ლიმუზინი სუპერ ავტომობილის ბაზაზე

კომპანია „კარბონაიტ UK-ს" უცნაური ახირება აქვს - სუპერ ავტომობილების ლიმუზინებად გადაკეთებაზე ექავება ხელები.

24 საათი 09.05.12

ყოველ შემთხვევაში, სახელი „ფერარი 360 მოდენას" დაგრძელებით გაითქვა. ახლა კი „აუდის" R8 V10-ს მიადგა და მისგანაც საოცარი სიმახინჯის შექმნას აპირებს. სხვათა შორის, ორივე ავტომობილი კომპანია „ლიმო ბროკერის" დაკვეთაა.

ბრიტანულმა კომპანიამ გამოაცხადა, რომ „აუდი R8 V10-ს" ბაზაზე ლიმუზინის დამზადებას უკვე შეუდგა და შემკვეთს სასურველ პროდუქტს ზაფხულის ბოლოს ჩააბარებს. მანამდე კი „ლიმო ბროკერმა" ავტომობილის კომპიუტერული ფოტოები და ვიდეოკლიპი გამოაქვეყნა.

ლიმუზინის სალონში 8 სპორტული სავარძელი ოთხ რიგად მოთავსდება. ავტომობილი უცვლელად შეინარჩუნებს 5.2-ლიტრიან V10 ძრავს, რომელიც 528 ცხენის ძალას ავითარებს....

სტატიის მისამართი: http://24saati.ge/index.php/category/style/auto/2012-05-09/28460.html