• შესვლა
• დარეგისტრირება

• ტექსტი

• ამობეჭდე
• გაუგზავნე მეგობარს
• კომენტარი

თორ­ნი­კე შენ­გე­ლია: "NBA-ში თა­მა­ში ჩე­მი ოც­ნე­ბაა"

ბელ­გი­უ­რი "შარ­ლე­რუ­ა­სა" და სა­ქარ­თევ­ლოს სა­კა­ლათ­ბურ­თო ნაკ­რე­ბის ახალ­გაზ­რ­და ფორ­ვარ­დი თორ­ნი­კე შენ­გე­ლია მიმ­დი­ნა­რე სე­ზონს მა­ღალ დო­ნე­ზე ატა­რებს.

24 საათი 27.04.12

ბელ­გი­უ­რი "შარ­ლე­რუ­ა­სა" და სა­ქარ­თევ­ლოს სა­კა­ლათ­ბურ­თო ნაკ­რე­ბის ახალ­გაზ­რ­და ფორ­ვარ­დი თორ­ნი­კე შენ­გე­ლია მიმ­დი­ნა­რე სე­ზონს მა­ღალ დო­ნე­ზე ატა­რებს.

მარ­თა­ლია, თორ­ნი­კეს ტრავ­მამ შე­უ­შა­ლა ხე­ლი, მაგ­რამ ფორ­მა მა­ინც აღიდ­გი­ნა და გა­სულ შა­ბათს შე­დე­გი­ა­ნად ითა­მა­შა. "ოს­ტენ­დეს" წი­ნა­აღ­მ­დეგ 19 ქუ­ლა და 9 მოხ­ს­ნა მო­აგ­რო­ვა. ახ­ლა­ხან ცნო­ბი­ლი გახ­და, რომ თორ­ნი­კე NBA-ს მო­მა­ვალ დრაფ­ტ­ზე ასარ­ჩევ კა­ლათ­ბურ­თელ­თა შო­რის იქ­ნე­ბა და მი­სი აყ­ვა­ნა ნა­ცი­ო­ნა­ლუ­რი სა­კა­ლათ­ბურ­თო ასო­ცი­ა­ცი­ის ნე­ბის­მი­ერ გუნდს შე­უძ­ლია. 20 წლის ქრთვე­ლი ფორ­ვარ­დის აგენ­ტებ­მა NBA-ს შე­სა­ბა­მის კო­მი­სი­ა­ში უკ­ვე გაგ­ზავ­ნეს დო­კუ­მენ­ტა­ცია.

მო­მა­ვა­ლი დრაფ­ტის შე­სა­ხებ სა­ქარ­თ­ვე­ლოს კა­ლათ­ბურ­თის ფე­დე­რა­ცი­ის ვებ­გ­ვერ­დ­მა გა­მო­აქ­ვეყ­ნა თორ­ნი­კეს ინ­ტერ­ვიუ, რო­მელ­საც ჩვენს მკითხ­ველ­საც ვთა­ვა­ზობთ.

- რო­დის გა­დაწყ­ვი­ტე, რომ NBA-ს დრაფ­ტ­ზე დად­გე?

- ეს გა­დაწყ­ვე­ტი­ლე­ბა ჩემს აგენ­ტ­თან შე­თან­ხ­მე­ბით მი­ვი­ღე. შარ­შან დრაფ­ტ­ზე მო­ნა­წი­ლე­ო­ბის გა­ნაცხა­დი უკან­ვე გა­მო­ვი­ტა­ნეთ, წლე­ულს კი სა­ბო­ლო­ოდ გა­დავ­წყ­ვი­ტეთ. NBA-ში თა­მა­ში ჩე­მი ოც­ნე­ბაა და მი­ხა­რია, რომ ამე­რი­კა­ში გა­დას­ვ­ლის შან­სი მეძ­ლე­ვა.

- შე­სა­ნიშ­ნავ სე­ზონს ატა­რებ, თუმ­ცა, ტრავ­მის გა­მო სა­მი თვე გა­გიც­და...

- ახ­ლა მთა­ვა­რი მი­ზა­ნი სწო­რედ ამ ტრავ­მის შემ­დეგ რე­ა­ბი­ლი­ტა­ციაა. სე­ზო­ნის დას­რუ­ლე­ბამ­დე საკ­მაო დროა, გა­დამ­წყ­ვე­ტი მატ­ჩე­ბი წი­ნაა და ყვე­ლა­ფერს გა­ვა­კე­თებ, რომ მა­ღალ დო­ნე­ზე ვი­თა­მა­შო.

- რო­გორც გა­სულ მატ­ჩ­ში გა­მოჩ­ნ­და, შე­სა­ნიშ­ნავ ფორ­მა­ში ხარ...

- “ოს­ტენ­დეს­თან" კარ­გად ვი­თა­მა­შე, თუმ­ცა, ჯერ კი­დევ უნ­და მო­ვუ­მა­ტო. სა­კუ­თა­რი თა­ვით კმა­ყო­ფი­ლი არას­დ­როს არ ვარ. ვცდი­ლობ, მიღ­წე­ულ­ზე არ გავ­ჩერ­დე. დრაფ­ტ­ზე წარ­მა­ტე­ბის მი­საღ­წე­ვად ბევ­რი მუ­შა­ო­ბა მჭირ­დე­ბა.

- დრაფ­ტის მო­ნა­წი­ლე­თა ოფი­ცი­ა­ლუ­რი სია ჯერ არ გა­მოქ­ვეყ­ნე­ბუ­ლა...

- ფორ­მა­ლო­ბე­ბი და იური­დი­უ­ლი მხა­რე ნაკ­ლე­ბად მა­ინ­ტე­რე­სებს. მე ვვარ­ჯი­შობ, სა­ბუ­თე­ბით და დო­კუ­მენ­ტე­ბით მე­ნე­ჯე­რე­ბი არი­ან და­კა­ვე­ბუ­ლი. ვი­ცი, რომ დრაფ­ტ­ზე გა­ნაცხა­დის შე­ტა­ნის ვა­და იწუ­რე­ბო­და და აგენ­ტ­მა დრო­უ­ლად გაგ­ზავ­ნა ჩე­მი სა­ბუ­თე­ბი.

- შე­ნი აგენ­ტი რო­მე­ლია - ლე­ვან მი­ქე­ლა­ძე თუ გაი ცუ­კე­რი?

- ეს ორი მე­ნე­ჯე­რი პარ­ტ­ნი­ო­რე­ბი არი­ან. შე­იძ­ლე­ბა ით­ქ­ვას, ორი­ვე ჩე­მი მე­ნე­ჯე­რია.

- იმ მო­თა­მა­შე­თა უმე­ტე­სო­ბას, რომ­ლე­ბიც დრაფ­ტ­ზე დგე­ბი­ან, გარ­კ­ვე­უ­ლი გა­რან­ტი­აც აქვს, რომ აირ­ჩე­ვენ...

- ასე­თი გა­რან­ტია არ არ­სე­ბობს. შე­იძ­ლე­ბა გითხ­რან, რომ შე­ნით არი­ან და­ინ­ტე­რე­სე­ბუ­ლი, მაგ­რამ დრაფ­ტ­ზე არ აგირ­ჩი­ონ.

- შე­ნით თუ და­ინ­ტე­რეს­და NBA-ს რო­მე­ლი­მე კლუ­ბი?

- კონ­კ­რე­ტუ­ლი ფაქ­ტე­ბის შე­სა­ხებ ჩემ­მა აგენ­ტებ­მა იცი­ან. ისე კი, ვი­მე­ო­რებ, არა­ვის გა­რან­ტი­ა­ზე არ ვარ და­მო­კი­დე­ბუ­ლი. ჩე­მი თა­ვის იმე­დი მაქვს და ვი­ცი, თუ წარ­მა­ტე­ბით და­ვამ­თავ­რებ ამ სე­ზონს, დრაფ­ტ­ზე აუცი­ლებ­ლად ამირ­ჩე­ვენ.

- რო­გორ ფიქ­რობ, რო­მელ რა­უნ­დ­ში აგირ­ჩე­ვენ?

- არ ვი­ცი, წი­ნათ­გ­რ­ძ­ნო­ბა არ მაქვს.

- რო­მელ გუნ­დ­ში გინ­და მოხ­ვ­დე?

- ჩე­მი გა­და­საწყ­ვე­ტი რომ იყოს, "ოკ­ლა­ჰო­მას" ავირ­ჩევ­დი, მაგ­რამ ამას პრინ­ცი­პუ­ლი მნიშ­ვ­ნე­ლო­ბა არა აქვს. მთა­ვა­რია, სა­თა­მა­შო დრო მქონ­დეს და არა აქვს მნიშ­ვ­ნე­ლო­ბა, რო­მელ გუნ­დ­ში ვიქ­ნე­ბი.

- არის შემ­თხ­ვე­ვე­ბი, რომ დრაფ­ტ­ზე აყ­ვა­ნილ მო­თა­მა­შე­ებს NBA-ს გუნ­დე­ბი პირ­ვე­ლი­ვე წელს არ უფორ­მე­ბენ კონ­ტ­რაქტს და მათ სრულ­ყო­ფას ელო­დე­ბი­ან. შენ რო­მე­ლი ვა­რი­ან­ტი გირ­ჩევ­ნია?

- გა­აჩ­ნია, NBA-ს რო­მე­ლი გუნ­დი ამირ­ჩევს და გა­აჩ­ნია, რო­მელ ევ­რო­პულ კლუბ­ში მექ­ნე­ბა თა­მა­შის სა­შუ­ა­ლე­ბა. გა­მო­რიცხუ­ლი არა­ფე­რია. წი­ნას­წარ ლა­პა­რა­კი არ მინ­და. ყვე­ლა­ფე­რი დრაფ­ტის შემ­დეგ გა­დაწყ­დე­ბა.

- ახ­ლა რა კონ­კ­რე­ტუ­ლი ნა­ბი­ჯე­ბი უნ­და გა­დად­გა?

- დრაფ­ტის მო­ნა­წი­ლე კა­ლათ­ბურ­თე­ლე­ბი ჩვე­უ­ლებ­რივ კემ­პებ­ზე და­დი­ან და NBA-ს კლუ­ბებ­თან ერ­თად ვარ­ჯი­შო­ბენ. ამით ისი­ნი ცდი­ლო­ბენ თა­ვი­ან­თი ნი­ჭი კარ­გად გა­მო­ავ­ლი­ნონ. არ ვი­ცი, რო­დი­დან მო­მე­ცე­მა ამის სა­შუ­ა­ლე­ბა. ჯერ ბელ­გი­ა­ში რე­გუ­ლა­რუ­ლი სე­ზო­ნი არ დას­რუ­ლე­ბუ­ლა. დრაფ­ტი 28 ივ­ნის­საა. მა­ნამ­დე დი­დი დროა.

• ამობეჭდე
• გაუგზავნე მეგობარს
• კომენტარი

ამბები

• პოლიტიკა
• უცხოეთი
• რეგიონი
• ინტერვიუ
• სამართალი

ბიზნესი

• ტექნოლოგიები
• ფინანსები
• ბანკები
• მშენებლობა
• რეალური კაპიტალი

სპორტი

• ფეხბურთი
• კალათბურთი
• ჭიდაობა
• რაგბი
• ჭადრაკი
• სხვა

საზოგადოება

• განათლება
• მედია
• მეცნიერება
• ევროპა ირჩევს

რევიუ

• ხელოვნება და დიზაინი
• თეატრი
• კინო
• წიგნები
• ტელევიზია
• მუსიკა

სტილი

• სახლი
• მოდა
• მარანი
• კულინარია
• ავტო

თვალსაზრისი

• აგორა
• ფოსტა
• ბლოგი
• პრესომბუდსმენი

ტენდერები

The New York Times