"მერსედესი" უგზოობის კომპაქტურ მოდელზე მუშაობს

A-კლასის ხუთკარიანი ჰეჩბეკის გამოშვება მხოლოდ დასაწყისია მცირე კლასში "მერსედესის" გააქტიურებისა.

24 საათი 04.07.12

ამ ავტომობილს კიდევ არაერთი მოჰყვება, მათ შორის ოთხკარიანი სპორტული სედანი CLA, რომელიც სამქიმიანებმა პეკინის ავტო გამოფენაზე კონცეპტუალური ავტომობილის სახით წარადგინეს და კომპაქტური ზომის ქროსოვერი.

ახლახანს ამ უკანასკნელის შესახებ, ინფორმაცია გაავრცელა ბრიტანულმა გამოცემა "ქარ მეგზინმა", რომელიც გვამცნობს, რომ A-კლასზე ბაზირებულ უგზოობის ავტომობილს შტუტგარტელები GLA-ს სახელით გაგვაცნობენ. შეგახსენებთ, რომ გერმანული კომპანია თავისი ავტომობილების აბრევიატურების სისტემას ცვლის და ახალი სისტემით, ასო G-ს უგზოობის ავტომობილებისთვის და ქროსოვერებისთვის გამოიყენებენ.

გარანტირებულად შეიძლება ითქვას, რომ GLA პლატფორმას (MFA - მერსედესის წინაამძრავიანი არქიტექტურა) A-კლასის ჰეჩბეკისგან გაიზიარებს და მისსავე ბორბლებს შორის ბაზის სიგრძეს (2.7 მ) შეინარჩუნებს. მისი სიგრძე დაახლოებით 4.4 მეტრის ფარგლებში იქნება. ანუ, ამ პარამეტრით ის ახლოს იქნება თავის ორ უმთავრეს მეტოქესთან - "აუდი Q3-თან" და "ბეემვე X1-თან".

ძრავების გამაში, ბენზინის და დიზელის ოთხცილინდრიანი აგრეგატები შევა. წინაამძრავიან ტრანსმისიასაც GLA იმავე A-კლასის ჰეჩბეკისგან მიიღებს. ამასთან, შესაძლებელი იქნება სრულამძრავიანი სისტემის დაყენებაც.

ბრიტანული გამოცემის ინფორმაციით, ბაზარზე ჯერ სპორტული სედანი CLA გამოცა (მერმისს), ერთი წლის შემდეგ კი მას GLA-ც მოჰყვება.

სტატიის მისამართი: http://24saati.ge/index.php/category/style/auto/2012-07-04/30343.html