ტოჩინოშინი სეკივაკეს ტიტულს უმიზნებს

ახალგაზრდა ქართველმა სუმოისტმა ლევან გორგაძემ გასული წელი წარმატებით დაასრულა.

24 საათი 06.01.10

ნოემბრის ბაშოზე ტოჩინოშინმა მხოლოდ ორი ბრძოლა წააგო და ტურნირზე მეორე ადგილი დაიკავა. დეკემბრის ბანძუკეში ქართველი პირველ მაეგაშირობამდე აღზევდა.

სულ მალე იანვრის ბაშო აიღებს სტარტს. წლის პირველ სუპერტურნირზე ტოჩინოშინი, სულ მცირე, კომუსუბის ტიტულის მოპოვებას აპირებს, უკეთეს შემთხვევაში კი სეკივაკეობას უნდა შეწვდეს.

2009 წლის ბოლოს ტოჩინოშინმა რამდენიმე სპარინგი გამართა, მათ შორის იოკოძუნა ასოშორიუსთანაც. სწორედ ქართველი იყო ლეგენდარული მონღოლი სუმოისტის უკანასკნელი სპარინგ-მეტოქე 2009 წელს. ასოშორიუმ 17-ჯერ უხმო ტოჩინოშინს დოჰიოზე და ამ 17 დაპირისპირებიდან ორში სუმოს ისტორიაში ყველაზე ახალგაზრდა სეკუტორიკიმ გაიმარჯვა.

ვარჯიშების დასრულების შემდეგ ტოჩინოშინმა ჟურნალისტებს განუცხადა, რომ 2010 წლის პირველივე ბაშოზე აპირებს კომუსუბის ან სეკივაკეს ტიტულის მოგებას. ამისთვის აუცილებელია, რომ იანვრის სუპერტურნირი ლევანმა დადებითი ბალანსით დაამთავროს.

სტატიის მისამართი: http://24saati.ge/index.php/category/sport/2010-01-06/2539.html