კალაძეს “ლიონშიც” იწვევენ

საქართველოს ეროვნული ნაკრების კაპიტანი კახა კალაძე ფრანგული “ლიონის” ინტერესების სფეროში აღმოჩნდა.

24 საათი 06.01.10

კალაძის შესაძლო ტრანსფერზე უკვე თვეზე მეტია საუბრობენ. საქმე ის არის, რომ “კალა” “მილანის” ძირითადში ვეღარ ხვდება. ლეონარდო ქართველს მაშინაც კი არ ენდობოდა, როცა ტიაგო სილვას ტრავმები ჰქონდა. მეტიც, ბრაზილიელი მწვრთნელი დაცვის ცენტრის გაძლიერებას ახალი მცველის ყიდვის ხარჯზე აპირებს. ასე რომ, შეიძლება ვივარაუდოთ: სეზონის მეორე ნახევარში კალაძეს კიდევ უფრო ნაკლები სათამაშო დრო ექნება.

შექმნილი ვითარების მიუხედავად, თავად კალაძე “მილანის” დატოვებას არ ფიქრობს და ეს მას არაერთხელ განუცხადებია.

შეგახსენებთ, რომ ქართველი მცველის შეძენის სურვილი უკვე გამოთქვეს კიევის “დინამომ”, სანკტ პეტერბურგის “ზენიტმა” და “ფიორენტინამ”. ახლა ამ ტრიოს ფრანგული “ლიონიც” დაემატა.

სტატიის მისამართი: http://24saati.ge/index.php/category/sport/2010-01-06/2540.html