“რეალი” პატოში 63 მილიონს იხდის

მადრიდის “რეალის” პრეზიდენტი ფლორენტინო პერესი კლუბის გაძლიერებას აგრძელებს და ახალი ვარსკვლავების შეძენა სურს.

24 საათი 06.01.10

ზაფხულში ნაყიდი კაკას, კრიშტიანუ რონალდუს, ბენზემას, ხაბი ალონსოსა და კიდევ რამდენიმე ვარსკვლავის შემდეგ პერესი “მილანის” ბრაზილიელი ვარსკვლავის ალეშანდრე პატოს შეძენას აპირებს.

იტალიური მედიის ინფორმაციით, "რეალის" პრეზიდენტმა მილანელ კოლეგას ოფიციალური წინადადებით მიმართა და ბრაზილიელის სანაცვლოდ 63 მილიონი ევრო შესთავაზა. მადრიდელ ფუნქციონერს "როსონერის" 20 წლის ბრაზილიელი ვარსკვლავის შეძენა იანვრის სატრანსფერო პერიოდშივე სურს.

იტალიელ მიმომხილველთა აზრით, ამ ტრანსფერის განხორციელების ალბათობა, მით უმეტეს, იანვარში, ძალზე მცირეა, თუმცა, ისინი "რეალში" კაკას მოულოდნელ გადასვლას იხსენებენ და აღნიშნავენ, რომ დღევანდელ რეალობაში გამორიცხული არაფერია, მით უფრო, როცა საუბარია 63 მილიონ ევროზე.

სტატიის მისამართი: http://24saati.ge/index.php/category/sport/2010-01-06/2542.html