ეგვიპტის ადმინისტრაციულმა სასამართლომ 23-24 მაისს დაგეგმილ საპრეზიდენტო არჩევნების შეჩერების შესახებ გადაწყვეტილება მიიღო.
24 საათი 11.05.12
ეგვიპტის ადმინისტრაციულმა სასამართლომ 23-24 მაისს დაგეგმილ საპრეზიდენტო არჩევნების შეჩერების შესახებ გადაწყვეტილება მიიღო.
აღნიშნულის შესახებ გაზეთი "ალ-აჰრამი" წერს. თუმცა, 9 მაისს ცენტრალური საარჩევნო კომისია (მიუხედავად იმისა, რომ პარლამენტთან კონფლიქტის გამო მუშაობა დროებით შეჩერებული ჰქონდა) აცხადებდა, რომ მიუხედავად ყველაფრისა, არჩევნები დათქმულ ვადაში ჩატარდებოდა. ეგვიპტის საპრეზიდენტო არჩევნების უმაღლესმა კომისიამ მუშაობა 12 მაისამდე შეაჩერა. ეს მას შემდეგ მოხდა, რაც ორშაბათს ქვეყნის პარლამენტმა კონსტიტუციის 28-ე მუხლის შესწორების განხილვა დაიწყო, რომელიც საარჩევნო კომისიის მუშაობას განსაზღვრავს.
ისლამისტები, რომლებსაც პარლამენტში ადგილების უმრავლესობა უკავიათ, საარჩევნო კომისიის დათხოვნას და 28-ე მუხლის შესწორებას ითხოვენ. ეს კანონი განსაზღვრავს ცენტრალური საარჩევნო კომისიის მუშაობას, რომლის გადაწყვეტილებაც საბოლოოა და, კომისიის გარდა, მისი გადახედვა არავის შეუძლია.