ტექსტი

25 მაისი, პარასკევი 2012

სპორტი >>

ნიჭიერი კრის პოლი

კრის პოლმა თავისი მუღამით ითამაშა. ბლეიქ გრიფინი კრის პოლთან ერთად სულ მუღამით თამაშობს.

ზურა თალაკვაძე

24 საათი 03.02.12

კრის პოლი "იუტასთან" 34 ქულას იღებს

შეიცვალა "კლიპერსი" და არ იცვლება გუნდის პატარა გენიოსი. კრისი "იუტასთან" ბებერი მოჰიკანივით ხედავდა ყველა იმ ბილიკს, რომელიც სხვისთვის დაფარული იყო. პოლმა თავისი კალთბურთი ითამაშა. "იუტას" ცოტა არ გაუმართლა.

34 ქულა კრისისთვის ამ სეზონში რეკორდია. პოლი სტატისტიკას არ აგროვებს, კრისი სტატისტიკაზე უკეთესი, "კლიპერსისთვის" მრავალჯერადი ჯეკპოტია.

"კლიპერსმა" სოლტ ლეიკ სიტიში 2003 წლის შემდეგ პირველად მოიგო. მაშინ "კლიპერსში" კრის პოლი არ იყო. კალიფორნიული ბანდის პირველმა ნომერმა 24/15 სროლა გამოიყენა. პოლმა ერთი ფოლი მიიღო და "ჯაზს" ჯონ სტოქტონის მოძრაობები, ჯონის თამაში გაახსენა. იმ დროში "იუტა" ბევრს იგებდა და სტოქტონი მეჯიქზე ჯონსონი იყო. დღეს "იუტას" სტოქტონის, პოლის, ინტელექტის დეფიციტი აქვს. გუნდი ალ ჯეფერსონის ბიცეფსებით და პოლ მისლეპის მხრებით იგებს.

"კლიპერსს" "ჯაზის" დარბაზში ამ თამაშამდე ზედიზედ 16 წაგება აქვს. სერია კრის პოლმა დახურა და ახალი სერია დაიწყო.

17 იანვარს "იუტა" პოლის მეგობრებს 108:79 უგებს. მაშინ კრისი დალეწილი იყო და ჩონსი ბილაფსთან იქვე, უკან, რენდი ფოი ტრიალებდა. ფოი სტანდარტული, ჩვეულებრივი ტიპია. კრის პოლი სხვა დონეა. პოლი სტოქტონის, მეჯიქის ტერიტორიაზეა.

კრისმა ბოლო მეოთხედში 12 ქულა შეაგროვა და "კლიპერსმა" წაუგებელი სერია ოთხამდე გააგრძელა. ბოლო 30 წამში "კლიპერსმა" 8 საჯარიმო გაუშვა და ყველა ჩააგდო.

ძირითადის ბოლომდე 1.2 წამით ადრე, მინუს სამზე, სი ჯეი მაილზმა პირველი საჯარიმო ჩააგდო, მეორე სპეციალურად ააცილა, ბურთი რეჯი ევანსმა აიღო და ყველაფერი მორჩა.

კრის პოლმა მოსაგები ისევ მოიგო.

იუტა (12:8)-კლიპერსი (13:6) 105:107, 29:32, 29:24, 16:16, 31:35 (ალ ჯეფერსონი 27+12 მ+4 პ; სი ჯეი მაილზი 16+3 მ; მილსეპი 14+7 მ; ფეივორსი 14+3 მ+2 დ; ჰეიუორდი 12+3 მ+3 პ - პოლი 34+11 პ+5 მ+3 ჩ; გრიფინი 31+14 მ+3 დ+2 პ; მო უილიამსი 19; ჯორდანი 8+11 მ; ბილაფსი 8+7 მ+3 პ).

* * *

"პორტლენდში" სერიოზული ტიპები სერიოზულ ბონუსს ხსნიან.

ლამარკუს ოლდრიჯი - 12 622 00 მილიონი დოლარი.

მარკუს კემბი - 11 227 250.

ჯერალდ უოლასი - 10 500 000.

რეიმონდ ფელტონი - 7 560 000.

უესლი მეთიუზი - 6 135 160.

ჯამალ კროუფორდი - 5 000 000.

"პორტლენდში" სერიოზულმა ტიპებმა უფრო სტაბილურად უნდა გააკეთონ საქმე და ფლეი-ოფში გუნდი ბევრს მოიგებს.

ჯამალ კროუფორდმა 21 წუთში 24 ქულა აიღო და "შარლოტმა" ზედიზედ მეათედ წააგო. მინუს 44 "ბობქეთსის" ისტორიაში ყველაზე ცუდი წაგებაა. წინა პერლი მინუს 40 იყო - შარშან, 2 მარტს, დენვერში "შარლოტი" 120:80 დაიგლიჯა.

ჯერალდ ჰენდერსონმა 16 ქულა შეაგროვა და ერთჯერადი "შარლოტი" ისევ ერთჯერად კალათბურთს თამაშობდა.

ჯერალდ უოლასი "პორტლენდში" შარლოტიდან მიდის და უკვე კალათბურთს თამაშობს. შარლოტში იღლებოდა და დასვენებულიც დაღლილი, უემოციო იყო.

ბოლო მეოთხედში "პორტლენდის" პირველი ხუთეული ისვენებდა და გუნდმა ამ სეზონში ყველაზე მეტი ქულა აკრიფა.

ბოლო მეოთხედში "შარლოტის" პირველი ხუთეული თამაშობდა და გუნდმა ამ სეზონში ყველაზე ცოტა ქულა აკრიფა.

"ბობქეთსი" სტუმრად 1:12 ზის.

"ბლეიზერსს" სახლში, "როუზ გარდენში", 12:1 აქვს.

პორტლენდი (13:9)-შარლოტი (3:20) 112:68, 35:18, 26:17, 31:13, 20:20 (ჯამალ კროუფორდი 24; ჯ.უოლასი 23+5 მ+3 ჩ+2 პ; ოლდრიჯი 22+3 მ+2 პ; ფელტონი 11+7 პ+3 მ+2 ჩ; კემბი 4+7 მ+5 პ+5 დ - ჰენდერსონი 16+3 მ; ბრაუნი 12+4 მ; მულენსი 10).

* * *

რაღაცები არ იცვლება. ნიქ ქეივი ყოველთვის ჯასტინ თიმბერლეიქზე წასაკითხ ლექსებს დაწერს. უეინ გრეცკი ყოველთვის პატრიკ კეინზე გრეცკი იქნება. როჯერი სულ ფედერერია. ტიმ დანკანი ყოველთვის კლასიკაა. კალათბურთის კლასიკა. ტიმი დუჩეს ასაკშია და მაინც ასრულებს. ინტელექტით, თვალებით, მოქნილი და რბილი მაჯით ასრულებს.

"ჰიუსტონმა" სან ანტონიოში 18 ქულა წაიყვანა. კევინ მარტინი ალენ აივერსონის კონსპექტებით თამაშობდა. შედიოდა "სან ანტონიოს" ტერიტორიაზე, თამაშს და სივრცეს შლიდა, ერთობოდა. "ჰიუსტონმა" ეს 18 ქულა მესამე მეოთხედში წაიყვანა. მერე ტიმიმ პილორამა ამოქოქა. დაიწყო დანკანის ფესტივალი.

ტიმი მოხუცი კაცის მუხლებით და აინშტაინის ტვინით აკეთებდა საქმეს. ქულები შესვლიდან, ქულები საშუალოდან, ბურთი ფარს რომ ხვდება და ისე ეხახუნება ბადეს. ქულები სამწამიანიდან და ტიმის ქულები. დანკანმა 12 სროლიდან 9 ჩასვა და თითქმის 31 წუთში ფოლი არ მიუღია. ტიმი კლასიკა იყო.

"ჰიუსტონში" მეოთხე ნომერზე ლუის სკოლა დგას. არგენტინელი მარვი ბობი როდრიგეზის შედევრების შედევრი იქნებოდა და დანკანისთვის მოწაფეა. ტიმიმ სკოლას დანკანის სკოლა გაუხსნა და ლუისმა იმეცადინა. კალათბურთში იმეცადინა და დანკანმა ლექცია დახურა. პროფესორმა "სან ანტონიოს" კიდევ ერთი საჩუქარი მიართვა.

სან ანტონიო (14:9)-ჰიუსტონი (12:10) 99:91, 16:27, 23:25, 28:19, 32:20 (დანკანი 25+7 მ; პარკერი 24+4 პ+2 ჩ; ნილი 15+3 მ+2 პ; ბონერი 8+10 მ - კევინ მარტინი 29+9 მ+4 პ; ლოური 15+7 პ+2 ჩ; კ.ლი 15; პატერსონი 10; ჯ.ჰილი 6+10 მ; სკოლა 4+3 მ).

* * *

"მაიამიში" ლებრონია. ლებრონი ფლორიდაშია. მაიამიც ფლორიდაშია. "ჰიტი" ლიგის და მისტერ დევიდ სტერნის ფავორიტია.

მილუოკი არ არის ფლორიდაში და "მილუოკის" არ ჰყავს ლებრონი. "ბაქსს" დაემტვრა ენდრიუ ბოგუტი და "ბაქსი" მაინც უგებს "მაიამის". ლებრონთან ერთად უგებს.

ბრენდონ ჯენინგსმა ბოლო მეოთხედის გაქცევაში სამი სამიანი ჩასვა და "ბაქსმა" ამ რეგულარულში მეორედ გააჩერა ლებრონის გუნდი.

ჯეიმსს პირველ მეოთხედში 24 ქულა აქვს. მიმდინარე რეგულარულის რეკორდი. ჯეიმსმა დიდი შესვენების შემდეგ 12/5 სროლა გამოიყენა. მეორე ტაიმში "მაიამი" იდგა.

"მილუოკის" არ ჰყავს ბოგუტი და ენდის პროდუქციას სხვები ითვისებენ. სკოტ სქაილზი კარგი მწვრთნელია. ყოველთვის იყო.

მილუოკი (10:11)-მაიამი (16:6) 105:97, 23:40, 24:20, 29:19, 29:18 (ჯენინგსი 31+8 პ+4 მ+4 ჩ; გუდენი 17+9 მ+5 პ+2 ჩ; მბა ა მუტე 13+8 მ; დელფინო 11; დანლივი 10+5 პ; ილიასოვა 9+14 მ+3 პ+2 დ - ჯეიმსი 40+8 მ+5 პ+2 ჩ; უეიდი 23+8 მ+6 პ; ჩალმერსი 16+5 პ; ბოში 9+9 მ+5 პ).

* * *

ორლანდო (13:9)-ვაშინგტონი (4:18) 109:103, 25:20, 22:23, 22:25, 40:35 (ჰოვარდი 23+18 მ+4 ჩ+3 პ; რ.ანდერსონი 23+7 მ; რედიკი 21; თურქოღლუ 16+5 პ+4 მ - ნ.იანგი 24+3 მ; რ.ლიუისი 20+8 მ+3 პ; ჯორდან კროუფორდი 19+6 პ; სერაფინი 12+7 მ+2 დ; მეკი 12+4 პ).

ფილადელფია (16:6)-ჩიკაგო (18:6) 98:82, 27:21, 22:23, 26:11, 23:27 (ტ.იანგი 19+8 მ; იგუოდალა 19+8 მ+4 პ+2 - როუზი 18+6 პ; ბუზერი 9+9 მ).

მინესოტა (10:12)-ინდიანა (15:6) 99:109, 25:20, 16:25, 29:31, 29:33 (ლავი 21+17 მ; რიდნური 16+4 პ; პეკოვიჩი 13+12 მ; რუბიო 10+6 პ+4 მ; - გრეინჯერი 36+7 მ+2 პ; დ.კოლისონი 20+9 პ+6 მ; ჰიბერტი 15+9 მ+3 დ).

ნიუ ჯერსი (8:15)-დეტროიტი (4:20) 99:96, 23:23, 26:15, 23:33, 27:25 (დ.უილიამსი 26+9 პ+3 მ; ჰამფრიზი 18+8 მ+5 პ+2 დ; შელდენ უილიამსი 9+11 მ - პრინსი 21+6 მ+4 პ; მონრო 21+8 მ+3 ჩ).

ნიუ ორლეანი (4:18)-ფინიქსი (8:13) 103:120, 27:25, 32:31, 28:32, 16:32 (ვასკესი 20+12 პ+6 მ; - ნეში 30+10 პ; გორტატი 23+11 მ+2 პ; ფრაი 16+7 მ+2 პ).

დალასი (14:9)-ოკლაჰომა (17:4) 86:95, 29:21, 23:28, 14:22, 20:24 (ტერი 25+3 პ+2 ჩ; მერიონი 12+10 მ+2 პ; ნოვიცკი 8+8 მ+2 პ+2 ჩ - უესთბრუქი 33+6 მ+4 პ+2 ჩ; დიურანი 23+13 მ+3 პ+2 ჩ+2 დ; ჰარდენი 10+9 პ+7 მ; იბაკა 4+11 მ+10 დ).

ბოსტონი (11:10)-ტორონტო (7:16) 100:64, 29:16, 28:19, 20:14, 23:15 (პირსი 17+8 პ+6 მ; რ.ალენი 12+5 პ; - ბეილზი 14; ე.დევისი 10+12 მ+2 დ).

სტატიის მისამართი: http://24saati.ge/index.php/category/sport/basketball/2012-02-03/24926.html