ყენია - რუსეთის ჩემპიონატში
საქართველოს ეროვნული ნაკრების წევრი და გერმანიის "შალკეს" ყოფილი ფეხბურთელი, 20 წლის ლევან ყენია რუსეთის საუკეთესო გუნდში, სანკტ-პეტერბურგის "ზენიტში" გააგრძელებს კარიერას.
24 საათი 30.06.12
საქართველოს ეროვნული ნაკრების წევრი და გერმანიის "შალკეს" ყოფილი ფეხბურთელი, 20 წლის ლევან ყენია რუსეთის საუკეთესო გუნდში, სანკტ-პეტერბურგის "ზენიტში" გააგრძელებს კარიერას.
ამ ფაქტს ადასტურებს მისი ბიძა, საქართველოს ეროვნული ნაკრების და თბილისის "დინამოს" ყოფილი ფეხბურთელი გიორგი კიკნაძე. მისი თქმით, ყენიას თამაში პეტერბურგელებმა 5 ივნისს ნახეს, როცა საქართველოს ახალგაზრდულმა ნაკრებმა გასვლით მატჩში ესტონეთი დაამარცხა ანგარიშით 2:1. იმ დღეს ლევანმა ერთი გოლი გაიტანა, მეორე კი მისი პასის შემდეგ გავიდა. ცნობილი გახდა კონტრაქტის ერთი დეტალი: ყენია რუსეთის ჩემპიონთან შრომით ხელშეკრულებას 1 პლუს 2 ვადით გააფორმებს. ამჟამად "ზენიტი" პორტუგალიაში გადის შეკრებას და ქართველი ფეხბურთელი თავის ახალ კლუბს სწორედ ამ შეკრებაზე შეუერთდება.