საჯარო ლექციები კოსმოლოგიაში

18-დან 23 ივნისამდე ილიას სახელმწიფო უნივერსიტეტში აშშ-ის კარნეგი-მელონის უნივერსიტეტის პროფესორმა ლეონარდ კისლინჯერმა წაიკითხა ლექციების სერია – ”სამყაროს ევოლუცია”.

24 საათი 27.06.12

ლექციებზე მსმენელს საშუალება ჰქონდა, გასცნობოდა კოსმოლოგიის ძირითად იდეებსა და ფაქტებს. პროფესორმა ისაუბრა ისეთ თემებზე, როგორიცაა კოსმოსის სტრუქტურა, კოსმიური სხეულების მოძრაობა და პირველადი საწყისის შესწავლა და სხვა.

ლექციები ძირითადად განკუთვნილი იყო ბაკალავრიატის სტუდენტებისთვის, თუმცა ცალკეული საკითხები სასარგებლო იყო მაგისტრანტებისა და დოქტორანტებისთვისაც. ლექციების შემდეგ სტუდენტებს საშუალება მიეცათ, დაესვათ კითხვები პროფესორისთვის და გაემართათ დისკუსია მათთვის საინტერესო თემებზე.

სტატიის მისამართი: http://24saati.ge/index.php/category/society/science/2012-06-27/30171.html