითხ­ზე უც­ნო­ბია, თუმ­ცა ზო­გა­დად ისი­ნი აცხა­დე­ბენ, რომ და­სავ­ლე­თი ოპო­ზი­ცი­ის მხარ­და­ჭე­რით სი­რი­ა­ში არ­სე­ბუ­ლი და­პი­რის­პი­რე­ბის სრულ­მას­შ­ტა­ბი­ან სა­მო­ქა­ლა­ქო ომ­ში გა­დაზ­რ­დას გა­მო­იწ­ვევს, რაც და­უშ­ვე­ბე­ლია, რად­გან შემ­დეგ გა­რე­დან ჩა­რე­ვა გარ­და­უ­ვა­ლი გახ­დე­ბა. ეს პო­ზი­ცია და­ფიქ­სი­რე­ბუ­ლია ჩი­ნე­თის კომ­პარ­ტი­ის ოფი­ცი­ა­ლურ ორ­გა­ნო­ში "ჟენ­მინ ჟი­ბა­ო­ში". ზო­გა­დად, ჩი­ნე­თიც სი­რი­ა­ში კონ­ფ­ლიქ­ტის მხა­რე­ებს სის­ხ­ლის­ღ­ვ­რის შეწყ­ვე­ტის­კენ მო­უ­წო­დებს და ემ­ხ­რო­ბა ამ ქვეყ­ნის მთავ­რო­ბის გეგ­მას კონ­ს­ტი­ტუ­ცი­ის რე­ფე­რენ­დუ­მით შეც­ვ­ლის თა­ო­ბა­ზე (ამის შე­სა­ხებ ჩვენ უკ­ვე ვწერ­დით).

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times