ლონდონმა ერთი საღამოთი მოიწყინა. როჯერ ფედერერმა მოიგო. როჯი ჩოგბურთის ბოსია, ჩოგბურთის ისტორიაში ისტორიას ცვლის.
24 საათი 04.08.12

ლონდონმა ერთი საღამოთი მოიწყინა. როჯერ ფედერერმა მოიგო. როჯი ჩოგბურთის ბოსია, ჩოგბურთის ისტორიაში ისტორიას ცვლის.
ფედერერის მოგება ჩვეულებრივი, მოსული, სასიამოვნო და ცოტა მოსაწყენი თემაა. ერთი კონკრეტული თამაშით ფედერერს უნდა მოეგო და როჯერმა მოიგო. ერთი კონკრეტული თამაშით იმ, მეორე ბიჭსაც უნდა მოეგო. ხუან მარტინ დელ პოტრომ ფედერერთან ერთად ლონდონში სამი სეტი იჩხუბა და როჯერმა გაძლო. არგენტინელმა ცოტა ვერ გაძლო და დელ პოტრომ მხოლოდ ანგარიშით წააგო. იმ ერთი კონკრტეტული თამაშით ფედერერი ოლიმპიადის ფინალში შევიდა და წაგებული არგენტინელიც მოგებული იყო. 3:6, 7:6 (5), 19:17. ფედერერის. როჯერი ლონდონში ბოლო გარჩევისთვის ემზადება.
4 საათი და 26 წუთი, არარეალური ჩოგბურთი, დელ პოტროს აგრესია და ფედერერის ინტელექტი. ჩოგბურთის ისტორიაში ყველაზე ხანგრძლივი სამსეტიანი ტესტი.
ფედერერი აგებს პირველ სეტს და იმ ცხრა გეიმში დელ პოტრო ფედერერი იყო.
ფედერერი იგებს მეორე სეტს და იმ სეტში როჯერი დელ პოტროზე უკეთესია.
ფედერერი იგებს მესამე, მძიმე სეტს და იმ სეტში დელ პოტრო თითქმის
ფედერერი იყო. როჯერმა ერთი ჯეკპოტი ვერ მოხსნა. მესამე სეტში 10:9-ზე ბოსმა დელ პოტრო დააბრეიქა და შემდეგი გეიმი უმუღამოდ ჩაატარა. დელ პოტრომ დაიბრუნა სტამინა, გეიმი და აგრესია.
გარჩევა გაგრძელდა და დელ პოტრომ სამჯერ რთული გეიმი გამოიღო, სეივი გააკეთა. ორჯერ არგენტინელმა 0:40 დაქაჩა და მესამედ იგივე ფოკუსი არ გამოვიდა. ფედერერმა დელ პოტრო დააბრეიქა და ხუან მარტინი ენერგიისგან დაიცალა.
დელ პოტრო კარგი იყო. თითქმის ის დელ პოტრო, რომელმაც სამი წლის წინ ამერიკული სლემის ფინალში მოუგო ფედერერს. მაშინ არგენტინელმა რაღაც დიდი წამოიღო. დელ პოტროც დიდია. არგენტინელი დიდი გულით და კეთილი თვალებით. დელ პოტრო არგენტინაში ლეგენდაა. ერთადერთი ტიპი პრო ტურზე, რომელმაც ფედერერის, რაფაელ ნადალის და ნოვაკ ჯოკოვიჩის გარდა, ბოლო შვიდ სეზონში დიდი სლემის ტურნირი მოიგო.
როჯერმა კიდევ ერთი ეპიკი წამოიღო. თითქმის ისეთივე დამღლელი, როგორც სამი წლის წინ, უიმბლდონის ფინალში. მაშინ ენდი როდიკი აიჭრა. ლონდონში დელ პოტროს ეწყინა.
როლან გაროზე დელ პოტრომ ფედერერს პირველი ორი სეტი წაართვა და ვერ გაქაჩა. ხდება ხოლმე. როჯერი ფედერერია.
როჯმა 4 საათი და 26 წუთი ირბინა. მაიკლ ფელპსმა თავის ოლიმპიურ კარიერაში 90 წუთზე ნაკლები გაცურა. და 19 მედალი აქვს აღებული.
დელ პოტრო კარგი იყო. თითქმის ის დელ პოტრო, რომელმაც სამი წლის წინ ამერიკული სლემის ფინალში მოუგო ფედერერს. მაშინ არგენტინელმა რაღაც დიდი წამოიღო. დელ პოტროც დიდია. არგენტინელი დიდი გულით და კეთილი თვალებით.
უბრალოდ, როჯერი ფედერერია.