ფაჩულიას ორმაგი დოზა
01 აპრილი, 2014
3477
print

ბოლო ტესტებში ზაზა ფაჩულია სანტა კლაუსია. შეგიძლია მშვიდად შეუკვეთო ორმაგი დუბლი და ამანათი დროულად მივა დანიშნულების ადგილზე. შეგიძლია მშვიდად ჩაუჯდე ”მილუოკის” თამაშს და ყველა შემთხვევაში მშვიდად იქნები - ”მილუოკი” წააგებს, ზაზა არ წააგებს და მთქმელი სტატისტიკით დახურავს ტესტს. ”დეტროიტთან” საქართველოს ნაკრების კაპიტანი შეუცვლელი, ძალიან კარგი, ორმაგი იყო - 12 ქულა, 13 მოხსნა, 6 პასი, 3 დაფარება. ”მილუოკი” 111:116 აგებს. ზაზა ბონუსია, ”მილუოკი” - ზერო.

”დეტროიტი” თითქმის გუნდია. ”დეტროიტი” სუსტ აღმოსავლეთში ფლეი ოფის ვიზაზე დიდ რიგში დგას. ფლეი ოფი ”დეტროიტის” გარეშე დაიწყება და ”პისტონზის” ბოსები ჯო დუმარსს კუთხეში დააყენებენ. ჯომ ადრე, უოლასებით, ბილაფსით, პრინსით და რიპერით სუპერფინალი (2003/04) მოიგო და შემდეგ ჩათვლიმა. დუმარსი პროგრესში გაიყინა და ბოსები ამას ხედავენ. ჯო წითელ წიგნში შევა და ”მილუოკისთვის” ცალკე წითელი წიგნი იხსნება. ცუდი კლუბების წითელი წიგნი. ამ სეზონის ბოლომდე.

”დეტროიტში” ანდრე დრამონდის საშუალო სტატისტიკა (13.0+12.8 მოხსნა) მომავალია. და ”მილუოკისთან” დრამონდი 10 ქულას, 16 მოხსნას (8 - სხვის ტერიტორიაზე) იღებს. ახალგაზრდა პივოტმა საქმე გააკეთა და ახალგაზრდამ ზაზასგან პატარა მასტერკლასი მიიღო. თუ ”დეტროიტში” დრამონდს მოქნილი გრეგ მონრო (28+14 მოხსნა) და ჯოშ სმიტი (26) ეხმარებიან, ”მილუოკის” ცხელ წერტილებში ზაზა მარტო იბრძვის. ”დეტროიტთან” არ იყვნენ ერსან ილიასოვა, ლარი სანდერსი. და ზაზამ თითქმის ბოლომდე გაქაჩა.

7 მოხსნა ფაჩულიამ შეტევაში ახსნა. კლასიკა. 13/6 ზუსტი სროლა. მისაღები სტატისტიკა, როდესაც შენ იქ, ტიტანების უდაბნოში უმეგობროდ, მარტო ხარ მიტოვებული. ზაზას შემდეგ ”მილუოკიში” ყველაზე მეტი მოხსნა აქვს პატარა გენერალს, ბრენდონ ნაითს (9). და ბიჭმა 25 ქულა და 7 პასიც დაირტყა.

”დეტროიტმა” დაასრულა სამმატჩიანი მოუგებელი სერია. ”მილუოკი” (14:60) აგებს და ეს ჩვეულებრივი თემაა. შემდეგ სეზონში ზაზა უკეთეს გუნდში იქნება.

ფაჩულია საშუალოდ, ამ რეგულარულში - 7.4 ქულა, 6.1 მოხსნა, 2.5 პასი, 1.0 ჩაჭრა. 3 დაფარება სოლიდურია და ამ კომპონენტში ფაჩულია მოუმატებს. 10 მარტის შემდეგ ზაზას ბლოკი არ ჰქონდა გაკეთებული. ცოტაა. და მთელ სეზონში ზაზას ანგარიშზე მიზერული, 11 დაფარებაა. მინუსი, რომელიც ბევრი პოზიტივით და გამოცდილებით იფარება.

”მილუოკის” შემდეგი ორი ტესტი - მაიამიში და ჩიკაგოში. რთული იქნება.

 

 

kaxa fachuashvili
ტეგები
სხვა სიახლეები
23 მარტი 12:33 კახი კახიაშვილი ევროპის ჩემპიონატის წინ
22 მარტი 08:22 ერთი დღე აკადემიაში
22 მარტი 07:45 ირაკლი თურმანიძე ევროპის ჩემპიონატის წინ
13 მარტი 21:20 გადაცემა 5/5: მწვრთნელებმა საუკეთესოები დაასახელეს
13 მარტი 09:58 ბოულინგის მედიატურნირი სოციალური მხარდაჭერით
03 მარტი 22:01 ზამთრის უნივერსიადა 2017
21 თებერვალი 20:05 განათლების, სპორტის და ახალგაზრდულ საქმეთა საქალაქო სამსახურმა ორწლიანი ციკლი შეაჯამა
15 თებერვალი 22:36 ძალოსნობა. თბილისის ღია პირველობა. ბოლო დღე
14 თებერვალი 21:58 ძალოსნობა. თბილისის ღია პირველობა. II დღე
13 თებერვალი 22:50 ძალოსნობა. თბილისის ღია პირველობა. I დღე